Ganesh Chaturthi 2025 : गव्हाच्या पिठापासून झटपट बनवा कुरकुरीत तळणीचे मोदक

गणेशाच्या आवडीचे मोदक बनवण्याचा आणि त्यांचा आस्वाद घेण्याचा काळ अखेर आला आहे. उकडीचे मोडकंच काय तर गोड, सुगंधित आणि कुरकुरीत चवीच्या तळणीच्या मोदकांनाही याकाळात विशेष महत्त्व असते. चला जाणून घेऊया याची रेसिपी.

गणेश चतुर्थी हा सण आपल्या सगळ्यांच्या आयुष्यातील आनंद, श्रद्धा आणि उत्साह घेऊन येतो. गणपती बाप्पाला प्रिय असणारे मोदक या सणाचं मुख्य आकर्षण मानले जातात. गणेश चतुर्थी आणि घरात मोदक नाही असं होऊच शकत नाही. याकाळात जितका मन गणेशाला तितकाच मान मोदकांनाही असतो!नेहमी उकडीचे गोड मोदक प्रचलित असले तरी घरगुती आणि पारंपरिक चवीचे तळणीचे मोदक देखील गणेशोत्सवात खास मानले जातात.

संध्याकाळच्या नाश्त्यात चाट खाण्याची इच्छा झाल्यास सोप्या पद्धतीमध्ये घरी बनवा नाचोज चाट, सगळ्यांचं आवडेल पदार्थ

गव्हाच्या पिठाचे मोदक हे कुरकुरीत, स्वादिष्ट आणि आरोग्यदायी पर्याय आहेत. या मोदकांमध्ये गूळ-खोबऱ्याची सारण भरली जाते आणि गव्हाच्या पिठाच्या कणकेतून केलेल्या पोळीसारख्या आवरणात गुंडाळून गरम तेलात तळले जातात. हे मोदक बनवायला सोपे असून जास्त काळ टिकतात, त्यामुळे बाप्पाच्या नैवेद्यासाठी तसेच घरातील लहानांपासून मोठ्यांपर्यंत सर्वांना आवडतात. चला तर मग जाणून घेऊया तळणीच्या मोडकांसाठी लागणारे साहित्य आणि कृती.

साहित्य:

• गव्हाचे पीठ – २ कप
• रवा – २ टेबलस्पून (कुरकुरीतपणासाठी)
• मीठ – चिमूटभर
• तूप – २ टेबलस्पून (मोयनासाठी)
• तेल – तळण्यासाठी

सारणासाठी:

• किसलेले नारळ – १ कप
• गूळ (किसलेला) – १ कप
• वेलदोड्याची पूड – ½ टीस्पून
• सुकामेवा (काजू-बदाम) – बारीक चिरलेले, २ टेबलस्पून
• खसखस – १ टीस्पून (ऐच्छिक)

Ganesh Chaturthi 2025 : हटक्या पदार्थाने करा बाप्पाला खुश; यंदा प्रसादासाठी बनवा सुगंधित आणि गोड चवीने भरलेले ‘पान मोदक’

कृती:

• यासाठी सर्वप्रथम एका परातीत गव्हाचे पीठ, रवा, मीठ आणि तूप घालून छान एकत्र करून घ्या. त्यानंतर पाणी
• घालून थोडी घट्टसर पोळीची कणीक मळून घ्या. कणीक झाकून १५-२० मिनिटे बाजूला ठेवा.
• एका कढईत किसलेले खोबरे हलक्या आचेवर भाजून घ्या. खोबरे किंचित सोनेरी झाले की त्यात गूळ घाला. गूळ
• वितळून खोबर्‍यात मिसळला की गॅस बंद करा.
• या मिश्रणात वेलदोड्याची पूड, खसखस आणि सुकामेवा घालून छान एकत्र करा. हे सारण थंड होऊ द्या.
• आता गव्हाच्या कणकेचे लहान लहान गोळे करून घ्या. प्रत्येक गोळा पोळीप्रमाणे थोडा लाटून घ्या.
• मध्ये एक चमचा सारण ठेवा आणि मोदकाच्या आकारात गुंडाळा. नीट बंद केल्याची खात्री करा म्हणजे
• तळताना सारण बाहेर येणार नाही.
• एका कढईत तेल गरम करून घ्या. तेल मध्यम आचेवर ठेवा. तयार मोदक हलक्या हाताने तेलात सोडा.
• मोदक सोनेरी रंगावर व कुरकुरीत होईपर्यंत तळून घ्या. सर्व मोदक अशाच प्रकारे तळा.
• गरमागरम गव्हाच्या पिठाचे तळणीचे मोदक बाप्पाला नैवेद्य म्हणून अर्पण करा आणि नंतर कुटुंबासोबत आनंदाने आस्वाद घ्या.

FAQs (संबंधित प्रश्न)

तळणीचे मोदक किती दिवस टिकतात?
तळणीचे मोदक तेलात तळलेले असल्यामुळे ते २ ते ८ दिवसांपर्यंत चांगले टिकतात.

तळणीचे मोदक तळताना कोणती काळजी घ्यावी?

• कढईतील तेल किंवा तूप चांगले गरम असावे, पण ते खूप जास्त गरम नसावे.
• एकावेळी थोडेच मोदक तेलात घालावेत.
• मोदक संपूर्णपणे शिजवण्यासाठी साधारणपणे ८-१० मिनिटे लागू शकतात.
• पुढची खेप तळण्यापूर्वी तेलाचे तापमान थोडे खाली येऊ द्यावे.