श्रावणातील सणांसाठी १० मिनिटांमध्ये बनवा भाजलेल्या चण्यांचे मलाईदार पेढे, विकतचे गोड पदार्थ खाणे कायमचे जाल विसरून

श्रावण महिन्यात घरात गोड पदार्थ बनवले जातात. त्यामुळे सोप्या पद्धतीमध्ये भाजलेल्या चण्यांचे पेढे बनवू शकता. हा पदार्थ कमीत कमी साहित्यात झटपट तयार होतो.

श्रावण महिन्याला सुरुवात झाल्यानंतर प्रत्येक घरात गोडाचे विविध पदार्थ बनवले जातात. शेवयांची खीर, गुलाबजाम, बासुंदी इत्यादी पदार्थ नैवेद्यात किंवा उपवासाच्या दिवशी बनवले जातात. सणावारांच्या दिवसांमध्ये बाजारातील पदार्थांमध्ये मोठ्या प्रमाणावर भेसळ केली जाते. भेसळ युक्त पदार्थांचे सेवन केल्यामुळे शरीराला हानी पोहचण्याची खूप जास्त शक्यता असते. त्यामुळे विकतचे पदार्थ आणून खाण्यापेक्षा घरी बनवलेले गोड पदार्थ खावेत. म्हणूनच आज आम्ही तुम्हाला झटपट तयार होणारे भाजलेल्या चण्यांचे पेढे बनवण्याची सोपी रेसिपी सांगणार आहोत. या पद्धतीने बनवलेले पेढे चवीसोबतच शरीरासाठी सुद्धा गुणकारी ठरतील. चणे खाल्ल्यामुळे शरीरातील रक्ताची कमतरता भरून निघते आणि आरोग्य सुधारण्यास मदत होते. कायमच विकतचे पदार्थ खाण्याऐवजी घरी बनवलेले पौष्टिक आणि हेल्दी पदार्थ खावेत. चला तर जाणून घेऊया चण्यांचे पेढे बनवण्याची सोपी रेसिपी.(फोटो सौजन्य – pinterest)

Shravan Special Recipe: ५ मिनिटांमध्ये उपवासासाठी खास बनवा वरीच्या तांदळाचे घावण, नोट करा रेसिपी

साहित्य:

• चणे
• साखर
• वेलची पावडर
• डेसिकेटेड कोकोनट
• मिल्क पावडर
• खायचा पिवळा रंग
• दूध
• सुका मेवा
• केशर
• तूप

Recipe : साध्या चपातीला बनवा चवदार, तुम्ही कधी खाल्ली आहे का ‘मिस्सी रोटी’? , रेसिपी नोट करा

कृती:

• भाजलेल्या चण्यांचे पेढे बनवण्यासाठी सर्वप्रथम, तवा गरम करून त्यावर चणे सालीसहित भाजून घ्या.
• भाजून घेतलेले चणे थंड झाल्यानंतर त्यांच्यावरील साल काढून टाका. थंड झालेले चणे मिक्सरच्या भांड्यात टाकून बारीक पावडर करा.
• त्यानंतर त्यात साखर, डेसिकेटेड कोकोनट, मिल्क पावडर, वेलची पावडर टाकून पुन्हा एकदा मिक्सरमध्ये फिरवून घ्या.
• तयार करून घेतलेले सर्व मिश्रण वाटीमध्ये काढून त्यात सुका मेवा, खाण्याचा पिवळा रंग आणि दूध घालून चमच्याने मिक्स करा.
• घट्टसर गोळा तयार झाल्यानंतर हाताला तूप लावून पेढे बनवा आणि सजावटीसाठी केशर लावून खाण्यासाठी सर्व्ह करा.
• तयार आहेत सोप्या पद्धतीमध्ये बनवलेले भाजलेल्या चण्यांचे मलाईदार पेढे.