Ganeshotsav 2026: गणपती बाप्पाच्या नैवेद्यासाठी १५ मिनिटांमध्ये झटपट बनवा शाही केशर हलवा, नैवेद्याच्या ताटाची वाढेल शोभा

Ganeshotsav 2026: गणपती बाप्पाच्या नैवेद्यासाठी सोप्या पद्धतीमध्ये तुम्ही केशर हलवा बनवू शकता. हा पदार्थ कमीत कमी साहित्यात झटपट तयार होतो आणि चव सुद्धा मस्त लागते. चला तर जाणून घेऊया केशर हलवा बनवण्याची रेसिपी.

गणपती बाप्पाच्या नैवेद्यासाठी १५ मिनिटांमध्ये झटपट बनवा शाही केशर हलवा

Follow Us:

Follow Us:

Ganeshotsav 2026: १४ सप्टेंबर पासून गणेश चतुर्थी सणाला सुरुवात झाली आहे. बाप्पाचे आगमन झाल्यानंतर सगळीकडे आनंद आणि उत्साहाचे वातावरणात असते. बाप्पाच्या स्वागतासाठी सगळेच सज्ज झाले आहेत. ११ दिवस बाप्पाची मनोभावे पूजा करून घरात वेगवेगळ्या गोड पदार्थांचा नैवेद्य सुद्धा बनवला जातो. बाप्पाच्या नैवेद्यात प्रामुख्याने उकडीचे मोदक किंवा मोदकांचे विविध प्रकार बनवले जातात. पण आज आम्ही तुम्हाला सोप्या पद्धतीमध्ये केशर हलवा बनवण्याची रेसिपी सांगणार आहोत. या पद्धतीने बनवलेला केशर हलवा चवीला अतिशय सुंदर लागेल. तुपाचा वापर करून बनवलेला केशर हलवा खाल्ल्यानंतर सगळेच तुमचं कौतुक करतील. हा पदार्थ १५ ते २० मिनिटांमध्ये लगेच तयार होतो आणि चव सुद्धा मस्त लागते. त्यामुळे बाप्पाच्या नैवेद्यात वेगवेगळे पदार्थ बनवावेत. चला तर जाणून घेऊया केशर हलवा बनवण्याची सोपी रेसिपी.(फोटो सौजन्य – pinterest)

Ganeshotsav 2026: बाप्पाच्या नैवेद्यासाठी काहीतरी खास हवंय? मग नक्कीच ट्राय करा झटपट तयार होणारा बदाम शिरा

साहित्य:

• रवा
• तूप
• केशर काड्या
• सुका मेवा
• दूध
• पाणी
• वेलची पावडर
• मनुके
• साखर

कृती:

• केशर हलवा बनवण्यासाठी सर्वप्रथम, कढईमध्ये तूप गरम करून त्यात बारीक करून घेतलेला सुका मेवा भाजून घ्या.
• त्याच कढईमध्ये पुन्हा एकदा तूप गरम करून वाटीभर रवा घाला आणि लालसर होईपर्यंत मंद आचेवर भाजा.
• रव्याचा रंग बदलू लागल्यानंतर त्यात गरम करून घेतलेले दूध आणि पाणी घालून व्यवस्थित मिक्स करा आणि वाफेवर शिजवून घ्या.
• रवा शिजल्यानंतर त्यात साखर, भाजलेला सुका मेवा आणि वेलची पावडर घालून व्यवस्थित मिक्स करा.
• सगळ्यात शेवटी केशर दूध घालून मिश्रण व्यवस्थित मिक्स करा.
• तयार आहे सोप्या पद्धतीमध्ये बनवलेला केशर हलवा. गणपती बाप्पाच्या प्रसादात मोदकांसोबत केशर हलवा सुद्धा दाखवू शकता.

Web Title: Ganeshotsav 2026 quickly make royal saffron halwa in 15 minutes as an offering for ganpati bappa

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com