श्रावणी सोमवार स्पेशल रेसिपी! वाटीभर राजगिऱ्याच्या पिठाचा वापर करून झटपट बनवा खमंग थालीपीठ

आज आम्ही तुम्हाला सोप्या पद्धतीमध्ये राजगिऱ्याचे थालीपीठ बनवण्याची रेसिपी सांगणार आहोत. हा पदार्थ चवीला अतिशय सुंदर लागतो. उपवासाच्या दिवशी पचनास जड असलेले पदार्थ खाण्याऐवजी सहज पचन होतील असे पदार्थ खावेत.

श्रावण महिन्याला सुरुवात झाल्यानंतर खूप उपवास केले जातात. उपवासाच्या दिवशी घरात साबुदाणा खिचडी, साबुदाणा वडा किंवा तळणीचे पदार्थ बनवून खाल्ले जातात. पण उपाशी पोटी साबुदाणा खाल्ल्यामुळे ऍसिडिटी आणि अपचनाच्या समस्या मोठ्या प्रमाणावर वाढतात. त्यामुळे उपवास केल्यानंतर सहज पचन होणाऱ्या पदार्थांचे सेवन करावे.न उपवासाला केवळ साबुदाणा खाण्याऐवजी राजगिऱ्याच्या पिठापासून बनवलेले थालीपीठ सुद्धा खाऊ शकता. खमंग आणि कुरकुरीत थालीपीठ चवीला अतिशय सुंदर लागतात. राजगिऱ्यामध्ये कॅल्शियम, फायबर, प्रोटीन्स, लोह, मॅग्नेशियम, फॉस्फरस इत्यादी अनेक गुणकारी घटक आढळून येतात. त्यामुळे इतर दिवशी सकाळच्या नाश्त्यात काहींना काही वेगळे इच्छा झाल्यास झटपट राजगिऱ्याच्या पिठाचे थालीपीठ बनवून खाऊ शकता. चला तर जाणून घेऊया रेसिपी.(फोटो सौजन्य – istock)

वजन कमी करण्याचा प्रयत्न करत असाल तर सकाळच्या नाश्त्यासाठी बनवा कुरकुरीत मसूर डाळीचा डोसा, नोट करून घ्या रेसिपी

साहित्य:

• राजगिऱ्याचे पीठ
• तूप
• मीठ
• जिरं
• बटाटा
• हिरवी मिरची पेस्ट
• लिंबाचा रस
• शेंगदाण्याचा कूट

तोंडात टाकताच विरघळेल! दुधाचा वापर करून बनवा रिच आणि क्रीमी केशर पिस्ता मिल्क केक, नोट करा रेसिपी

कृती:

• राजगिऱ्याचे थालीपीठ बनवण्यासाठी सर्वप्रथम, कुकरच्या भांड्यात बटाटे मऊ होईपर्यंत शिजवून घ्या.
• शिजवलेल्या बटाट्याची साल काढून मॅश करून घ्या. बटाटे शिजवताना त्यात थोडस मीठ घालावं.
• मोठ्या वाटीमध्ये राजगिऱ्याचे पीठ, भाजलेल्या शेंगदाण्याचा कूट, हिरवी मिरची पेस्ट आणि चवीनुसार मीठ टाकून मिक्स करा.
• तयार केलेल्या मिश्रणात मॅश करून घेतलेला बटाटा, लिंबाचा रस आणि चमचाभर तूप घालून पीठ व्यवस्थित मिक्स करा.
• तयार केलेल्या मिश्रणाचे छोटे छोटे गोळे करून थालीपीठ बनवा आणि गरम तव्यावर दोन्ही बाजूने भाजून घ्या.
• तयार आहेत सोप्या पद्धतीमध्ये बनवलेले उपवासाचे थालीपीठ. हा पदार्थ दह्यासोबत मस्त लागतो.