केसांचा भांग पातळ झाला आहे? घनदाट केसांसाठी ‘या’ पद्धतीने करा कांद्याच्या सालीचा वापर, महिनाभरात भांग दिसेल भरगच्च

केसांच्या समस्या कमी करण्यासाठी कायमच महागड्या प्रॉडक्टचा वापर करण्याची आवश्यकता नाही. स्वयंपाक घरात उपलब्ध असलेल्या पदार्थाचा वापर करून तुम्ही नॅचरल हेअर पॅक बनवू शकता. चला तर जाणून घेऊया हेअर पॅक बनवण्याची कृती.

कांद्याच्या सालीचे फायदे?
कांद्याची साल वापरण्याची पद्धत?
केसांची गुणवत्ता सुधारण्यासाठी उपाय?

प्रत्येक स्वयंपाक घरात कांद्याचा वापर जेवण बनवण्यासाठी केला जातो. कांद्याच्या वापराशिवाय जेवणाला चांगली चव लागत नाही. कांदा केवळ चवीसाठीच नाहीतर शरीरासाठी सुद्धा खूप जास्त गुणकारी आहे. जेवणासाठी कांदा कापल्यानंतर साल फेकून दिली जाते. कांद्याच्या सालीचा वापर कसा करावा अनेकांना माहित नसतो त्यामुळे कचऱ्यात साल फेकून देतात. पण याच कांद्याच्या सालीचा वापर करून तुम्ही झटपट हेअर पॅक बनवू शकता. केसांच्या वाढत्या समस्या कमी करण्यासाठी कायमच बाजारातील महागड्या प्रॉडक्टचा वापर करण्याची कोणतीही आवश्यकता नाही. स्वयंपाक घरात उपलब्ध असलेल्या पदार्थांचा वापर करून केसांची योग्य काळजी घेता येते.(फोटो सौजन्य – istock)

सावधान! डायबिटीज आणि वजन कमी करण्याच्या औषधांमुळे होऊ शकते केसगळती? रिसर्चमध्ये मोठा खुलासा

वातावरणात सतत होणाऱ्या बदलांमुळे केस खूप जास्त कोरडे होतात तर काहीवेळा खूप जास्त तेलकट आणि चिकट होऊन जातात. ज्यामुळे केसांमध्ये कोंडा होऊन केस गळण्यास सुरुवात होते. काहीवेळा खूप जास्त केस गळून पातळ होतात आणि भांग पूर्णपणे दिसू लागतो. केसांचा भांग विरळ झाल्यानंतर हेअर स्टाईल करताना बरेच अडथळे येतात. त्यामुळे केसांच्या समस्या कमी करण्यासाठी कांद्याच्या सालीचा हेअर पॅक केसांवर लावून ठेवावा. यामुळे महिनाभरात केस घनदाट आणि काळेभोर होण्यास मदत होईल. चला तर जाणून घेऊया हेअर पॅक बनवण्याची कृती.

कांद्याच्या सालीचा हेअर पॅक बनवण्याची सोपी कृती:

कांद्याच्या सालीचा हेअर पॅक बनवण्यासाठी सर्वप्रथम, कांद्याची साल स्वच्छ करून उन्हात सुकवून घ्या आणि मिक्सरच्या भांड्यात टाकून बारीक पावडर बनवा. कढईमध्ये एक ग्लास पाणी गरम करून त्यात चहा पावडर घालून व्यवस्थित मिक्स करा. पाण्याला उकळी आल्यानंतर त्यात कॉफी पावडर टाकून उकळवून घ्या. दोन ते तीन मिनिटं पाण्याला उकळी आल्यानंतर गॅस बंद करून घ्या. तयार केलेल्या मिश्रणात कांद्याच्या सालीची पावडर मिक्स करून घ्या. पेस्ट तयार करताना जास्त पातळ बनवू नये. तयार केलेली पेस्ट केसांवर लावून ६० ते ९० मिनिटं केसांवर तशीच ठेवा. त्यानंतर सौम्य शाम्पूचा वापर करून केस पाण्याने धुवून घ्या.

केसांची मूळ कमकुवत झाली आहेत? मग ‘या’ हिरव्या पानांचा वापर करून घरीच तयार करा नॅचरल आयुर्वेदिक तेल, केस होतील घनदाट

कांद्याच्या सालीमध्ये असलेले नैसर्गिक घटक केसांच्या मुळांना आवश्यक पोषण देतात आणि केस नॅचरली शाई करतात. कोरड्या आणि रफ केसांना सॉफ्टनेस देण्यासाठी कांद्याच्या सालीचा वापर करून बनवलेला हेअर पॅक फायदेशीर ठरेल. केसांची गुणवत्ता सुधारण्यासाठी कायमच महागड्या प्रॉडक्टचा वापर करू नये. टाळूवर वाढलेले इन्फेक्शन कमी करण्यासाठी कांद्याची साल फायदेशीर ठरेल. यामुळे केसांमध्ये खाज, जळजळ अजिबात होणार नाही.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.