मल्टीव्हिटॅमिनच्या गोळ्यांचे सेवन करता! तर वेळीच थांबा, जाणून घ्या आरोग्याला होणारे फायदे आणि तोटे

शरीरातील कमी झालेले कॅल्शियम किंवा इतर पोषक घटक वाढवण्यासाठी मल्टीव्हिटॅमिनच्या गोळ्यांचा आधार घेतला जातो.डॉक्टरांच्या सल्ल्याने मल्टीव्हिटॅमिनच्या गोळ्या घेतल्या जातात. पण अनेकदा या गोळ्या अतिप्रमाणात घेतल्यामुळे आरोग्यावर त्याचे गंभीर परिणाम दिसून येतात. शरीरातील कमी झालेली ताकद वेगाने वाढण्यासाठी या गोळ्यांचे अतिप्रमाणात सेवन केले जाते. त्यामुळे मल्टीव्हिटॅमिन्सच्या गोळ्या खाल्ल्याने आरोग्याला नेमके काय फायदे आणि तोटे होतात, जाणून घेऊया.

वातावरणातील बदल, खाण्यापिण्याच्या चुकीच्या सवयी, अपुरी झोप इत्यादी अनेक गोष्टींचा आरोग्यावर नकारात्मक परिणाम दिसून येतो. आरोग्य बिघडल्यानंतर अनेक गंभीर समस्या निर्माण होतात. शरीरात पोषक तत्वांचा अभाव निर्माण झाल्यानंतर सतत चक्कर येणे, अशक्तपणा वाटणे, उलट्या होणे, काम करण्याची इच्छा न होणे, केस गळणे इत्यादी अनेक समस्या जाणवू लागतात. अशावेळी शरीरातील कमी झालेले कॅल्शियम किंवा इतर पोषक घटक वाढवण्यासाठी मल्टीव्हिटॅमिनच्या गोळ्यांचा आधार घेतला जातो.डॉक्टरांच्या सल्ल्याने मल्टीव्हिटॅमिनच्या गोळ्या घेतल्या जातात. पण या गोळ्या खाल्ल्यानंतर शरीरावर त्याचे गंभीर परिणाम दिसून येतात. मल्टीविटॅमिन्स किंवा सपलिमेंट औषधे घेताना डॉक्टरांचा सल्ला आवश्यक घ्यावा.

बाजारामध्ये विटामिन, सोडियम, झिंक, मॅग्नेशियम, आयोडीन आणि कॅल्शियम यांसारखे पोषक घटक कमी झाल्यानंतर ते पुन्हा वाढवण्यासाठी लागणाऱ्या सर्व प्रकारच्या गोळ्या उपलब्ध आहेत. या गोळ्या खाल्ल्यानंतर केस, त्वचा, नख, हाडांमधील वेदना, स्नायूंचे दुखणे, संधिवात इत्यादी अनेक समस्या दूर होण्यास मदत होते. पण अतिप्रमाणात मल्टीव्हिटॅमिनच्या गोळ्या खाल्ल्याने आरोग्यावर हळूहळू परिणाम दिसू लागतात. त्यामुळेच आम्ही तुम्हाला मल्टीव्हिटॅमिनच्या गोळ्या खाल्ल्याने आरोग्याला नेमके काय फायदे आणि तोटे होतात, याबद्दल सांगणार आहोत. चला तर जाणून घेऊया.(फोटो सौजन्य-istock)

हे देखील वाचा: मोड आलेल्या मुगाचे 6 जबरदस्त फायदे, लठ्ठपणा-डायबिटीसपासून मुक्ती मिळून बांधा होईल सुडौल

मल्टीव्हिटॅमिनच्या गोळ्या खाल्ल्याने आरोग्याला होणारे फायदे:

• धावपळीच्या जीवनात आरोग्याकडे लक्ष दिले जात नाही. अशावेळी मल्टीव्हिटॅमिनच्या गोळ्या खाण्याचा सल्ला दिला जातो.
• मल्टीव्हिटॅमिनच्या गोळ्या आहारातील कमतरता भरून काढण्याचे काम करतात,ज्यामुळे शरीरात अशक्तपणा किंवा इतर समस्या जाणवत नाहीत.
• शरीरात निर्माण झालेली जीवनसत्वे आणि पोषक घटकांची कमतरता भरून आरोग्य सुधारण्याचे काम करतात.
• मल्टीव्हिटॅमिनच्या गोळ्यांमध्ये कॅल्शियम आणि विटामिन डी मोठ्या प्रमाणावर असते, ज्यामुळे हाडांचे आरोग्य मजबूत होते. तसेच शरीरात ऑस्टिओपोरोसिस रोखण्यासाठी मदत होते.
• गर्भधारणेपूर्वी आणि बाळाचा जन्म झाल्यानंतर न्यूरल ट्यूब दोषांचा धोका कमी करण्यासाठी मल्टीव्हिटॅमिनच्या गोळ्या घेतल्या जातात.
• मासिक पाळीतील वेदना आणि अशक्तपणापासून शरीराचा बचाव करण्यासाठी मल्टीव्हिटॅमिनच्या गोळ्या घेतल्या जातात.
• बाजारात वेगवेगळ्या प्रकारच्या मल्टीव्हिटॅमिनच्या गोळ्या उपलब्ध आहेत. त्यामुळे डॉक्टरांच्या सल्ल्याने शरीराला आवश्यक असलेल्या गोळ्या घ्याव्यात.

हे देखील वाचा: नॉर्मल डिलिव्हरीसाठी करा 5 व्यायाम, गायनोकॉलॉजिस्टने सांगितले रिकव्हरी होईल सोपी

मल्टीव्हिटॅमिनच्या गोळ्या खाल्ल्याने आरोग्यावर होणारे दुष्परिणाम:

• रिकाम्या पोटी मल्टीव्हिटॅमिन्सच्या गोळ्या घेतल्यानंतर आरोग्यासंबंधित गंभीर समस्या उद्भवतात. त्यामुळे रिकाम्या पोटी मल्टीव्हिटॅमिनच्या गोळ्या घेऊ नये.
• मल्टीव्हिटॅमिन्सच्या गोळ्या डॉक्टरांनी सांगितल्यानुसार न घेता अतिप्रमाणात घेतल्यामुळे किडनी आणि लिव्हर फेल होण्याची शक्यता असते.
• शरीरातील कमी झालेली शक्ती आणि ऊर्जा वाढवण्यासाठी मल्टीव्हिटॅमिन्सच्या गोळ्या घेतल्या जातात, पण या गोळ्यांच्या अतिसेवनामुळे शरीरातील इतर अवयवांना इजा होऊ शकते.
• मल्टीव्हिटॅमिन्सच्या गोळ्या घेताना आहाराकडे व्यवस्थित लक्ष दिले नाहीतर गोळ्यांचा शरीरावर कोणताच परिणाम दिसून येणार नाही.
• केमोथेरपी, रक्त पातळ करण्यासाठी घेतलेली औषध, कर्करोग इत्यादी गंभीर आजार असलेल्या व्यक्तींनी मल्टीव्हिटॅमिन्सच्या गोळ्या घेऊ नये. या गोळ्या घेतल्याने आजार आणखीन गंभीर होण्याची शक्यता असते.

 

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.