सकाळच्या नाश्त्यात नेहमीपेक्षा वेगळा पदार्थ हवा असेल तर बनवून पहा मुरमुऱ्यांचे आप्पे, वाचा सोपी रेसिपी

लहान मुलांपासून मोठ्यांपर्यंत सगळ्यांना आप्पे हा पदार्थ खायला खूप आवडतो. पण नेहमी नेहमी रव्याचे आप्पे खाऊन कंटाळा आल्यानंतर तुम्ही मुरमुऱ्यांचे आप्पे बनवू शकता. चला तर जाणून घेऊया रेसिपी.

दक्षिण भारतामध्ये तांदूळ आणि उडीद डाळीचा वापर करून नाश्त्यातील आणि जेवणातील पदार्थ बनवले जातात. इडली, डोसा, मेदुवडा, आप्पे इत्यादी पदार्थ बनवण्यासाठी याच पिठाचा वापर केला जातो. शिवाय साऊथ इंडियन पदार्थ लहान मुलांपासून मोठ्यांपर्यंत सगळ्यांचं खूप आवडतात. सकाळच्या किंवा संध्याकाळच्या नाश्त्यात अनेक लोक साऊथ इंडियन पदार्थाचं खातात. पण नेहमी नेहमी तोच तोच इडली, डोसा खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही मुरमुऱ्यांचे आप्पे बनवू शकता. मुरमुऱ्यांचे आप्पे बनवण्यासाठी जास्त वेळ लागत नाही. कमीत कमी वेळात हा पदार्थ तयार होतो. चला तर जाणून घेऊया मुरमुऱ्यांचे आप्पे बनवण्याची सोपी रेसिपी.

नवनवीन रेसिपीसाठी इथे क्लिक करा

साहित्य:

• मुरमुरे
• हिरवी मिरची
• कांदा मीठ
• तेल
• रवा
• दही
• कोथिंबीर

नवनवीन रेसिपीसाठी इथे क्लिक करा

कृती:

• मुरमुऱ्यांचे आप्पे बनवण्यासाठी सर्वप्रथम, मुरमुरे पाण्यात भिजत ठेवा. त्यानंतर मिक्सरच्या भांड्यात टाकून बारीक वाटून घ्या.
• मोठ्या बाऊलमध्ये रवा आणि तयार केलेली मुरमुऱ्यांची पेस्ट टाकून मिक्स करा. नंतर त्यात चवीनुसार मीठ टाकून मिक्स करून घ्या.
• तयार केलेल्या मिश्रणात दही, बारीक चिरून घेतलेली हिरवी मिरची, कांदा टाकून मिक्स करून घ्या.
• नंतर त्यात खाण्याचा सोडा टाकून मिक्स करा आणि 10 मिनिटं तसेच ठेवा.
• आप्पे भांड गॅसवर गरम करण्यासाठी ठेवा. गरम झाल्यानंतर त्यात तेल टाकून वरून तयार केलेले मिश्रण टाकून दोन्ही बाजूने आप्पे व्यवस्थित भाजून घ्या.
• तयार आहेत सोप्या पद्धतीमध्ये बनवलेले मुरमुऱ्यांचे आप्पे.