ऑफिसमध्ये बसून वाढते वजन? न्यूट्रिशनिस्ट ऋजुता दिवेकरचा कानमंत्र वाचून झर्रकन व्हा बारीक

ऑफिसमध्ये बसून वजन वाढण्याची समस्या अनेकांना जाणवते. वजन वाढल्यानंतर आरोग्यासंबंधित अनेक समस्या जाणवू लागतात. मात्र वाढलेलं वजन कमी करण्यासाठी तुम्ही ऋजुता दिवेकर यांनी दिलेल्या टिप्स फॉलो करू शकता. या टिप्स फॉलो केल्याने वजन नियंत्रित होण्यास मदत होईल.

Follow Us:

Follow Us:

ऑफिसमध्ये तासंतास बसून राहिल्याने पोटावरील चरबी वाढण्याची समस्या अनेकांना उद्भवते. ऑफिसमध्ये आल्यानंतर अनेकजण घरी लवकर जाण्याच्या नांदात दिवसभर बसून आपले काम पूर्ण करतात. पण याचा आरोग्यावर चुकीचा परिणाम होतो. यामुळे प्रामुख्याने वजन वाढणं ही समस्या जाणवते. वजन वाढल्यानंतर आरोग्यासंबंधित अनेक समस्या जाणवू लागतात.

तासनतास ऑफिसमध्ये बसून राहणं हे वजन वाढण्या मागचं एकमेव कारण आहे. पण ऑफिसमध्ये बसून तुमचेदेखील वजन वाढले आहे का? तर तुमच्या आहारात बदल करून वजन नियंत्रणात आणू शकता. वजन कमी करण्यासाठी सेलिब्रिटी न्यूट्रिशनिस्ट ऋजुता दिवेकर यांनी सोशल मीडियावर व्हिडिओ शेअर करत काही टिप्स दिल्या आहेत. ऑफिसमध्ये बसून वजन का वाढत? आणि वाढलेलं वजन कसं कमी करायचं याबद्दल ऋजुता दिवेकर यांनी टिप्स दिल्या आहेत. चला तर जाणून घेऊया.

[read_also content=”एड्स लस दिन का साजरा केला जातो? जाणून घ्या इतिहास https://www.navarashtra.com/lifestyle/why-is-aids-vaccine-day-celebrated-learn-the-history-nrsk-534548.html”]

ऑफिसमध्ये बसून वजन का वाढतं?

बहुतांश लोक ९ ते ६ या वेळेमध्ये ऑफिसचं काम करण्यासाठी ऑफिसमध्ये येतात. आल्यानंतर ते तासंतास एकाच जागेवर बसून राहतात. त्यामुळे शरीरातील कॅलरीज कमी होतात.त्यामुळे शरीरातील कॅलरीज कमी बर्न झाल्यामुळे झपाट्याने वजन वाढू लागते. तसेच ऑफिसमध्ये काम करत असताना आपण सतत काहींना काही खात पित असतो. यामुळेसुद्धा वजन वाढू शकते.

आरोग्याची नीट काळजी न घेणे 

एकाच जागेवर जास्त वेळ बसून राहिल्याने कॅलरीज जळण्याऐवजी शरीरामध्ये जमा होऊ लागतात. त्याचे रूपांतर फॅटमध्ये होते. पण काहीवेळेस ८ ते ९ तास काम करून खूप थकून जातो. त्यामुळे इच्छा असूनसुद्धा आरोग्याची नीट काळजी घेता येत नाही. यामुळे वजन वाढण्यासारख्या अनेक समस्या जाणवू लागतात.

 

View this post on Instagram

 

A post shared by Rujuta Diwekar (@rujuta.diwekar)

वाढलेले वजन नियंत्रणात कसे आणायचे:

• कामाला बाहेर जाण्यापूर्वी घरातून नाश्ता करूनच बाहेर जाणे. नाश्ता करून गेल्यामुळे ऑफिसमध्ये खाण्याची इच्छा कमी होते. त्यामुळे तुम्ही ११ ते १२ वाजण्याच्याआधी कोणताही पदार्थ खात नाही. घरातून नाश्ता करून आल्याने दुपारपर्यंत पोट भरलेले राहते.
• ऑफिसमध्ये पोहचल्यानंतर बरेच लोक चहा किंवा कॉफी आणि धूम्रपान करून नंतर आपल्या कामाला सुरुवात करतात. पण जर तुम्हाला तुमचे वजन नियंत्रित ठेवायचे असेल तर तुम्ही नारळ पाणी, सरबत किंवा तुमच्या आवडीचे कोणतेही फळ खाऊन कामाला सुरुवात करू शकता. हे सर्व पदार्थ खाल्ल्याने काम करत असताना येणारी झोप किंवा सूज यांसारख्या समस्या टाळता येतात.
• काम करत असताना संध्याकाळच्या वेळी आपल्या भूक लागते. पण ही भूक भागवण्यासाठी तुम्ही शेंगदाणे किंवा काजू बदाम खाऊ शकता. यांसारखे पौष्टिक पदार्थ नाश्त्यासाठी खावे. त्यानंतर घरी गेल्यावर पचनासाठी हलके अन्न खावे. जेवल्यानंतर आरामदायी झोप त्वचेच्या आरोग्यासाठी चांगली असते.
• ऑफिसमध्ये गेल्यानंतर शक्यतो एका जागेवर बसून काम करू नये. शक्य तेवढा चालण्याचा प्रयत्न करावा.

Web Title: Gaining weight while sitting in the office get slim by reading kanmantra of nutritionist rujuta divekar nrsk

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com