Health Issues: हवेच्या प्रदूषणामुळे Non – Smokers चे फुफ्फुससुद्धा धोक्यात, चिंतेचा विषय; वाचा लक्षणे

हवेच्या प्रदूषणामुळे सध्या सगळ्यांनाच आरोग्याच्या समस्या होत आहेत. बरेचदा फुफ्फुसाच्या समस्या या धुम्रपानामुळे होतात असा समज आहे. पण आता ही परिस्थिती हवेच्या प्रदूषणामुळे उद्धवली आहे, जाणून घ्या

• हवेच्या प्रदूषणाचा वाढता त्रास 

• फुफ्फुसावर कसा होतोय हवेच्या प्रदूषणाचा परिणाम 

• नॉन – स्मोकर्सनाही धोका 

सध्या हवेच्या प्रदूषणाचा फुफ्फुसांवर गंभीर परिणाम होत आहे. अनेकांना घसा खवखवणे, वेदना, खोकला आणि श्वास घेताना घरघर (व्हीजिंग) अशा तक्रारी जाणवत आहेत. वाढते हवेचे प्रदूषण फुफ्फुसांच्या आरोग्यावर शांतपणे परिणाम करत आहे आणि धूम्रपान न करणाऱ्या लोकांनाही श्वसनविकारांचा धोका वाढवत आहे, हे जाणून तुम्हाला आश्चर्य वाटेल.

जड वाहतूक, बांधकाम आणि औद्योगिक कामांमुळे हवेचे प्रदूषण चिंतेचा विषय बनला आहे. आता जे लोक कधीच धूम्रपान करत नाहीत, त्यांनाही खराब हवेच्या गुणवत्तेमुळे फुफ्फुसांचे आजार होत आहेत. प्रदूषित हवेमधील अतिसूक्ष्म घातक कण फुफ्फुसांच्या आत खोलवर जाऊन त्वरित लक्षणे न दिसता दीर्घकाळ नुकसान करू शकतात. त्यामुळे जागरूकता आणि प्रतिबंध खूप महत्त्वाचे आहेत. डॉ. अभिजित मंत्री, ईएनटी तज्ज्ञ, अपोलो स्पेक्ट्रा रूग्णालय पुणे यांनी याबाबत अधिक माहिती दिली आहे. 

Mumbai Pollution: प्रदूषणावर मानस उपाय! हवेची गुणवत्ता तपासण्यासाठी 75 नवीन सेन्सर बसवणार

नॉन-स्मोकर्स का धोक्यात?

धूम्रपान न करणारे लोकही दररोज प्रदूषित हवेला सामोरे जातात. प्रवास करताना, कामाच्या ठिकाणी किंवा घरातही. PM2.5 सारखे सूक्ष्म कण, विषारी वायू आणि धूळ श्वसनमार्गाला त्रास देतात आणि हळूहळू फुफ्फुसांची कार्यक्षमता कमी करतात. दीर्घकाळ प्रदूषणाच्या संपर्कात राहिल्यास दमा, क्रॉनिक ब्रॉन्कायटिस आणि अगदी फुफ्फुसांचा कर्करोग होण्याचा धोका वाढतो.

लहान मुले, ज्येष्ठ नागरिक आणि आधीपासून काही आजार असलेले रुग्ण अधिक संवेदनशील असतात. पण धूम्रपान न करणारे निरोगी प्रौढही खराब हवेच्या गुणवत्तेमुळे श्वसनाच्या समस्यांना बळी पडू शकतात. घरात अगरबत्तीचा वापर, स्वयंपाकाचा धूर, कमी वायुवीजन (व्हेंटिलेशन) आणि सेकंड-हँड स्मोकमुळे घरातील हवेची गुणवत्ता खराब होऊन फुफ्फुसांना हानी पोहोचू शकते. खोकला, श्वास लागणे, घरघर किंवा वारंवार श्वसनाचे इन्फेक्शन ही लक्षणे दिसल्यास ती दुर्लक्षित करू नयेत. जर तुम्ही धूम्रपान करत नसाल तरीही. त्यामुळे फुफ्फुसांचे संरक्षण करणे अत्यंत आवश्यक आहे.

Mumbai Air Quality AQI: मुंबईकरांनो सावध राहा…! फेब्रुवारीत AQI ने पाचव्यांदा गाठला उच्चांक

या महत्त्वाच्या गोष्टींचे पालन करा

फुफ्फुसांचे संरक्षण करण्यासाठी काही साध्या सवयी महत्त्वाच्या आहेत:

• आपल्या परिसरातील AQI (Air Quality Index) तपासा आणि हवा खराब असल्यास बाहेर जाणे टाळा 
• जास्त प्रदूषणाच्या वेळेत (सकाळ-संध्याकाळ) बाहेरील कामे टाळा 
• बाहेर पडताना मास्कचा वापर करा 
• बाहेरील हवा खराब असल्यास खिडक्या बंद ठेवा 
• घरात एअर प्युरीफायरचा वापर केल्यास हवा सुधारते 
• झाडे घरात आणि बाहेर लावा—ती नैसर्गिक एअर प्युरीफायर आहेत 
• दररोज ४५ मिनिटे व्यायाम करा (गरज असल्यास घरातच) 
• अँटिऑक्सिडंटयुक्त संतुलित आहार घ्या 
• जंक, प्रोसेस्ड आणि डबाबंद अन्न टाळा 
• पुरेसे पाणी प्या 
• सेकंड-हँड स्मोकपासून दूर राहा 

सकाळी आणि संध्याकाळी वाऱ्याचा प्रवाह कमी असल्याने प्रदूषण जास्त असते, याची नोंद घ्या. फुफ्फुसांच्या आरोग्याकडे दुर्लक्ष करणे योग्य नाही. नियमित आरोग्य तपासणी आणि फुफ्फुसांची कार्यक्षमता तपासणे (लंग फंक्शन टेस्ट) यामुळे समस्या लवकर ओळखता येतात.