नॅचरल ग्लोइंग स्किनसाठी चेहऱ्यावर लावा घरीच तयार केलेले होममेड राइस जेल, तांदळाच्या वापरामुळे त्वचा राहील तरुण
वाढत्या तापमानाचा थेट परिणाम आरोग्यासोबतच त्वचेवर सुद्धा दिसून येत आहे. कडक उन्हात कुठेही बाहेर फिरून आल्यानंतर चेहरा खूप जास्त सुकल्यासारखा आणि निस्तेज वाटतो. चेहऱ्यावरील तारुण्य हरवल्यानंतर ती सुधारण्यासाठी खूप जास्त प्रयत्न केले जातात. कधी स्किन केअरमध्ये बदल केला जातो तर कधी बाजारात उपलब्ध असलेल्या महागड्या स्किन केअरचा वापर करून त्वचेची काळजी घेतली जाते. त्वचेची योग्य पद्धतीने काळजी न घेतल्यास तरुण वयात चेहऱ्यावर सुरकुत्या, बारीक रेषा आणि इतर समस्या दिसून येतात. त्यामुळे चेहऱ्याची काळजी घेणे फार आवश्यक आहे. चेहऱ्यावरील ग्लो वाढवण्यासाठी कायमच महागड्या स्किन केअर आणि सीरमचा वापर करण्याऐवजी घरगुती उपाय करावेत. यामुळे त्वचा कायमच फ्रेश आणि सुंदर राहण्यास मदत होते. चेहऱ्यावरील हरवलेला ग्लो पुन्हा परत मिळवण्यासाठी तासनतास पार्लरला जाण्याऐवजी घरगुती उपाय करून त्वचेची काळजी घ्यावी. चला तर जाणून घेऊया वाढत्या उन्हाळ्यात त्वचा फ्रेश आणि ग्लोइंग ठेवण्यासाठी होममेड राईस जेल बनवण्याची सोपी कृती.(फोटो सौजन्य – istock)
राईस जेल चेहऱ्यावर लावण्याआधी त्वचा पाण्याने स्वच्छ धुवून घ्या. त्यानंतर चेहरा कोरडा करून त्यावर तयार केलेले राईस जेल लावून ठेवा. जेल हलक्या हाताने चेहऱ्यावर मसाज करून घ्या. त्यानंतर काहीवेळानंतर चेहऱ्यावर कोणतेही नाईट क्रीम लावून रात्रभर तसेच ठेवा. यामुळे त्वचेच्या पेशी सुधारण्यास मदत होईल आणि चेहऱ्यावरील ग्लो कायम टिकून राहील. कोणतेही नाईट जेल किंवा क्रीम शक्यतो रात्री झोपण्याआधी चेहऱ्यावर लावावे. यामुळे त्वचेवर चमकदार ग्लो येतो आणि त्वचा खूप सुंदर दिसते.
