छातीतल्या जळजळीला अ‍ॅसिडिटी समजण्याची चूक कदापि करू नका, असू शकतो ‘हा’ कॅन्सर

आपल्यातील अनेक जणांना छातीती जळजळ होत असते. अशावेळी कित्येक जण याला अ‍ॅसिडिटीचे लक्षण मानून दुर्लक्ष करत असतो. पण काही वेळेस ही अ‍ॅसिडिटी नसून गंभीर कॅन्सर असू शकतो.

फोटो सौजन्य: iStock

Follow Us:

Follow Us:

सध्याच्या धावपळीच्या आयुष्यात अनेकदा आपल्याला आरोग्याकडे फारसे लक्ष द्यायला जमत नाही. यामुळे मग अनेक नॉर्मल आरोग्यसंबंधित उद्भवत असतात, जसे की डोकेदुखी, पोटदुखी आणि सर्वात महत्वाचे ‘अ‍ॅसिडिटी’. अनेकदा अ‍ॅसिडिटीचं प्रॉब्लेम आपल्याला काहीतरी खाल्ल्यानंतर येत असतो. छातीमधील जळजळ हे अ‍ॅसिडिटीचे एक सामान्य लक्षण. पण काही वेळेस छातीतील जळजळ हे अ‍ॅसिडिटीचे नाही तर कॅन्सरचे सुद्धा लक्षण असू शकते. यामुळे तुम्ही वेळीच सावध राहणे फार गरजेचे आहे.

छातीत जळजळ होत असेल, आंबट ढेकर वारंवार येत असेल तर काळजी घ्या, कारण तो पोटाचा कॅन्सर असू शकतो. बहुतेक लोक याकडे अ‍ॅसिडिटी म्हणून दुर्लक्ष करतात, जे नंतर धोकादायक ठरू शकते. पोटाच्या कॅन्सरची लक्षणे वेळीच ओळखली गेली नाहीत तर मृत्यूही होऊ शकतो. अमेरिकन कॅन्सर सोसायटी जर्नलमध्ये प्रकाशित झालेल्या अहवालानुसार, घशाचा कॅन्सर होण्याचा धोका जास्त असतो. चला जाणून घेऊया कर्करोगाची लक्षणे कोणती आहेत.

तुमच्या सकाळची सुरुवात बनतेय जीवघेणी; चहा पत्तीमध्ये भेसळ, अशी करा पारख

पोटाच्या कॅन्सरचे कारणे काय आहेत?

जर ॲसिडिटीची समस्या वारंवार होत असेल तर त्यामुळे पोटाला इन्फेक्शन होऊ शकतो, ज्यामुळे डीएनएलाही नुकसान होऊ शकते. पुढे या इन्फेक्शनमुळे पोटाचा कॅन्सर होण्याची शक्यता वाढते. अशा परिस्थितीत त्याकडे दुर्लक्ष करता कामा नये.

पोटाचा कॅन्सर झाल्यास कोणते संकेत मिळतात?

हार्टबर्न म्हणजेच छातीत जळजळ होणे ही सामान्य गोष्ट असू शकते. हे बॅक्टेरियाच्या संसर्गाचे किंवा पोटातील अल्सरचे लक्षण असू शकते. कर्करोगाने ग्रस्त असलेल्या काही लोकांना अचानक छातीत जळजळ आणि अ‍ॅसिड रिफ्लक्स सारख्या समस्या येतात. त्यामुळे ढेकर येणे आणि हिचकी वाढू शकते. या गोष्टींना हलक्यात घेतले जाऊ नये.

पोटाच्या कॅन्सरची लक्षणे

1. पोटाच्या वरच्या किंवा खालच्या भागात वेदना

2. भूक न लागणे

3. कोणत्याही कारणाशिवाय वजन कमी होणे

4. अन्न खाल्ल्यानंतर उलट्या होणे

5. पोटात सूज येणे किंवा फुगल्यासारखे वाटणे.

तुम्हाला सूर्यास्त पाहायला आवडतो का? मग जुन्या वर्षाला निरोप देण्यासाठी या ठिकाणांना नक्की भेट द्या..

पोटाच्या कॅन्सरपासून स्वतःचा बचाव कसा कराल?

• तेलकट आणि मसालेदार पदार्थांपासून दूर राहा.
• वाढत्या वजनावर नियंत्रण ठेवा.
• नियमित व्यायाम करा.
• आहार संतुलित ठेवा.
• रात्री झोपण्याच्या दोन-तीन तास आधी अन्न खा.
• जेवल्यानंतर बसून किंवा झोपण्याऐवजी चालत जा.
• अंमली पदार्थांपासून दूर राहण्याचा प्रयत्न करा.

पोटाच्या कॅन्सरवरील उपाय

पोटाचा कर्करोग वेळीच ओळखला गेला तर डॉक्टर त्यावर शस्त्रक्रिया, केमोथेरपी आणि रेडिएशन थेरपीद्वारे उपचार करतात. अशा स्थितीत छातीत जळजळ, श्वास घेण्यात अडचण, कावीळ, लघवीला त्रास आणि दीर्घकाळ उलट्या होत असतील तर ताबडतोब डॉक्टरांकडे जाणे अतिमहत्त्वाचे आहे.

Web Title: Heartburn can be the symptom of stomach cancer

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com