लसूण खायला आवडत नाही? मग बंगाली स्टाईलने बनवा झणझणीत लसूण भरीत, गरमागरम भाकरीसोबत चविष्ट बेत

आपल्यातील अनेकांना लसूण खायला अजिबात आवडत नाही. पण या पद्धतीने बनवलेले लसूण भरीत खाल्ल्यास जिभेची चव वाढण्यासोबतच शरीराला सुद्धा फायदे होतील. चला तर जाणून घेऊया लसूण भरीत बनवण्याची सोपी रेसिपी.

लसूण खायला आवडत नाही? मग बंगाली स्टाईलने बनवा झणझणीत लसूण भरीत, गरमागरम भाकरीसोबत चविष्ट बेत

Follow Us:

Follow Us:

जेवणाच्या ताटात जर वांग्यांचे किंवा शिमला मिरचीचे भरीत असेल तर चार घास जेवण जास्त जात. गरमागरम भाकरी आणि चविष्ट वांग्याचे भरीत खायला सगळ्यांचं खूप जास्त आवडत. पण नेहमीच वांगी किंवा शिमला मिरचीचे भरीत खाऊन कंटाळा येतो. म्हणूनच आज आम्ही तुम्हाला बंगाली पद्धतीने लसूण भरीत बनवण्याची सोपी रेसिपी सांगणार आहोत. या पद्धतीने बनवलेले भरीत घरातील सगळेच अतिशय आवडीने खातील आणि चव सुद्धा भारी लागते. लहान मुलांपासून ते अगदी मोठ्यांपर्यंत अनेकांना लसूण खायला आवडत नाही. डाळ किंवा भाजीमधील लसूण बाजूला काढून ठेवली जाते. तर काही लोक लसूण पाहिल्यानंतर नाक मुरडतात. त्यामुळे मुलांना या पद्धतीने लसूण भरीत बनवून खाण्यास द्यावे. यामुळे शरीराला पोषण सुद्धा मिळेल आणि आवश्यक फायदे सुद्धा होतील. चला तर जाणून घेऊया बंगली स्टाईलने लसूण भरीत बनवण्याची सोपी रेसिपी.(फोटो सौजन्य – pinterest)

सध्या सर्वत्र चर्चेत असलेलं सावजी मटण नेमकं कसं बनतं? ‘ही’ आहे पारंपरिक रेसिपी

साहित्य:

• लसूण
• कांदा
• कोथिंबीर
• लिंबाचा रस
• तेल
• कलौंजी
• जिरं
• हळद
• हिंग
• लाल तिखट
• मीठ

कृती:

• बंगाली पद्धतीने लसूण भरीत बनवण्यासाठी सर्वप्रथम, कढईमध्ये तेल गरम करून घ्या. गरम तेलात लसूण पाकळ्या सोनेरी होईपर्यंत भाजून घ्या.
• त्यानंतर त्यात कांदा घालून लालसर होईपर्यंत भाजा. कांदा भाजून थंड करण्यासाठी ठेवा.
• त्याच कढईमध्ये पुन्हा एकदा तेल गरम करून वाळलेल्या लाल मिरच्या, कलौंजी, हिंग, हळद, जिरे घालून फोडणी करा आणि मंद आचेवर खरपूस भाजा.
• भाजलेल्या फोडणीमध्ये लसूण आणि कांदा घालून मिक्स करा आणि वरून लिंबाचा रस घाला.
• सगळ्यात शेवटी लाल तिखट आणि चवीनुसार मीठ टाकून सर्व साहित्य हाताने मॅश करून घ्या.
• तयार आहे सोप्या पद्धतीमध्ये बनवलेले बंगाली स्टाईल लसूण भरीत.

Web Title: How to make garlic bharta at home benefits of eating garlic

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com