गणपती बाप्पाच्या नैवेद्यात मोदकांसोबत झटपट बनवा साजूक तुपातील अक्रोडचा हलवा, नोट करा रेसिपी

गणपती बाप्पाच्या प्रसादासाठी कायमच मोदक बनवले जातात. पण आज आम्ही तुम्हाला सोप्या पद्धतीमध्ये अक्रोड हलवा बनवण्याची सोपी रेसिपी सांगणार आहोत. हा पदार्थ घरातील सगळ्यांचं खूप जास्त आवडेल.

गणपती बाप्पाच्या नैवेद्यात मोदकांसोबत झटपट बनवा साजूक तुपातील अक्रोडचा हलवा

Follow Us:

Follow Us:

गणपती बाप्पाच्या आगमनामुळे सगळीकडे आनंद आणि उत्साहाचे वातावरण निर्माण झाले आहे. सर्वच घरांमध्ये बाप्पाच्या नैवेद्यासाठी वेगवेगळ्या प्रकारचे मोदक बनवले जातात. गणपती बाप्पाच्या अतिशय आवडीचा पदार्थ म्हणजे उकडीचे मोदक. बाप्पाची आरती झाल्यानंतर प्रसादासाठी कायमच काहींना काही नवीन पदार्थ बनवले जातात. म्हणूनच आज आम्ही तुम्हाला साजूक तुपातील अक्रोड हलवा बनवण्याची सोपी रेसिपी सांगणार आहोत. अक्रोड खाणे आरोग्यासाठी सुद्धा अतिशय गुणकारी आहे. गणपतीच्या दिवसांमध्ये घरात मोठी धावपळ असते. घाईगडबडीच्या वेळी कमीत कमी साहित्यामध्ये अक्रोड हलवा लगेच तयार होतो. चला तर जाणून घेऊया अक्रोड हलवा बनवण्याची सोपी रेसिपी.(फोटो सौजन्य: Pinterest)

सकाळच्या नाश्त्यासाठी १० मिनिटांमध्ये बनवा पौष्टिक नाचणीचा चिला, शरीरातील हाडे राहतील मजबूत

साहित्य:

• अक्रोड
• दूध
• साखर
• तूप
• वेलची पावडर
• मिल्क पावडर
• खवा

कृती:

• साजूक तुपातील अक्रोड हलवा बनवण्यासाठी सर्वप्रथम, मिक्सरच्या भांड्यात अक्रोड टाकून बारीक पावडर करून घ्या.
• पॅनमध्ये तूप गरम करून त्यात तयार केलेली अक्रोड पावडर व्यवस्थित भाजून घ्या. डार्क ब्राऊन रंग येईपर्यंत अक्रोड पावडर व्यवस्थित भाजा.
• त्यानंतर त्यात फ्रेश खवा आणि मिल्क पावडर घालून मंद आचेवर व्यवस्थित भाजून घ्या.
• सर्व साहित्य व्यवस्थित भाजल्यानंतर त्यात दूध मिक्स करून घ्या. दुधात अक्रोड व्यवस्थित शिजवून घ्या.
• त्यानंतर त्यात साखर आणि वेलची पावडर घालून काहीवेळ झाकून ठेवा. हलवा शिजल्यानंतर घट्ट होईल आणि दाटसर बनेल.
• तयार आहे सोप्या पद्धतीमध्ये बनवलेला साजूक तुपातील अक्रोड हलवा.

Web Title: How to make walnut halwa at home ganpati special recipe sweet food

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com