तिखट कांदापोहे खाऊन कंटाळा आला असेल तर कोकणातील पारंपरिक पद्धतीने बनवा गोड पोहे, लहान मुलांसह मोठे खातील आवडीने

आज आम्ही तुम्हाला कोकणातील पारंपरिक पद्धतीने गोड पोहे बनवण्याची सोपी रेसिपी सांगणार आहोत. हा पदार्थ घरातील प्रत्येक व्यक्तीला आवडेल. चला तर जाणून घेऊया गोड पोहे बनवण्याची रेसिपी.

सकाळच्या नाश्त्यात किंवा इतर वेळी भूक लागल्यानंतर कांदापोहे बनवून खाल्ले जातात. कांदापोहे, उपमा, शिरा किंवा इडली, डोसा हे नाश्त्यातील अतिशय फेमस पदार्थ आहेत. पण नेहमी तेच ठराविक पदार्थ खाऊन कंटाळा आल्यानंतर काहींना काही नवीन पदार्थ खाण्याची सगळ्यांचं खूप जास्त इच्छा होते. अशावेळी विकतचे पदार्थ आणून खाल्ले जातात. सतत तिखट किंवा तेलकट पदार्थ खाल्ल्यामुळे आरोग्य बिघडण्याची जास्त शक्यता असते. म्हणूनच आज आम्ही तुम्हाला कोकणातील पारंपरिक पद्धतीमध्ये गोड पोहे बनवण्याची सोपी रेसिपी सांगणार आहोत. या पद्धतीने बनवलेले पोहे लहान मुलांपासून ते अगदी मोठ्यांपर्यंत सगळ्यांचं खूप जास्त आवडतील. प्रत्येक घरात कायमच पोहे उपलब्ध असतात. त्यामुळे पोह्यांपासून तुम्ही हा पदार्थ बनवू शकता. कोकणात दिवाळी सणाच्या दिवशी गोड पोहे बनवण्याची पद्धत आहे. जुन्या काळापासून चालत आलेली परंपरा अजूनही तितक्याच आवडीने फॉलो केली जाते. चला तर जाणून घेऊया गोड पोहे बनवण्याची सोपी रेसिपी.(फोटो सौजन्य – pinterest)

Healthy Recipe : हेल्दी पण टेस्टी असं काही खायचंय? मग जान्हवी कपूरची फेव्हरेट डिश ‘लो-कार्ब नूडल्स’ घरी बनवून खा

साहित्य:

• पोहे
• गूळ
• ओल्या खोबऱ्याचा किस
• काळे तीळ
• तूप
• मीठ
• काजू
• वेलची पावडर

उन्हाळ्यात पचनक्रिया राहील कायमच सक्रिय! ५ मिनिटांमध्ये बनवा आंबट तिखट चवीचा लेमन राईस, नोट करून घ्या रेसिपी

कृती:

• कोकणी पद्धतीमध्ये गोड पोहे बनवण्यासाठी सर्वप्रथम, पोहे स्वच्छ करून सुपाने पाखडून घ्या. यामुळे बारीक घाण बाहेर पडून जाईल.
• स्वच्छ करून घेतलेले पोहे भांड्यात घेऊन त्यात पाणी घालून हलक्या हाताने मिक्स करा आणि चाळणीवर काढून घ्या.
• जास्त वेळ पोहे पाण्यात भिजवून ठेवल्यास पदार्थ खराब होण्याची शक्यता असते. त्यामुळे पोहे हलकेसे ओलसर झाल्यानंतर लगेच काढून घ्यावे.
• भिजवलेल्या पोह्यांमध्ये बारीक करून घेतलेले गूळ आणि चवीनुसार मीठ घालून मिक्स करून घ्या.
• कढईमध्ये तूप गरम करून त्यात काजूचे काप लालसर भाजा. त्यानंतर काळे तीळ घालून हलकेसे भाजा.
• त्यानंतर त्यात गूळ मिक्स करून घेतलेले पोहे घालून व्यवस्थित मिक्स करा आणि थोडीशी वेलची पावडर घालून पोहे व्यवस्थित मिक्स करा.
• सगळ्यात शेवटी वरून ओल्या खोबऱ्याचा किस घालून पोहे खाण्यासाठी सर्व्ह करा.
• तयार आहेत कोकणी पद्धतीमध्ये बनवलेले चविष्ट गोड पोहे. हा पदार्थ कोकणातील प्रत्येक घरात आवडीने खाल्ला जातो.