टॅनिंग, सनबर्नमुळे त्वचा पूर्णपणे काळवंडली असेल तर चेहऱ्यावर लावा 'हा' डी-टॅन फेसमास्क, त्वचा होईल उजळदार
उन्हाळ्याच्या दिवसांमध्ये खूप जास्त घाम येतो. सतत येणाऱ्या घामामुळे आरोग्यासोबतच त्वचा आणि केसांचे खूप जास्त नुकसान होते. सतत घाम आल्यामुळे आणि उन्हात बाहेर फिरल्यामुळे त्वचा खूप जास्त टॅन होते. चेहऱ्यावर टॅनिंग वाढते आणि त्वचेवर डेड स्किन जमा होण्यास सुरुवात होते. उन्हाळा ऋतूला सुरुवात झाल्यानंतर त्वचेवर टॅनिंग, काळेपणा वाढून चेहरा पूर्णपणे काळवंडल्यासारखा वाटतो. त्यामुळे त्वचेची खराब झालेली गुणवत्ता सुधारण्यासाठी महिला बाजारात उपलब्ध असलेल्या वेगवेगळ्या स्किन केअर प्रॉडक्टचा वापर करतात. कधी फेसमास्क लावला जातो तर कधी फेस सीरम लावून चेहऱ्यावरील टॅनिंग घालवली जाते. उन्हामुळे काहीवेळा चेहऱ्यावर काळे चट्टे येतात. हे डाग किंवा सनबर्नमुळे काळवंडलेली त्वचा पुन्हा एकदा उजळदार करण्यासाठी वेगवेगळ्या ट्रीटमेंट घेतल्या जातात.(फोटो सौजन्य – istock)
कडक उन्हाळ्यात चेहरा दिसेल फ्रेश! घरीच बनवा काकडी तुळशीच्या पानांचे मॅजिकल टोनर, पिंपल्स होतील गायब
कडक उन्हात जास्त वेळ बाहेर फिरल्यामुळे चेहऱ्यावर आलेले काळे डाग त्वचेचे नैसर्गिक सौंदर्य कमी करून टाकतात. त्यामुळे सतत केमिकल ट्रीटमेंट करण्याऐवजी घरगुती उपाय करून त्वचेची काळजी घ्यावी. आज आम्ही तुम्हाला काळवंडलेला चेहरा पुन्हा एकदा उजळदार आणि गोरापान करण्यासाठी सोप्या पद्धतीमध्ये डी टॅन मास्क बनवण्याची कृती सांगणार आहोत. हा फेसमास्क आठवड्यातून एकदा किंवा दोनदा चेहऱ्यावर लावल्यास चेहऱ्यावरील हरवलेला ग्लो पुन्हा परत येईल आणि त्वचा सुंदर दिसेल. स्वयंपाक घरात उपलब्ध असलेले पदार्थ त्वचेसाठी वरदान ठरतात.
चेहऱ्यावर वाढलेले टॅनिंग घालवण्यासाठी बटाट्याचा रस, लिंबाचा रस, गव्हाचं पीठ, कॉफी पावडर, खोबरेल तेल इतके साहित्य लागणार आहे. हे पदार्थ प्रत्येक स्वयंपाक घरात सहज उपलब्ध होतात. मोठ्या वाटीमध्ये बटाटा किसून त्याचा रस काढून घ्या. त्यानंतर त्यात लिंबाचा रस, गव्हाचं पीठ, कॉफी पावडर आणि खोबरेल तेल घालून व्यवस्थित मिक्स करा. तयार केलेली पेस्ट संपूर्ण चेहऱ्यावर आणि मानेवर लावून काहीवेळ तशीच ठेवा. त्यानंतर हातांना पाणी लावून हलक्या हातानेचेहरा आणि मानेवर मसाज करून घ्या. यामुळे चेहऱ्यावर जमा झालेली घाण आणि धूळ माती नष्ट होण्यास मदत होईल. याशिवाय त्वचेसंबंधित समस्या कमी होऊन त्वचा उजळदार दिसेल.
उन्हामुळे काळवंडलेली त्वचा उजळदार करण्यासाठी स्वयंपाक घरात उपलब्ध असलेले पदार्थ वापरावेत. बटाट्याच्या रसाचा वापर केल्यामुळे त्वचेची खराब झालेली गुणवत्ता सुधारण्यास मदत होईल आणि चेहरा उजळदार दिसेल. यामध्ये असलेले नैसर्गिक ‘ब्लिचिंग एजंट’ त्वचेवरील काळे डाग आणि टॅनिंग घालवण्यासाठी मदत करतात. लिंबाच्या रसामध्ये विटामिन -सी आणि सायट्रिक ॲसिड असते, ज्यामुळे चेहऱ्यावर जमा झालेल्या मृत पेशी नष्ट होऊन त्वचा उजळदार होते. गव्हाचं पीठ त्वचेसाठी एक्सफोलिएटर आहे. यामुळे चेहऱ्यावर जमा झालेला अतिरिक्त तेल नष्ट होते आणि त्वचा उजळदार दिसते.
