वेटलॉससाठी उत्तम पर्याय! १० मिनिटांमध्ये झटपट बनवा चविष्ट रताळ्याचे कबाब, पौष्टिक पदार्थाने करा दिवसाची सुरुवात

रताळं खाल्ल्यामुळे शरीराला खूप जास्त फायदे होतात. यामध्ये असलेले फायबर आणि इतर आवश्यक पोषक घटक वजन कमी करण्यास मदत करतात. त्यामुळे सकाळच्या नाश्त्यात तुम्ही सोप्या पद्धतीमध्ये रताळ्याचे कबाब बनवू शकता. चला तर जाणून घेऊया रेसिपी.

वजन वाढल्यानंतर ते कमी करण्यासाठी अनेक वेगवेगळ्या गोष्टी केल्या जातात. महागडे डाएट, तासनतास जिम तर काहीवेळा संपूर्ण दिवसभर उपवास करून दिवसभरात एखादा पदार्थ खाल्ला जातो. पण तासनतास उपाशी राहिल्यामुळे वजन कमी होण्याऐवजी आणखीनच वाढू लागते. त्यामुळे सकाळच्या वेळी पोटभर नाश्ता करणे फारच आवश्यक आहे. नाश्ता केल्यामुळे दीर्घकाळ पोट भरलेले राहते आणि आरोग्य सुधारण्यास मदत होते. म्हणूनच आज आम्ही तुम्हाला सकाळी किंवा संध्याकाळच्या नाश्त्यात खाता येतील असे रताळ्याचे कबाब बनवण्याची सोपी रेसिपी सांगणार आहोत. रताळी खाल्ल्यामुळे शरीराला भरपूर पोषण मिळते आणि आरोग्य सुधारण्यास मदत होते. रताळ्यात असलेले फायबर आणि इतर आवश्यक पोषक घटक वजन कमी करण्यास फायदेशीर ठरते. रताळ्यांमध्ये असलेले कॉम्प्लेक्स कार्ब्स वजन कमी करण्यासाठी उत्तम मानले जातात. त्यामुळे आठवड्यातून एकदा किंवा दोनदा रताळ्यांपासून बनवलेले पदार्थ खावेत. चला तर जाणून घेऊया रताळ्याचे कबाब बनवण्याची सोपी रेसिपी.(फोटो सौजन्य – istock)

Summer Special : तुम्ही कधी खाल्लाय का ‘मँगो मलाई रोल’, एकदा चाखाल तर पदार्थाचे फॅन व्हाल

साहित्य:

• रताळी
• तेल
• शेंगदाणे
• हिरवी मिरची
• आलं
• लसूण पाकळ्या
• कोथिंबीर
• हिरवे मटार
• कांदा
• लाल तिखट
• लिंबाचा रस

Recipe : मैद्यापासून नाही तर गव्हाच्या पिठापासून घरी बनवा कुरकुरीत मठरी, झटपट तयार होईल रेसिपी

कृती:

• रताळ्याचे कबाब बनवण्यासाठी सर्वप्रथम, रताळी पाण्यात घालून ठेवा. त्यानंतर रताळी पाण्याने स्वच्छ धुवून घ्या.
• टोपात पाणी गरम करून त्यात शिजवलेली रताळी घाला आणि मऊ शिजेपर्यंत शिजवून घ्या. त्यानंतर त्यातील पाणी काढून रताळी थंड होण्यासाठी ठेवा.
• रताळ्याची साल काढून चमच्याने रताळी मॅश करा. त्यानंतर त्यात उकडवून मॅश केलेले मटार, किसलेले पनीर, चिरलेला कांदा, मीठ, चाट मसाला, जिरे पावडर, धणे पावडर, लाल तिखट आणि लिंबाचा रस घालून व्यवस्थित मिक्स करा.
• तयार केलेले मिश्रण काहीवेळ बाजूला ठेवून द्यावे. त्यानंतर मिक्स करून झाल्यानंतर हाताने तुम्हाला हवे त्या आकारात कबाब बनवा.
• कढईमध्ये तेल गरम करून त्यात कबाब शॅलो फ्राय करून घ्या.
• तयार आहेत सोप्या पद्धतीमध्ये बनवलेले रताळ्याचे पौष्टिक कबाब.