शरीरात थकवा होईल कायमचा दूर! सोप्या पद्धतीमध्ये घरी बनवा गुळाचे थंडगार सरबत, नोट करून घ्या रेसिपी

उन्हाळा वाढल्यानंतर थंडगार पदार्थ पिण्याची इच्छा होते. अशावेळी तुम्ही सोप्या पद्धतीमध्ये गुळाचे सरबत बनवू शकता. गुळाचे सेवन केल्यामुळे शरीरात निर्माण झालेला थकवा, अशक्तपणा दूर होतो.

सोप्या पद्धतीमध्ये घरी बनवा गुळाचे थंडगार सरबत

Follow Us:

Follow Us:

कडक उन्हाळ्यात शरीराला थंडाव्याची आवश्यकता असते. शरीरात उष्णता वाढल्यानंतर आरोग्याला हानी पोहचण्याची शक्यता असते. अशावेळी आहारात ताक, नारळ पाणी, सरबत, कोकम सरबत इत्यादी पेयांचे नियमित सेवन करावे. उन्हाळ्यात आरोग्यासाठी सगळ्यात प्रभावी ठरणारा पदार्थ म्हणजे गूळ. गूळ खाल्यामुळे शरीरात वाढलेली उष्णता कमी होते आणि आरोग्याला अनेक फायदे होतात. गोड पदार्थ बनवताना गुळाचा वापर केला जातो. मधुमेह किंवा आरोग्यासंबंधित समस्यांनी त्रस्त असलेल्या लोकांनी आहारात साखरेचे सेवन न करता गुळाचे सेवन करावे. त्यामुळे आज आम्ही तुम्हाला गुळाचे थांगदार सरबत बनवण्याची सोपी रेसिपी सांगणार आहोत. या पद्धतीने बनवलेले थंडगार सरबत आरोग्यासाठी अतिशय प्रभावी ठरेल. जाणून घ्या गुळाचे सरबत बनवण्याची सोपी रेसिपी सांगणार आहोत.(फोटो सौजन्य – iStock)

साहित्य:

• गूळ
• जिऱ्याची पावडर
• बडीशेप
• मीठ
• काळीमिरी पावडर
• पुदिना
• लिंबाचा रस
• पाणी
• सब्जा

उन्हळ्यात घरी बनवा थंडगार मसाला ताक, शरीराला ठेवेल हायड्रेट; त्वरित जाणून घ्या रेसिपी

कृती:

• गुळाचे थंडगार सरबत बनवण्यासाठी सर्वप्रथम, गूळ किसून घ्या. गूळ किसताना किसणीला पाणी लावू नये.
• मिक्सरच्या भांड्यात गूळ, जिऱ्याची पावडर, बडीशेप, चवीनुसार मीठ, काळीमिरी पावडर, लिंबाचा रस व पुदिन्याची पाने टाकून बारीक वाटून घ्या.
• त्यानंतर त्यात पाणी टाकून पुन्हा एकदा मिक्सरमधून फिरवून घ्या.
• गुळाची तयार करून घेतलेली पेस्ट काचेच्या भांड्यात भरून ठेवा. बंद डब्याच्या झाकणात ठेवलेला पदार्थ अधिककाळ चांगले टिकून राहतात.
• काचेच्या ग्लासात भिजवलेला सब्जा टाऊन त्यात गुळाची पेस्ट टाका. त्यानंतर त्यात थंड पाणी किंवा बर्फाचे खडे टाकून मिक्स करा.
• आवश्यकता वाटल्यास तुम्ही त्यात थंड पाणी टाकू शकता. तयार आहे सोप्या पद्धतीमध्ये बनवलेले गुळाचे थंडगार सरबत.

Web Title: How to make jaggery juice at home summer drink summer care tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com