रविवार, 6 सप्टेंबर 2026
सकाळी उठल्यानंतर नियमित प्या Beauty Shot! महिनाभरात त्वचेमध्ये दिसून येतील सकारात्मक बदल, चेहरा होईल उजळदार
Skin Care Tips: कामाच्या धावपळीमध्ये महिला स्वतःच्या आरोग्याची आणि त्वचेची जास्त काळजी घेत नाहीत. कौटुंबिक जबाबदाऱ्या, कामाचा वाढता ताण, पोषक घटकांची कमतरता, आहारात होणारे बदल, वाढते वय इत्यादी अनेक गोष्टींचा परिणाम महिलांच्या शरीरासोबतच आरोग्यावर सुद्धा लगेच दिसून येतो. त्यामुळे शरीर आणि त्वचेमध्ये होणाऱ्या बदलांकडे दुर्लक्ष न करता वेळीच उपचार करणे फार आवश्यक आहे. वारंवार त्वचेच्या वाढत्या समस्यांकडे दुर्लक्ष केल्यामुळे त्वचा खूप जास्त निस्तेज होऊन जाते आणि कितीही काही केल्यास त्वचेची गुणवत्ता लवकर सुधारत नाही. नियमितपणे पार्लरला जायला किंवा घरी कोणतेही स्किन केअर फॉलो करायला महिलांना अजिबात वेळ नसतो.(फोटो सौजन्य – istock)
कामाच्या धावपळीमधून स्वतःसाठी आणि त्वचेसाठी वेळ काढणे फार आवश्यक आहे. अन्यथा त्वचा पूर्णपणे निस्तेज होऊन जाते. चेहऱ्यावर आलेले पिंपल्स, सुरकुत्या आणि मोठे मोठे फोड घालवण्यासाठी बाजारातील महागड्या स्किन केअरचा वापर केला जातो. पण त्याऐवजी पचनक्रिया सुधारणे फार आवश्यक आहे. कारण बिघडलेल्या पचनक्रियेचा थेट परिणाम त्वचेवर दिसून येतो. त्यामुळे पचनक्रिया निरोगी असणे फार आवश्यक आहे. पचनक्रिया निरोगी राहिल्यास त्वचा आतून स्वच्छ आणि सुंदर दिसते.
ब्युटी शॉट्स बनवण्यासाठी एक ग्लास पाणी टोपात गरम करून त्यामध्ये किसून घेतलेलं आलं, तेजपान, काळीमिरी घालून टोपातील पाणी अर्धा होईपर्यंत पाण्याला उकळी काढा. पाण्याला उकळी आल्यानंतर गॅस बंद करून घ्या आणि पाणी गाळून घ्या. तयार केलेल्या शॉट्समध्ये गूळ किंवा मध घालून व्यवस्थित मिक्स करा आणि उपाशी पोटी प्या. यामुळे शरीर आतून स्वच्छ होण्यास मदत होईल. सकाळी उठल्यानंतर नियमित ब्युटी शॉट्स प्यायल्यास महिनाभरात बदल दिसून येतील आणि त्वचा सुद्धा चमकदार होईल. हे मिश्रण फ्रिजमध्ये स्टोर करून सुद्धा ठेवू शकता.
आल्याच्या रसात असलेले दाहक विरोधी गुणकारी घटक त्वचा आतून उजळदार करण्यास मदत करते. याशिवाय वाढत्या अपचनाच्या समस्या कमी करण्यासाठी आल्याचा रस प्यावा. तेजपानामध्ये स्किन ब्राईटनिंग गुणधर्म असतात, ज्यामुळे त्वचा आतून स्वच्छ होते आणि चेहऱ्यावरील चमक वाढून त्वचेच्या समस्या कमी होतात. त्वचेची गुणवत्ता सुधारण्यासाठी कायमच बाजारात उपलब्ध असलेल्या महागड्या स्किन केअरचा वापर करण्याची कोणतीही आवश्यकता नाही. स्वयंपाक घरात उपलब्ध असलेल्या पदार्थांचा वापर केल्यास त्वचा स्वच्छ होईल आणि चेहऱ्यावरील ग्लो वाढेल.
Ans: Beauty Shot म्हणजे त्वचेच्या आरोग्यासाठी उपयुक्त पोषक घटक असलेले छोटे हेल्दी ड्रिंक. यामध्ये फळे, भाज्या, मसाले किंवा इतर पौष्टिक घटकांचा वापर केला जाऊ शकतो.
Ans: पोषक घटक, जीवनसत्त्वे आणि अँटिऑक्सिडंट्स असलेले पेय संतुलित आहाराचा भाग म्हणून त्वचेच्या आरोग्यास मदत करू शकते. मात्र केवळ एका ड्रिंकने महिनाभरात निश्चितच त्वचा उजळेल असा दावा करता येत नाही.
Ans: पुरेसे पाणी पिणे, फळे-भाज्या आणि प्रथिनांनी युक्त संतुलित आहार घेणे, पुरेशी झोप घेणे आणि नियमित त्वचेची काळजी घेणे यामुळे त्वचेच्या आरोग्यास मदत होऊ शकते.
