आज घरी बनवा ‘ही’ हटके रेसिपी; जाणून घ्या, चायनीज नूडल्स समोसे बनवण्याची सोपी पद्धत

नूडल्स समोसा किंवा चायनीज समोसे खूप चवदार असतात, काही भाज्यांमध्ये नूडल्स भरून समोसे बनवले जातात. आजकाल स्ट्रीट फूड म्हणून नूडल्स आणि समोसे खूप पसंत केले जात आहेत. मुलांना ही डिश नक्की आवडेल.

फोटो सौजन्य - Social Media

Follow Us:

Follow Us:

प्रत्येकाला काहीना काही तर खाण्याची आवड असते. खाण्याची आवड असणे काही वाईट नाही. परंतु, त्याला काही मर्यादा असणे कधीही उत्तम ठरते. जवळजवळ सगळ्यांनीच नूडल्स खाल्ले असतील. नूडल्स तसेच समोसे हे खाद्यपदार्थ प्रत्येकालाच आवडतात. काहीच जण असतील त्यांना असे पदार्थ आवडत नाहीत. परंतु, आपण कितीही डाईट केलं तरी या पदार्थांचे नाव ऐकताच आपल्या तोंडातून पाणी गाठण्यास सुरुवात होते. नियमितपणे नाही परंतु कधी कधी जंक फूड खाणे चालते. व्यक्ती जगात एकदाच येतो मग त्याला जरा तरी आवडीने जगले तर यात गैर काय?

हे देखील वाचा: ‘ही’ ट्रिक वाचवू शकते हार्ट अटॅकसारख्या संकटातून; हृदयविकाराच्या रुग्णांसाठी गुणकारी

आज आपण या लेखामधून चायनीज नूडल्स समोसे बनवण्याची रेसिपी जाणून घेणार आहोत. चायनीज स्टाईल नूडल्स आणि भारतीय पद्धतीने बनवलेला आपला देशी समोसा यांचे हे मिश्रण तुम्हाला तर आवडेलच पण हे खाऊन तुमचा कुटुंब नक्कीच कौतुकाचा मारा करणार आहे. चला तर मग जाणून घेऊयात, चायनीज नूडल्स समोसे बनवण्याची सोपी आणि हटके रेसिपी:

साहित्य:

• 1 कप मैदा
• 1/4 चमचा अजवायन
• स्वादानुसार मीठ
• 2 चमचे तूप
• 1 कप उकडलेले नूडल्स
• 2 बारीक चिरलेले मशरूम
• 1/4 कप गाजर (बारीक चिरलेली)
• 1/4 कप मटाराचे दाणे
• 1/4 चमचा लाल मिरची पूड
• 1/4 चमचा काळी मिरची पूड
• 2-3 चमचे बारीक चिरलेली कोथिंबीर
• 1 चमचा लिंबाचा रस
• 1/2 चमचा सोया सॉस
• 1 बारीक चिरलेली हिरवी मिरची
• 1/2 चमचा आले पेस्ट

• मैद्यात अजवायन, मीठ आणि तूप घालून चांगले मिक्स करा.
• थोडं थोडं पाणी घालत मळून कणिक तयार करा. ही कणिक 15-20 मिनिटे झाकून ठेवा.
• एका पॅनमध्ये थोडं तेल गरम करा आणि त्यात मशरूम, गाजर, मटार आणि आले पेस्ट घाला.
• या मिश्रणाला थोडं परतून त्यात उकडलेले नूडल्स, मीठ, मिरची पूड, काळी मिरची पूड, सोया सॉस आणि लिंबाचा रस घाला.
• सर्व नीट मिक्स करून हे मिश्रण गार होऊ द्या.
• मळलेल्या कणकेचे लहान गोळे तयार करा आणि त्याचे लहान लहान पुर्‍या लाटून घ्या.
• प्रत्येक पुरीचे दोन अर्धे भाग करून शंकू तयार करा आणि त्यात स्टफिंग भरा.
• शंकूचे तोंड बंद करून तळणासाठी तयार ठेवा.
• गरम तेलात समोसे सोनेरी रंग येईपर्यंत तळा.

Web Title: How to make chinese noodles samosa

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com