संध्याकाळच्या वेळी भूक लागल्यानंतर काय खावं सुचत नाही? सोप्या पद्धतीमध्ये घरी बनवा फळांची चवदार भेळ

संध्याकाळी कामावरून थकून घरी आल्यानंतर भूक लागते. अशावेळी सोप्या पद्धतीमध्ये तुम्ही फळांची चविष्ट भेळ बनवू शकता. फळांची भेळ लहान मुलांपासून अगदी मोठ्यांपर्यंत सगळ्यांचं खूप आवडेल. जाणून घ्या फळांची भेळ बनवण्याची रेसिपी.

संध्याकाळच्या वेळी कामावरून थकून आल्यानंतर सगळ्यांचं भूक लागते. भूक लागल्यानंतर बऱ्याचदा चहा आणि बिस्किट खाल्ले जाते. मात्र मैद्याच्या बिस्किटांचे सतत सेवन करणे आरोग्यासाठी अतिशय घातक आहे. यामुळे शरीराची पचनक्रिया बिघडू शकते. गॅस, ऍसिडिटी किंवा अपचनाची समस्या उद्भवून शरीराच्या कार्यात अडथळे निर्माण होऊ शकतात. त्यामुळे संध्याकाळच्या वेळी लागली छोटीशी भूक भागवण्यासाठी नाश्त्यात हेल्दी आणि पौष्टिक पदार्थांचे सेवन करावे. आज आम्ही तुम्हाला संध्याकाळच्या वेळी लागलेली छोटीशी भूक भागवण्यासाठी फळांची चवदार भेळ बनवण्याची सोपी रेसिपी सांगणार आहोत. फळे खाणे आरोग्यासाठी अतिशय पौष्टिक आहे. यामध्ये असलेले विटामिन सी आणि इतर पोषक घटक आरोग्यासाठी अतिशय प्रभावी ठरतात. चला तर जाणून घेऊया फळांची भेळ बनवण्याची सोपी रेसिपी.(फोटो सौजन्य – iStock)

चेहऱ्यावरील हरवलेली चमक पुन्हा मिळवण्यासाठी आहारात करा ‘या’ पेयांचे नियमित सेवन, त्वचेवरील येईल सकारात्मक ऊर्जा

 साहित्य:

• सफरचंद
• लिंबाचा रस
• काळे मीठ
• गाजर
• बीट
• काकडी
• डाळिंब
• संत्र
• हिरवी मिरची
• कांदा
• चाट मसाला
• कुरमुरे
• चणे शेंगदाणे

उन्हाळा होईल सुखकर! हापूस आंब्यांपासून घरच्या घरी बनवा थंडगार मँगो मस्तानी, नोट करून घ्या रेसिपी

कृती:

• फळांची भेळ बनवण्यासाठी सर्वप्रथम, सर्व भाज्या आणि फळे पाण्यात टाकून स्वच्छ धुवून घ्या.
• त्यानंतर मोठ्या वाटीमध्ये बारीक चिरून घेतलेली गाजर, बीट, काकडी, सफरचंद, डाळिंब, संत्र इत्यादी फळे आणि भाज्या टाकून मिक्स करा.
• नंतर त्यात लिंबाचा रस, चाट मसाला, काळे मीठ आणि कुरमुरे टाकून मिक्स करा.
• सगळ्यात शेवटी बारीक चिरून घेतलेली कोथिंबीर टाकून सर्व्ह करा. तयार आहे सोप्या पद्धतीमध्ये बनवलेली फळांची भेळ.
• फळांची भेळ खाल्यानंतर तुमचे पोट लगेच भरेल आणि कोणताही पदार्थ खाण्याची तात्काळ इच्छा होणार नाही.
• फळे आणि भाज्यांचे एकत्र सेवन केल्यामुळे आरोग्याला अनेक फायदे होतात.