Marathi News »
Technology »
How To Charge Smartphone Fast Follow Easy Steps

स्मार्टफोनच्या स्लो चार्जिंगने हैराण आहात? मग घरबसल्या हा सोपा उपाय करून पहा

तुमचाही स्मार्टफोन चार्ज होण्यास फार वेळ घेत आहे. मग घरच्या घरी हे सोपे उपाय करून पहा, याने तुमचा स्मार्टफोन पूर्वीपेक्षा जलद गतीने चार्ज होऊ लागेल. (फोटो सौजन्य: istock)

By नुपूर भगत

Updated On: Jul 20, 2024 | 10:38 AM

फास्ट चार्जिंग आणि बॅटरी बॅकअपसाठी या पर्यायांचा अवलंब करा

स्मार्टफोन हा आपल्या आयुष्याचा एक अविभाज्य भाग बनला आहे. आजच्या डिजिटल युगात आपण आपल्या स्मार्टफोनशिवाय काही तसाही घालवू शकत नाही. एकमेकांसोबत संपर्क साधण्याबरोबरच आपल्या रोजच्या अनेक कामात स्मार्टफोनची मदत होत असते. ऑनलाईन पेमेंटपासून मनोरंजन आणि शिक्षणा[पर्यंत अनेक कामांसाठी आता स्मार्टफोन आवश्यक झाले आहेत. मात्र, काहीवेळा आपला स्मार्टफोन फार संथ गतीने चालू लागतो. स्मार्टफोनच्या स्लो चार्जिंगमुळे मोठी अडचण होते. त्यामुळे आपली अनेक कामेही ठप्प होतात

तुमचाही स्मार्टफोन चार्ज होण्यास फार वेळ घेत असेल आणि स्लो चार्जिंगची समस्या तुम्हाला दूर करायची असेल तर आजची ही बातमी तुमच्यासाठी महत्त्वाची असणार आहे. आम्ही तुम्हाला चार्जिंगशी संबंधित काही गोष्टी सांगणार आहोत ज्यामुळे तुम्हाला तुमचा फोन फास्ट चार्ज करता येईल आणि अवघ्या काही तासांचा बॅटरी बॅकअपही मिळेल. यासाठी खाली दिलेल्या काही स्टेप्स फॉलो करा.

A mobile phone being charged using a power bank is on the table Use power bank to charge mobile phone anytime anywhere, charge sharing concept phone charging stock pictures, royalty-free photos & images

हेदेखील वाचा – Airtel ने 5G युजर्ससाठी 3 नवीन प्लॅन्स लाँच केले! 51 रुपयांच्या सुरुवातीच्या किमतीत मिळतील अनेक फायदे

फास्ट चार्जिंग आणि बॅटरी बॅकअपसाठी या पर्यायांचा अवलंब करा

जर तुमचा स्मार्टफोन स्लो चार्ज असेल तर कदाचित त्याच्या चार्जिंग पोर्टमध्ये घाण किंवा कोणता कचरा जमा झाला असावा. त्यामुळे तुम्ही तुमच्या फोनचा पोर्ट सर्वप्रथम साफ करा. हे काम काळजीपूर्वक करणे गरजेचे आहे.
यासाठी तुम्ही टूथपिकचा वापर करू शकता. तुमचा फोनचा पोर्ट साफ करण्यासाठी तुम्ही टुथपिकचा वापर करा. ही टूथपिक तुम्हाला बाजारात सहज उपलब्ध होईल. यासाठी सुती कापडाच्या साहाय्याने टूथ पिक हळुवारपणे स्वच्छ करा.
यासाठी तुम्ही अल्कहोलचाही वापर करू शकता. यासाठी अल्कहोलचे काही थेम्ब घेऊन कापडाने साफ करा. मात्र असे करण्यापूर्वी निश्चितपणे तज्ञांचा सल्ला घ्यावा.
स्मार्टफोनचा पोर्ट साफ करण्यापूर्वी फोन आठवणीने स्विच ऑफ करा.
जर तुमचा फोन फार हळू चार्ज होत असेल तर तुम्ही फोनला चार्ज करत असताना तो बंद करू शकता. असे केल्याने खरोखर बराच बदल तुम्हाला दिसून येईल.
फोन चार्जला लावण्यापूर्वी बॅकग्राउंडमध्ये चालू असलेले ॲप्लिकेशन पूर्णपणे बंद करा. आम्ही तुम्हाला सांगतो की, बॅकग्राउंडमध्ये चालणारे ॲप्स चार्जिंगदरम्यान बॅटरीचा वापर करत राहतात.
फोन जलद गतीने चार्ज करण्यासाठी नेहमी तुमच्या मूळ चार्जरचा वापर करा. बऱ्याच वेळा स्मार्टफोन इतर थर्ड पार्टी चार्जरशी कम्पॅटिबल नसतात आणि त्यामुळे तर चार्जिंगला योग्य रित्या सपोर्ट करत नाहीत.
तुमच्या फोनला जलद चार्ज करण्यासाठी तुम्ही जास्त बॅटरी वापरणारे ॲप्स बंद किंवा तुम्ही त्यांना डिसॅबल करू शकता.