श्रावणी सोमवारच्या उपवासाला बनवा चविष्ट रताळ्याची भाजी, वाचा सोपी रेसिपी

श्रावणात केलेल्या उपवासांना विशेष महत्व असल्यामुळे अनेक लोक या दिवसांमध्ये उपवास करतात. श्रावण महादेवाची मनोभावे पूजा केल्यानंतर मनातील सर्व इच्छा पूर्ण होतात, असे मानले जाते. त्यामुळे तुम्हीसुद्धा तुमच्या मनातील इच्छा पूर्ण होण्यासाठी श्रावण महिन्यात उपवास करू शकता. उपवासाच्या दिवशी अनेक महिला साबुदाण्याची खिचडी किंवा साबुदाणा वडा हेच पदार्थ खाऊन संपूर्ण दिवस काढतात.

उपवासाची रताळ्याची भाजी

Follow Us:

Follow Us:

5 ऑगस्टपासून सगळीकडे श्रावण महिन्याला सुरुवात झाली. श्रावण महिना हा उपवासाचा महिना आहे. या महिन्यात अनेक महिला पुरुष श्रावणी सोमवारी आणि शनिवारी उपवास करतात. श्रावणात केलेल्या उपवासांना विशेष महत्व असल्यामुळे अनेक लोक या दिवसांमध्ये उपवास करतात. श्रावण महादेवाची मनोभावे पूजा केल्यानंतर मनातील सर्व इच्छा पूर्ण होतात, असे मानले जाते. त्यामुळे तुम्हीसुद्धा तुमच्या मनातील इच्छा पूर्ण होण्यासाठी श्रावण महिन्यात उपवास करू शकता. उपवासाच्या दिवशी अनेक महिला साबुदाण्याची खिचडी किंवा साबुदाणा वडा हेच पदार्थ खाऊन संपूर्ण दिवस काढतात. पण काहीवेळा साबुदाण्यामुळे ऍसिडिटी किंवा पचनक्रिया बिघडण्याची शक्यता असते. त्यामुळे आज आम्ही तुम्हाला श्रावणी सोमवारच्या उपवासाला रताळ्याची भाजी कशी बनवायची याची सोपी रेसिपी सांगणार आहोत. ही भाजी खाल्ल्यामुळे तुम्हाला कोणताही त्रास होणार नाही.(फोटो सौजन्य-istock)

साहित्य:

• रताळे
• मीठ
• साखर
• शेंगदाण्याचा कूट
• हिरवी मिरची
• जिरे
• तूप

हे देखील वाचा: कधी साबुदाण्याचा पराठा खाल्ला आहे का? उपवासासाठी उत्तम पर्याय

कृती:

• रताळ्याची भाजी बनवण्यासाठी सर्वप्रथम रताळे स्वच्छ धुवून उकडवून घ्या. त्यानंतर रताळे थंड करून त्यांची साल काढा.
• रताळ्याचे बारीक तुकडे करून झाल्यानंतर रताळे काही वेळ तसेच ठेवून घ्या.
• कढईमध्ये तूप गरम करण्यासाठी ठेवून घ्या. गरम तुपात जिरं टाकून त्यात बारीक चिरलेल्या हिरव्या मिरच्या टाकून फोडणी भाजून घ्या.
• नंतर त्यात उकडलेली रताळी टाकून मिक्स करा. 2 मिनिटं ठेवल्यानंतर त्यात शेंगदाण्याचा कूट, चवीनुसार मीठ, साखर टाकून मिक्स करून घ्या.
• तयार आहे सोप्या पद्धतीमध्ये बनवलेली रताळ्याची उपवासाची भाजी.

Web Title: How to make sweet potato bhaji at home shravan special recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com