नेहमीच्या साबुदाणा खिरीला द्या ब्रेक! उपवासाच्या दिवशी बनवा पौष्टिक राजगिऱ्याची खीर, नोट करून घ्या रेसिपी

उपवासाच्या दिवशी कायमच साबुदाणे खाऊन कंटाळा आल्यास झटपट तुम्ही राजगिऱ्याची खीर बनवू शकता. हा पदार्थ चवीसोबत शरीरासाठी सुद्धा फायदेशीर आहे. चला तर जाणून घेऊया रेसिपी.

श्रावण महिन्यातील प्रत्येक सामोवारी आणि शनिवारी उपवास केला जातो. उपवासाच्या दिवशी नाश्त्यात किंवा दुपारच्या वेळी भूक लागल्यानंतर साबुदाणा खिचडी किंवा तळणीचे पदार्थ अतिशय आवडीने खाल्ले जातात. पण उपाशी पोटी साबुदाणा खाल्ल्यामुळे अपचनाच्या समस्या मोठ्या प्रमाणावर वाढतात आणि आरोग्य बिघडून जाते. उपवासाच्या दिवशी उपाशी पोटी साबुदाण्याचे सेवन अजिबात करू नये. यामुळे गॅस, ऍसिडिटी किंवा अपचनाच्या समस्या वाढतात. त्यामुळे सहज पचन होणाऱ्या पदार्थांचे सेवन करावे. म्हणूनच आज आम्ही तुम्हाला राजगिऱ्याची खीर बनवण्याची सोपी रेसिपी सांगणार आहोत. उपवासाच्या दिवशी कायमच तेच ठराविक पदार्थ खाऊन सगळ्यांच खूप जास्त कंटाळा येतो. अशावेळी काहींना काही नवीन पदार्थ खाण्याची खूप जास्त इच्छा होते. बदाम, केशर, वेलची आणि राजगिऱ्याच्या वापर करून बनवलेली खमंग खीर चवीला अतिशय सुंदर लागते. चला तर जाणून घेऊया राजगिऱ्याची खीर बनवण्याची सोपी रेसिपी.(फोटो सौजन्य – pinterest)

Veg Mutton Biryani Recipe : श्रावणात अशाप्रकरे बनवून खा ‘व्हेज मटण बिर्याणी’, नोट करा रेसिपी

साहित्य:

• भगर
• राजगिरा
• दूध
• तूप
• सुका मेवा
• वेलची पावडर
• गरम पाणी
• जायफळ पावडर
• साखर
• केशर काड्या

Zunka Recipe : रात्रीच्या जेवणाला बनवा झणझणीत गावराण स्टाईल झुणका, चव अशी की तोंडाला येईल पाणी

कृती:

• राजगिऱ्याची खीर बनवण्यासाठी सर्वप्रथम, कोमट पाण्यात बदाम भिजत ठेवा. दुसऱ्या वाटीमध्ये थोडस दूध घेऊन त्यात केशर काड्या भिजत ठेवाव्यात.
• मोठ्या वाटीमध्ये राजगिरा आणि भगर एकत्र करून तीन ते चार वेळा पाण्याने स्वच्छ करून घ्या. कुकरच्या भांड्यात तूप गरम करण्यासाठी ठेवा.
• गरम तुपात भिजवलेला भगर आणि राजगिरा घालून ५ ते ६ मिनिट गरम तुपावर भाजून घ्या. त्यानंतर त्यात थोडस पाणी घालून मिक्स करा आणि कुकरच्या ३ ते ४ शिट्ट्या काढा.
• मिक्सरच्या भांड्यात भिजवलेले बदाम, शिजवून घेतलेले भगरचे मिश्रण आणि दूध घालून पेस्ट तयार करा. दाटसर पेस्ट बनवून घ्यावी.
• कुकरच्या भांड्यातील शिजवून घेतलेल्या मिश्रणात आवश्यकतेनुसार दूध घालून व्यवस्थित मिक्स करा. त्यानंतर तयार केलेली पेस्ट, साखर, वेलची पावडर, तुपात भाजलेला सुका मेवा, केशर दूध घालून व्यवस्थित मिक्स करा.
• त्यानंतर कुकरचे झाकण लावून पुन्हा एकदा ३ ते ४ शिट्ट्या काढा.
• तयार आहे उपवासानिमित्त बनवलेली राजगिऱ्याची पौष्टिक खीर.