तुमच्या फोनचे स्टोरेज फुल झाले असेल तर या डिव्हाइसवर डेटा स्टोअर करा, वर्षानुवर्षे सुरक्षित राहील

अनेकदा आपल्या फोनमधील स्टोरेज फुल होते आणि नवीन फाइल्स स्टोअर करण्यासाठी आपण जुन्या फाइल्स डिलीट करतो मात्र आता असे काहीही करण्याची आवश्यकता नाही. फोनमधील काही डिव्हाइसवर तुम्ही तुमचा अतिरिक्त डेटा स्टोअर करून ठेवू शकता. (फोटो सौजन्य: istock)

Follow Us:

Follow Us:

स्मार्टफोन हा आपल्या जीवनाचा एक अविभाज्य भाग बनला आहे. आजच्या युगात आपला स्मार्टफोन आपल्या अनेक कामात आपली मदत करत असतो. अनेक प्रकारचे फोटो, व्हिडीओ आणि डॉक्युमेंट्स सेव्ह करण्यासाठीही आपल्याला आपल्या स्मार्टफोनची फार मदत असते. त्यामुळेच आता स्मार्टफोन कंपन्या मोबाइल फोन बाजारात आणत आहेत, जे चांगल्या स्टोरेज क्षमतेसह येतात, जेणेकरून युजर्सना आपला डेटा स्टोअर करण्यासाठी कोणतीही अडचण येऊ नये.

अनेक स्मार्टफोन्स 512 GB पर्यंत इंटरनल स्टोरेजसह येतात, ज्यामध्ये लोक फोटो, व्हिडिओसह सर्व प्रकारच्या फाइल्स स्टोअर करू शकतात. परंतु, तरीही अनेकांना त्यांच्या स्मार्टफोनमध्ये स्टोरेज पूर्ण होण्याची समस्या असते.

लोकांना डिलीट करावा लागतो जुना डेटा

लोकांना अनेकदा आपल्या स्मार्टफोनमध्ये फोटो, व्हिडिओ, गाणी आणि ॲप्स यासारख्या गोष्टी स्टोअर करण्यासाठी जागा कमी पडते. अशा परिस्थितीत, त्यांना नवीन फाइल्स स्टोअर करण्यासाठी त्यांचा जुना डेटा डिलीट करावा लागतो. बऱ्याचदा यात काही महत्त्वाच्या फाइल्सचाही समावेश असतो. मात्र, तुम्हाला माहीत आहे का, आता तुम्ही तुमचा डेटा वर्षानुवर्षे सुरक्षित ठेवण्यासाठी काही उत्तम डिव्हाइसचा वापर करू शकता. आज आम्ही तुम्हाला याविषयी सविस्तर माहिती देणार आहोत.

हेदेखील वाचा – स्मार्टफोनच्या स्लो चार्जिंगने हैराण आहात? मग घरबसल्या हा सोपा उपाय करून पहा

एक्सटर्नल हार्ड ड्राइव्ह

जर तुमच्या स्मार्टफोनमधील जागा भरली असेल, तर तुमचा जुना डेटा हटवण्याऐवजी तुम्ही तो एक्सटर्नल हार्ड ड्राइव्हमध्ये साठवू शकता. एक्सटर्नल हार्ड ड्राइव्ह हा डेटा स्टोअर करण्याचा सर्वात सोपा, स्वस्त आणि सुरक्षित मार्ग आहे. यामध्ये तुम्ही टेराबाइट्समध्ये तुमचा डेटा साठवू शकता. तुम्ही ते तुमच्या कॉम्प्युटर किंवा लॅपटॉपशी कनेक्ट करू शकता आणि डेटा सहजपणे ट्रान्सफर करू शकता.

क्लाउड स्टोरेज

क्लाउड स्टोरेज तुम्हाला तुमचा डेटा इंटरनेटद्वारे साठवण्याची परवानगी देते. सध्या Google Drive, Dropbox आणि OneDrive सारख्या अनेक क्लाउड स्टोरेज सेवा उपलब्ध आहेत, ज्या तुम्हाला तुमचा अतिरिक्त डेटा साठवण्याची परवानगी देतात. या सर्व्हिसमध्ये तुम्हाला काही GB स्टोरेज मोफत मिळते, परंतु अधिक स्टोरेज मिळविण्यासाठी तुम्हाला पैसे द्यावे लागू शकतात.

Web Title: Smartphones extra data store tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com