गणपती उत्सवात पारंपरिक पद्धतीने बनवा नैवेद्याच्या पानातील तोंडली भात, पदार्थ पाहताच क्षणी सुटेल तोंडाला पाणी

गणपती बाप्पाच्या नैवेद्यात आवडीने तोंडली भात बनवला जातो. हा पदार्थ १५ ते २० मिनिटांमध्ये लगेच तयार होतो आणि चव सुद्धा मस्त लागते. चला तर जाणून घेऊया तोंडली भात बनवण्याची रेसिपी.

गणपती बाप्पाच्या आगमनाला अवघे काही दिवस शिल्लक राहिले आहेत. बाप्पाच्या आगमनाची सगळीकडेच जोरदार तयारी केली जात आहे. नैवेद्याच्या पानात बाप्पासाठी नेमके काय पदार्थ बनवावे बऱ्याचदा सुचत नाही. गोड पदार्थांव्यतिरिक्त डाळ, वरण, वालाची भाजी, पुरी आणि विशेष पदार्थ म्हणजे तोंडलीचा भात सुद्धा बनवला जातो. साजूक तुपाची धार आणि वेगवेगळ्या सुगंधी मसाल्याचा वापर करून बनवलेला पदार्थ चवीला अतिशय सुंदर लागतो. तोंडली भात शिजण्यासाठी १० ते १५ मिनिटांचा वेळ लागतो. हा भात तुम्ही इतर दिवशी जेवणात सुद्धा बनवू शकता. रोजच्या जेवणातील डाळभात किंवा आमटी भात खाऊन कंटाळा आल्यास या पद्धतीने बनवलेला तोंडली भात खाल्ल्यास पोट सुद्धा भरेल आणि चार घास जास्त जातील. चला तर जाणून घेऊया नैवेद्याच्या ताटातील तोंडली भात बनवण्याची सोपी रेसिपी.(फोटो सौजन्य – pinterest)

Recipe : खवय्यासांठी खास! मशरुम कबाब कधी खाल्लेत का? लगेच रेसिपी नोट करा

साहित्य:

• तोंडली
• तांदूळ
• लाल तिखट
• तूप
• गरम मसाला
• खडे मसाले
• हळद
• मीठ
• कांदा
• टोमॅटो
• गोडा मसाला
• ओल्या खोबऱ्याचा किस
• मोहरी, जिरं

Recipe : भाजी काय बनवावी ते सुचत नाहीये? मग अशी बनवा आंबट-तिखट टोमॅटोची चटणी, १५ मिनिटांची रेसिपी

कृती:

• नैवेद्याच्या पानातील तोंडली भात बनवण्यासाठी सर्वप्रथम, तांदूळ स्वच्छ धुवून काहीवेळ पाण्यात भिजत ठेवा. यामुळे भात मस्त फुलून येईल.
• कुकरच्या भांड्यात तूप आणि थोडं तेल टाकून गरम करून घ्या. त्यानंतर गरम तेलात मोहरी, हिंग, जिरं आणि मेथी दाणे घालून भाजा.
• त्यानंतर त्यात बारीक चिरून घेतलेला कांदा आणि टोमॅटो, तोंडली घालून व्यवस्थित मिक्स करा आणि चवीनुसार मीठ घालून कांदा शिजण्यासाठी ठेवा.
• कांदा टोमॅटो मऊ झाल्यानंतर त्यात हळद, लाल तिखट, गरम मसाला आणि गोडा मसाला घालून तेल सुटेपर्यंत व्यवस्थित भाजून घ्या.
• त्यानंतर त्यात भिजवलेला तांदूळ घालून व्यवस्थित मिक्स करा आणि आवश्यकतेनुसार पाणी घालून कुकरच्या २ शिट्ट्या काढा.
• भात शिजल्यानंतर वरून खोबऱ्याचा किस, एक चमचा तूप आणि बारीक चिरून घेतलेली कोथिंबीर घालून मिक्स करा.
• तयार आहे सोप्या पद्धतीमध्ये बनवलेला नैवेयद्याच्या पानांतील तोंडली भात.