संध्याकाळच्या नाश्त्यात ओव्हनचा वापर न करता बनवा Bread Pizza Pockets, लहान मुलांसह मोठे खातील आवडीने

आज आम्ही तुम्हाला सोप्या पद्धतीमध्ये ब्रेड पिझ्झा पॉकेट्स बनवण्याची सोपी रेसिपी सांगणार आहोत. विविध भाज्यांचा वापर करून बनवलेला पदार्थ चवीला अतिशय सुंदर लागतो. जाणून घ्या रेसिपी.

दिवसभर काम करून थकल्यानंतर सगळ्यांच खूप जास्त भूक लागते. अशावेळी पाणीपुरी, शेवपुरी, समोसा, भेळ अतिशय आवडीने खाल्ली जाते. पण नेहमीच विकतचे तेलकट किंवा तिखट पदार्थ खाणे शरीरासाठी चांगले नाही. तेलकट पदार्थांच्या अतिसेवनामुळे कोलेस्ट्रॉल वाढण्याची जास्त शक्यता असते. त्यामुळे संध्याकाळच्या नाश्त्यात कायमच घरी बनवलेले पौष्टिक पदार्थांचा समावेश करावा. लहान भूक लागल्यानंतर कायमच विकतचा पिझ्झा, बर्गर खाण्यास मागतात. किंवा घरी पाहुणे आल्यानंतर त्यांच्यासाठी कोणता पदार्थ बनवावा लवकर सुचत नाही. अशावेळी तुम्ही ओव्हनचा वापर न करता ब्रेड पिझ्झा पॉकेट्स बनवू शकता. हा ब्रेड पिझ्झा पॉकेट्स घरातील प्रत्येक व्यक्तीला खूप जास्त आवडेल. घरी बनवलेले पदार्थ चवीसोबतच शरीरासाठी खुप जास्त फायदेशीर आहेत. ब्रेड पिझ्झा पॉकेट्स तुम्ही चटणीसोबतसुध्दा खाऊ शकता. चला तर जाणून घेऊया ब्रेड पिझ्झा पॉकेट्स बनवण्याची सोपी रेसिपी.(फोटो सौजन्य – AI)

Summer Special : उन्हाळ्यात घरी बनवा ट्रेंडी, थंडगार ‘आईस माचा ड्रिंक’; कॅफे सारखी चव मिळेल घरीच

साहित्य:

• ब्रेडचे तुकडे
• मोझारेला चीज
• शिमला मिरची
• मका
• कांदा
• गाजर
• पिझ्झा सॉस
• चिली फ्लेक्स
• ओरेगॅनो
• काळी मिरी पावडर
• मीठ
• पिठाचे मिश्रण
• ब्रेडक्रंब्स

रोगप्रतिकारशक्ती वाढवण्यासाठी उन्हाळ्यात नियमित प्या आलं आवळ्याचे सरबत, पचनक्रिया राहील सक्रिय

कृती:

• ब्रेड पिझ्झा पॉकेट्स बनवण्यासाठी सगळ्यात आधी भाज्या स्वच्छ करुन बारीक चिरून घ्या.
• त्यानंतर त्यात किसलेले चीज, पिझ्झा सॉस, चिली फ्लेक्स, ओरेगॅनो, काळी मिरी पावडर घालुन मिक्स करा. तयार केलेल्या मिश्रणात चवीनुसार मीठ घालुन मिक्स करा.
• तयार केलेल्या मिश्रणात तुमच्या आवडीनुसार इतर भाज्यासुद्धा टाकू शकता, यामुळे पदार्थाची वाढेल आणि लहान मुंल आवडीने भाज्या खातील.
• ब्रेडचे तुकडे घेऊन सुरीने चारही कडा कापून टाका. त्यानंतर लाटण्याचा वापर करून, ब्रेड पातळ आणि सपाट होईपर्यंत हलक्या हाताने लाटा.
• त्यानंतर त्यात भाज्यांचे मिश्रण भारून ब्रेडच्या कडाना पिठाचे जाडसर मिश्रण लावून कडा बोटांनी घट्ट दाबून घ्या.
• कढईमध्ये तेल गरम करण्यासाठी ठेवा. तयार केलेले पॉकेट्स पिठाच्या पातळ मिश्रणात बुडवून नंतर ब्रेडच्या चुऱ्यात घोलवून घ्या.
• तयार केलेले पॅकेट्स कढईमधील गरम तेलात सोडून दोन्ही बाजूने लालसर होईपर्यंत भाजा.
• तयार आहेत सोप्या पद्धतीमध्ये बनवलेले ब्रेड पिझ्झा पॉकेट्स