भाताला द्या हटके ट्विस्ट! संत्र्याच्या ताज्या रसापासून बनवा चटपटीत Orange Rice, नोट करून घ्या रेसिपी

नेहमीच पांढरा भात खाऊन कंटाळा आल्यास झटपट तुम्ही संत्र्याच्या रसाचा वापर करून ऑरेंज राईस बनवू शकता. हा पदार्थ चवीला अतिशय सुंदर लागतो. चला तर जाणून घेऊया ऑरेंज राईस बनवण्याची सोपी रेसिपी.

जेवणाच्या ताटात प्रत्येकाला भात कायमच लागतो. भात खाल्ल्याशिवाय पोट भरल्यासारखे अजिबात वाटत नाही. डाळभात, आमटी भात किंवा पुलाव भात इत्यादी भाताचे प्रकार कायमच बनवले जातात. पण नेहमीच तेच ठराविक भाताचे प्रकार खाऊन कंटाळा आल्यानंतर काहींना काही नवीन पदार्थ खाण्याची खूप जास्त इच्छा होते. अशावेळी तुम्ही ताज्या संत्र्याच्या रसापासून ऑरेंज राईस बनवू शकता. हा पदार्थ घरातील लहान मुलांपासून ते अगदी मोठ्यांपर्यंत सगळ्यांचं खूप जास्त आवडेल. संत्र्याची चटपटीत चव, सुगंधी मसाले आणि बासमती तांदळाचा वापर करून बनवलेला पदार्थ सगळ्यांचं खायला खूप जास्त आवडेल. घरी पाहुणे आल्यानंतर त्यांच्या स्वागतासाठी काय बनवावं? बऱ्याचदा सुचत नाही. अशावेळी तुम्ही झटपट ऑरेंज राईस बनवू शकता. चला तर जाणून घेऊया रेसिपी.(फोटो सौजन्य – AI)

South Indian Sambar Recipe: हॉटेलसारखं नाही, अगदी अण्णाच्या हातचं सांबार! घरच्या घरी बनवा ‘ही’ सिक्रेट रेसिपी

साहित्य:

• बासमती तांदूळ
• संत्र्याचा रस
• संत्र्याची साल
• तूप
• खडे मसाले
• कांदा
• काजू
• मनुके
• गाजर
• हिरवी मिरची
• मीठ

नाश्त्यात रोज काय बनवावं सुचत नाही? मग १० मिनिटांमध्ये बनवा मऊ-जाळीदार बन डोसा, नाश्ता होईल झटपट

कृती:

• ऑरेंज राईस बनवण्यासाठी सर्वप्रथम, कढईमध्ये तूप गरम करून त्यात खडे मसाला घालून भाजून घ्या. त्यानंतर त्यात काजू, मनुके घालून भाजा.
• त्यानंतर त्यात कांदा आणि हिरवी मिरची घालून मंद आचेवर लालसर होईपर्यंत भाजा.
• त्यानंतर त्यात गाजर, मटार आणि तुमच्या आवडीनुसार इतर भाज्या घालून वाफवून घ्या. यामुळे भाज्यांची चव मस्त लागेल.
• नंतर भिजत ठेवलेला तांदूळ घालून मिक्स करा आणि वरून किसून घेतलेली संत्र्याची साल घाला.
• त्यानंतर त्यात संत्र्याचा रस आणि भात शिजण्यासाठी आवश्यक प्रमाणात पाणी घालून भात शिजण्यासाठी ठेवा.
• तयार आहे सोप्या पद्धतीमध्ये बनवलेला चटपटीत ऑरेंज राईस. हा पदार्थ घरातील लहान मुलांना खूप जास्त आवडेल.