रविवार, 4 ऑक्टोबर 2026
Yogi Adityanath : युपीतील नागरिकांच्या स्थलांतरणाबाबत आदित्यनाथांचं मोठे विधान; म्हणाले, आता आपल्या मातीतच कौशल्य दाखवण्याची संधी, सौजन्य : आयएएनएस
मुख्यमंत्र्यांनी रविवारी संत रविदास नगर, भदोही येथील कार्पेट एक्स्पो मार्टमध्ये 4 ते 7 ऑक्टोबरपर्यंत आयोजित इंडिया कार्पेट एक्स्पोच्या सुवर्ण जयंती महोत्सवानिमित्त उपस्थितांना संबोधित केले. या एक्स्पोमध्ये 227 पेक्षा जास्त एक्सिबिटर्स आणि 65 देशांतील 450 पेक्षा जास्त खरेदीदारांनी भाग घेतला आहे. यात ब्रिक्स देशातील 106 खरेरीदारांचाही समावेश आहे.
मुख्यमंत्री म्हणाले की, 2017 आधी उत्तर प्रदेशात हताशा व निराशा होती. दंगली, संचारबंदी, उपद्रव्य आणि माफियाराजमुळे व्यवसायाचे वातावरण नव्हते. कारागिरांना काम मिळत नव्हते. देश, परदेशातील खरेदीदारही येथे येत नव्हते. आमच्या सरकारने वन डिस्ट्रिक्ट वन प्रोडक्ट योजनेत भदोहीच्या गालिच्याचा समावेश करत कारागिरांना तांत्रिक, डिझाइन आणि बाजारपेठेशी जोडले.
संत रविदास नगर आणि सिल्क क्लस्टरमधून 6,100 कोटी रुपयांची निर्यात होत आहे. देशातील एकूण गालिच्याच्या निर्यातीत संत रविदास नगर, मिर्झापूर आणि वाराणसीमधून मखमली गालिच्याची भागिदारी 60 टक्के आहे. एकट्या संत रविदास नगरमधून 2,500 एमएसएमई यूनिटची निर्यात होते, ज्याचा वार्षिक टर्नओव्हर 10 हजार कोटी रुपये आहे. या उद्योगातून पाच लाखांपेक्षा जास्त लोकांना थेट रोजगार मिळत आहे.
त्यांनी सांगितले की, जिल्ह्यात तयार होणाऱ्या ९० टक्के गालिच्यांची अमेरिका, जर्मनी, ऑस्ट्रेलिया, कॅनडा आणि ब्रिटनसह विविध देशांमध्ये निर्यात केली जाते. भदोहीच्या हस्तनिर्मित गालिच्याला जीआय टॅगही मिळाला आहे. कार्पेट आणि टेक्सटाइल तंत्रज्ञानातील तांत्रिक शिक्षण, डिझायनिंग आणि रंगकामाचे प्रशिक्षण देण्यासाठी भदोही येथे इंडियन इन्स्टिट्यूट ऑफ कार्पेट टेक्नॉलॉजीची स्थापना करण्यात आली आहे.
मुख्यमंत्र्यांनी सांगितले की, चांगल्या दळणवळण सुविधांचा थेट लाभ गालिचा उद्योगाला मिळत आहे. गंगा एक्स्प्रेसवेचा विस्तार विंध्य एक्स्प्रेसवेच्या रूपात झाल्यानंतर संत रविदास नगरहून नोएडा आंतरराष्ट्रीय विमानतळावर सहा तासांत पोहोचता येणार आहे. विमानतळावरील कार्गो सुविधेमुळे भदोहीचे गालिचे जगभरातील बाजारपेठेत सहज पोहोचू शकतील. तसेच वाराणसी ते हल्दिया दरम्यान अंतर्देशीय जलमार्गाची सुविधा असून, वाराणसीतील लाल बहादूर शास्त्री आंतरराष्ट्रीय विमानतळावरही कार्गो सुविधा उपलब्ध आहे.
