Recipe : सकाळच्या नाश्त्याला बनवा तिखट लापशी, चव अशी की सर्वच होतील खुश

Lapshi Recipe : लापशी तुम्ही अनेकदा गोड चवीची खाल्ली असेल पण तुम्हाला माहितीये का? तुम्ही तिखट चवीची लापशी देखील तयार करु शकता. ही लापशी सकाळच्या नाश्त्याला एक चांगला पर्याय ठरेल.

(फोटो सौजन्य: Youtube)

Follow Us:

Follow Us:

• लापशी साधारण गोड चवीची असते.
• पण तुम्हाला माहिती का? तुम्ही तिखट लापशी तयार करु शकता.
• याची रेसिपी आहे फार सोपी.

चॉकलेटची चव अन् आरोग्याचा फायदा! मुलांसाठी घरी बनवा हाय प्रोटीन चॉकलेट बार, वाचा सोपी रेसिपी

गव्हातील फायबर, जीवनसत्त्वे आणि खनिजे शरीराला ऊर्जा देण्यास मदत करतात, त्यामुळे ही रेसिपी चवदार असण्यासोबतच पौष्टिकही आहे. कमी वेळात तयार होणारी आणि कमी साहित्य लागणारी ही रेसिपी घरातील लहानांपासून मोठ्यांपर्यंत सर्वांनाच आवडते.

साहित्य

• १ कप गव्हाची लापशी
• २ टेबलस्पून तेल किंवा तूप
• १ टीस्पून मोहरी
• १ टीस्पून जिरे
• चिमूटभर हिंग
• ८–१० कढीपत्त्याची पाने
• २ हिरव्या मिरच्या (बारीक चिरलेल्या)
• १ मध्यम कांदा (बारीक चिरलेला)
• २ टेबलस्पून भाजलेले शेंगदाणे
• १/४  टीस्पून हळद
• चवीनुसार मीठ
• २ ½ ते ३ कप गरम पाणी
• २ टेबलस्पून कोथिंबीर (बारीक चिरलेली)
• १ टीस्पून लिंबाचा रस (ऑप्शनल)

कृती

• कढई गरम करून त्यामध्ये गव्हाची लापशी मंद आचेवर ४–५ मिनिटे हलक्या सोनेरी रंगाची होईपर्यंत कोरडी भाजून घ्या. नंतर ती एका ताटात काढून ठेवा.
• त्याच कढईत तेल किंवा तूप गरम करून त्यात मोहरी, जिरे, हिंग आणि कढीपत्ता घाला. फोडणी छान तडतडली की हिरव्या मिरच्या आणि चिरलेला कांदा घालून कांदा पारदर्शक होईपर्यंत परता.
• आता त्यात हळद आणि भाजलेले शेंगदाणे घालून एक मिनिट परता. यामुळे पदार्थाला खमंग चव आणि कुरकुरीतपणा मिळतो.
• भाजलेली लापशी कढईत घालून फोडणीसोबत दोन मिनिटे हलक्या हाताने परता, जेणेकरून प्रत्येक दाण्यावर मसाल्याचा स्वाद छान बसेल.
• यानंतर गरम पाणी आणि चवीनुसार मीठ घाला. सर्व मिश्रण एकदा हलवून झाकण ठेवून मंद आचेवर १०–१२ मिनिटे शिजू द्या.
• लापशी पूर्णपणे शिजून मऊ झाली की गॅस बंद करा. त्यात लिंबाचा रस आणि बारीक चिरलेली कोथिंबीर घालून हलक्या हाताने मिसळा.
• गरमागरम तिखट लापशी दही, लोणचे, चटणी किंवा पापडासोबत सर्व्ह करा. नाश्ता, डबा किंवा हलक्या जेवणासाठी हा पौष्टिक आणि चवदार पदार्थ उत्तम पर्याय ठरतो.

Web Title: How to make tikhat lapshi note the recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com