हाडे कडकड वाजतायेत? आयुर्वेद बाबांनी सांगितला 10 रुपयांचा उपाय, 206 हाडांमध्ये भरेल मजबूती

हाडांचे दुखणे एक सामान्य समस्या बनली असून थंडीत याच्या वेदना आणखीन त्रासदायक ठरतात. बाबा कैलाश यांच्या मते, हाडांना मुळापासून मजबूती मिळवून देण्यासाठी स्वयंपाकघरातील दोन पदर्थांचे सेवन फायद्याचे ठरते.

• आयुर्वेद तज्ञ बाबा कैलाश यांनी सांगितला रामबाण उपाय
• हाडांना मुळापासून मजबूत करण्यासाठी स्वयंपाक घरातील दोन पदार्थांचे सेवन फायदेशीर
• इंस्टाग्राम शेअर केलाय व्हिडिओ

वयोमानानुसार, हाडांचे दुखणे दुपटीने वाढू लागते. उठताना किंवा बसताना गुडघ्यांमधून कडकड आवाज येऊ लागतो. बऱ्याचदा चालतानाही तीव्र वेदना होऊ लागतात. कॅल्शियमची कमतरता, पोषकतत्वांची कमी, जीवनशैलीतील बदल आणि सांध्यातील लुब्रिकेशनच्या कमतरतेमुळे गुडघे आणि हाडांमध्ये कमकुवतपणा आणि वेदना होऊ लागतात. ही समस्या वृद्धांमध्ये फार सामान्य आहे.

वेट लॉससाठी पेरू सीक्रेट फॉर्म्युला! महिनाभरात शरीरात दिसून येतील आश्चर्यकारक बदल, कायमच रहाल फिट आणि हेल्दी

अनेकजण सांधे आणि हाडांच्या समस्येने ग्रस्त आहेत, हिवाळ्यात ही समस्या अधिक वाढते. हाडांचा कमकुवतपणा तुमचे संपूर्ण शरीर वीक बनवतो. तुमचे शरीर सुरळीत काम करावे अशी तुमची इच्छा असेल तर यासाठी हाडांचे मजबूत असणे फार महत्त्वाचे आहे. शरीराच्या योग्य कार्यासाठी तुमचे सांधे आणि हाडे निरोगी असायला हवेत. मजबूत आणि निरोगी हाडे मिळवायची असल्यास आपल्याला आपल्या आहारात काही विशिष्ट बदल करणे गरजेचे आहे. कॅल्शियम आणि व्हिटॅमिन डी युक्त आहार हाडांना मजबूती देऊन गुडघेदुखी किंवा सांधेदुखीसारख्या समस्येपासूनही आपली सुटका करतो. ऋषिकेशमधील आयुर्वेद तज्ञ बाबा कैलाश यांनी हाडांच्या समस्या दूर करुन त्यांना मजबूती मिळवून देण्यासाठी एक खास उपाय सांगितला आहे.

काय आहे उपाय?

आयुर्वेद तज्ञ बाबा कैलाश यांच्या मते, काळे मनुके आणि पांढरे तीळ हाडांना आतून मजबूती मिळवून देण्यास मदत करतात. काळ्या मनुक्यात लोह, कॅल्शियम, अँटिऑक्सिडंट्स आणि हाडे आतून मजबूत करणारे विविध पोषक घटक आढळून येतात. काळे आणि पांढरे तीळ हे कॅल्शियम, मॅग्नेशियम आणि निरोगी चरबीचे उत्कृष्ट स्रोत आहेत. यांचे एकत्र सेवन केल्यास गुडघ्यातील लुब्रिकेशन वाढवण्यास आणि हाडांच्या वेदना कमी होण्यास मदत होईल.

कृती:

• यासाठी प्रथम दोन चमचे काळे मनुके घ्या आणि ते एका कप पाण्यात तासभर भिजत ठेवा.
• एक तासानंतर यांना मिक्सरमध्ये बारीक वाटून घ्या.
• आता त्यात अर्धा चमचा पांढरे तीळ आणि अर्धा चमचा काळे तीळ घाला.
• सर्व काही मिक्सरमध्ये चांगले बारीक करा.
• हे मिश्रण न गाळता एका ग्लासात भरा आणि नियमित याचे सेवन करा.

किती वेळा प्यावे?

बाबांनी स्पष्ट केले की, आठवड्यातून २-३ वेळा सकाळी रिकाम्या पोटी या पेयाचे सेवन करायचे आहे. तुम्ही जर याचे न चुकता रोज सेवन केले तर काही दिवसांतच तुम्हाला तुमच्या हाडांच्या दुखण्यात फरक जाणवेल. यामुळे गुडघ्याची सूज आणि वेदना कमी होतात, सांधे कडक होण्याची समस्या दूर होते आणि हाडांना मजबूती मिळते.

रात्री झोपण्याआधी चेहऱ्यावर करा ‘या’ तेलाने मसाज, सकाळी उठल्यानंतर चेहरा दिसेल टवटवीत आणि फ्रेश

उपाय कोणासाठी फायदेशीर ठरतो?

बाबा कैलास म्हणाले की, ज्यांना गुडघ्यांमध्ये सतत वेदना होतात, उठताना किंवा बसताना आवाज येतो, ज्यांच्या गुडघ्यातील चरबी कमी झाली आहे, हाडांमध्ये कमकुवतपणा जाणवतो किंवा सकाळी उठताच ज्यांचे शरीर दुखू लागते अशा लोकांसाठी हा उपाय फायदेशीर आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.