पावसाळ्यात दुपारच्या जेवणासाठी झटपट बनवा गरमागरम कढीगोळे, नोट करून घ्या सोपी रेसिपी

पावसाळ्याच्या दिवसांमध्ये काहींना काही गरम पदार्थ खाण्याची इच्छा होते. अशावेळी तुम्ही दुपारच्या जेवणात कढीगोळे बनवू शकता. हा पदार्थ चवीला अतिशय सुंदर लागतो. जाणून घ्या कढीगोळे बनवण्याची सोपी रेसिपी.

पावसाळ्यात दुपारच्या जेवणासाठी झटपट बनवा गरमागरम कढीगोळे

Follow Us:

Follow Us:

राज्यासह संपूर्ण देशभरात मुसळधार पाऊस पडत आहे. पावसाळ्याच्या दिवसांमध्ये नेहमीच काहींना काही गरम पदार्थ खाण्याची इच्छा होते. कांदाभजी, मक्याचे भजी, बटाटा भजी इत्यादी अनेक वेगवेगळ्या प्रकारच्या भजी बनवून खाल्ल्या जातात. पण आज आम्ही तुम्हाला दुपारच्या जेवणात कढीगोळे बनवण्याची सोपी रेसिपी सांगणार आहोत. लहान मुलांपासून अगदी मोठ्यांपर्यंत सगळ्यांचं ताकाची कढी प्यायला खूप जास्त आवडते. कढीचे नाव घेतल्यानंतर अनेकांच्या तोंडाला पाणी सुटते. काहींना कढी नुसतीच प्यायला सुद्धा खूप जास्त आवडते. पण नेहमीच साधी कढी खाऊन कंटाळा आल्यानंतर तुम्ही कढीगोळे बनवू शकता. हा पदार्थ बनवण्यासाठी जास्त साहित्य लागत नाही. कमीत कमी वेळात झटपट पदार्थ तयार होतो. चला तर जाणून घेऊया कढीगोळे बनवण्याची सोपी रेसिपी.(फोटो सौजन्य – pinterest)

काश्मिरी खाद्यसंस्कृतीतील लोकप्रिय पदार्थ Mutton Rogan Josh कधी चाखला आहे का? लगेच नोट करा रेसिपी

साहित्य:

• ताक
• बेसन
• हिंग
• हिरवी मिरची
• कढीपत्ता
• जिरं
• मोहरी
• तेल
• मीठ
• चणा डाळ
• ओवा
• आलं
• लसूण

घरच्या घरी बनवा हॉटेल सारखे टेस्टी आणि सॉफ्ट Chicken Seekh Kebab; चवीला मजेदार, विकेंडसाठी परफेक्ट

कृती:

• कढीगोळे बनवण्यासाठी सर्वप्रथम, वाटीमध्ये चणा डाळ घेऊन त्यात पाणी टाकून भिजत ठेवा. त्यानंतर २ तासाने त्यातील पाणी काढा.
• मिक्सरच्या भांड्यात भिजवलेली चणा डाळ, हिरवी मिरची, आलं, लसूण घालून जाडसर पेस्ट तयार करून घ्या.
• तयार केलेली पेस्ट काढून त्यात चवीनुसार मीठ घालून मिक्स करा.
• कढी बनवण्यासाठी टोपात तेल गरम करून त्यात मोहरी, जिरं, हिंग, कढीपत्ता आणि हिरव्या मिरचीचे तुकडे घालून भाजा.
• नंतर त्यात बारीक चिरून घेतलेला लसूण घालून लाल होईपर्यंत भाजून घ्या. त्यानंतर त्यात ताकात बेसन आणि हळद, चवीनुसार मीठ घालून तयार केलेले मिश्रण टाकून व्यवस्थित मिक्स करा.
• कढीला उकळी आल्यानंतर त्यात चणा डाळीच्या पिठाचे छोटे छोटे गोळे करून टाका. हे गोळे शिजल्यानंतर वरून कोथिंबीर टाकून मिक्स करा.
• तयार आहे सोप्या पद्धतीमध्ये बनवलेले कढीगोळे. हा पदार्थ भात, भाकरी किंवा चपातीसोबत सुंदर लागेल.

Web Title: How to make kadhigole at home simple food recipe cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com