सुंदर आणि रहस्यमय… अमर लोकांच्या पुलाची कथा, जाणून घ्या कुठे आहे Bridge Of The Immortals

चीनच्या हुआंगशान पर्वतरांगांमध्ये वसलेला ‘ब्रिज ऑफ द इमॉर्टल्स’ हा जगातील सर्वात अद्भुत पुलांपैकी एक मानला जातो. ढग, उंच ग्रॅनाइट कडे आणि प्राचीन पाइनच्या झाडांनी वेढलेला हा पूल पाहिल्यावर आपण एखाद्या काल्पनिक ज

• चीनच्या हुआंगशान पर्वतरांगांमध्ये स्थित
• पुलापर्यंत पोहोचण्यासाठी ट्रेकिंग
• अमरत्वाच्या प्राचीन कथेशी संबंध

जगात अशी अनेक ठिकाणे आहेत जिथले साैंदर्य आपल्याला थक्क करुन टाकते. काही ठिकाणे तर अशी आहेत की त्यांना पाहून ती खरोखर अस्तित्वात आहे की आपण काल्पनिक जगात आहोत असा भास होऊ लागतो. अशाच एका पुलाची माहिती आज आम्ही तुम्हाला या लेखात देणार आहोत. या पुलाला ब्रिज ऑफ द इमाॅरटल असे म्हटले जाते. मराठीत याचा अर्थ अमर लोकांचा पुल असा होतो. या पुलाच्या भोवती उंच ग्रॅनाइटचे कडे आहेत, हजारो फूट खाली ढग तरंगत असतात आणि खडकांमध्ये प्राचीन पाइनची झाडे वाढलेली आहेत. या अद्भुत दृश्याच्या मधोमध ‘अमरांचा पूल’ वसलेला आहे, म्हणजेच अमरांचा पूल.

जनरल तिकिटासाठी स्टेशनला जाण्याची गरज नाही, मोबाईलवरच 1 मिनिटांत होईल बुक; रेल्वे देते 3% सूट

कुठे वसला आहे पुल?

या पुलाला बुशियान ब्रिज किंवा फेयरी ब्रिजच्या नावानेही ओळखले जाते. हे पुल चीनच्या पूर्वेकडील आन्हुई प्रांतातील प्रसिद्ध हुआंगशान पर्वतरांगांमध्ये स्थित आहे. इथे पोहचण्यातच एक आगळा-वेगळा अनुभव येतो. दरवर्षी मोठ्या संख्येने पर्यटक या पुलाला भेट देतात आणि इथल्या साहसी, सुंदर आणि अनोख्या दृष्यांची मजा लुटतात.

पर्वत आणि ढगांमधून जाणारा रस्ता

ब्रिज ऑफ द इम्मॉर्टल्स हुआंगशानच्या उंच ग्रनाईड पर्वतांमधील एका अरुंग दरीवर वसला आहे. पुलापर्यंत जाण्यासाठी कारच्या मदतीने डायरेक्ट जाता येत नाही. पर्यटकांना डोंगराळ रस्त्यातून पायपीट करत ट्रेकिंग करत चढाई करावी लागते. लक्षात घ्या, हा रस्ता काही साधा नव्हे. रस्त्यात तुम्हाला अनेक दगड आणि अनेक शिड्या चढाव्या लागू शकतात. पुलाच्या चढाई करताना थोडा त्रास होईल पण हा अनुभव तुम्हाला नेहमीच लक्षात राहिल. सोबतच आजूबाजूचे दृष्य पाहताना चढाई केल्यास ट्रेकिंगची मजा आणखी दुप्पट होईल.

अमर लोकांचे पुल असं नाव का पडलं?

या पुलाच्या नावामागे चीनमधील जुनी मान्याता आणि हुआंगशानशी जोडलेली अमरत्वची कहाणी आहे. यूनेस्कोनुसार, ७४७ साली तांग राजवंशच्या काळातील एका कथेत हुआंगशानचा संबंध एका अमरत्वाच्या औषधाच्या शोधाशी जोडला गेला आहे. हेच कारण आहे की, ढगांमधून उंच बांधलेला हा पूल अमरत्वाच्या कथेशी जोडला जातो. दूरुन पाहिल्यास हा पूल थेट ढगांमध्ये जात असल्याचा भास होतो.

स्वर्गापेक्षाही सुंदर! ढगांच्या कुशीत वसलंय हे सुंदर गाव, थांबी व्ह्यू पॉइंटवरून दिसतं कांचनजंगाचं अद्भुत रूप

वातावरण बदलताच दृष्य बदलते

ब्रिज ऑफ द इम्मॉर्टल्सच्या सुंदरतेतील आणखी भाग म्हणजे इथे बदलणारे वातावरण. निरभ्र वातावरणामुळे ग्रॅनाईटची शिखरे दूरवरुनच स्पष्ट दिसतात. दुसरीकडे जर पर्वतांना धुके आणि ढगांना वेढून घेतले तर इथले दृष्य एका रहस्यमय जगाचा भास करुन देते.