रविवार, 18 ऑक्टोबर 2026
स्वयंपाक बनवताना तासनतास शेगडीजवळ राहील चेहरा काळा पडला आहे? पिग्मेंटेशन घालवण्यासाठी करा 'हे' उपाय
Skin Care Tip: त्वचेची काळजी घेण्यासाठी महिला सतत काहींना काही करत असतात. पण तरीसुद्धा चेहऱ्यावरील ग्लो कायम टिकून राहत नाही. चेहऱ्यावर आलेले पिंपल्स, टॅनिंग किंवा काळे डाग केवळ उन्हात फिरल्यामुळे नाहीतर तासनतास शेगडीजवळ उभे राहून सुद्धा येण्याची शक्यता असते. यावर अनेक लोक विश्वास ठेवत नाहीत. पण गॅसच्या उष्णतेमुळे त्वचेचे नुकसान होते आणि चेहऱ्यावर काळे डाग येतात. त्वचा काळी पडल्यानंतर किंवा निस्तेज झाल्यानंतर महागड्या क्रीम, महागड्या स्किन ट्रीटमेंट करून त्वचेची काळजी घेतली जाते. पण तरीसुद्धा चेहऱ्यावर हवा तसा ग्लो येत नाही. त्वचा निस्तेज आणि खूप थकल्यासारखी वाटते.(फोटो सौजन्य – istock)
सनस्क्रीन किंवा मॉइश्चरायझर न लावता शेगडीजवळ उभं राहिल्यामुळे पिगमेंटेशन वाढू शकतात. गॅसमधून बाहेर पडणाऱ्या उष्णतेमधून इन्फ्रारेड रेडिएशन बाहेर पडतात. गॅसच्या उष्णतेमुळे त्वचेचे तापमान वाढते आणि त्वचेच्या पेशी मेलानोसाइट्स उत्तेजित होते. शरीरात जास्त प्रमाणात मेलानिन तयार होण्यास सुरुवात झाल्यानंतर चेहऱ्यावर काळे डाग किंवा वांग येऊन त्वचेचे नुकसान होण्याची जास्त शक्यता असते. याशिवाय चेहऱ्यावर अकाली वृद्धत्व येणे, बारीक रेषा पडणे आणि त्वचा निस्तेज होणे इत्यादी लक्षणे दिसू लागतात. चला तर जाणून घेऊया चेहऱ्यावर वाढलेले काळे डाग आणि पिगमेंटेशन कमी करण्यासाठी उपाय.
सर्वच ऋतूंमध्ये चेहऱ्यावर सनक्रीन लावावे. सनस्क्रीन केवळ उन्हापासून नाहीतर स्वयंपाक घरातील उष्णतेपासून त्वचेचे रक्षण करते. सनस्क्रीनमध्ये असलेले झिंक ऑक्साईड आणि आयर्न ऑक्साईड युक्त त्वचेचे हानिकारक किरणांपासून रक्षण करते. उष्णतेविरुद्ध एक मजबूत भिंत तयार करण्यासाठी नियमित चेहऱ्यावर सनस्क्रीन लावावे. तसेच स्किन केअर रुटीन फॉलो करताना सनस्क्रीन लावण्याच्याआधी विटामिन सी आणि नियासिनमाइड सारख्या अँटीऑक्सिडंट सीरमचा वापर करावा. यामुळे काळे डाग कमी होण्यास मदत होते.
दिवसातून ३ ते 4 लिटर पाणी पिल्याचे काय आहेत फायदे? जाणून घ्या चांगल्या आरोग्याचा रामबाण उपाय
तासनतास गॅसजवळ उभे राहून काम करत असाल तर स्वयंपाक झाल्यानंतर त्वचेवर थंड पाण्याचा हबका मारावा किंवा बर्फाने त्वचा शेकवावी. यामुळे त्वचेमध्ये वाढलेली उष्णता कमी होते. त्वचेवर खूप जास्त प्रमाणात काळे डाग किंवा वांग दिसू लागल्यास कोणतेही उपाय करण्याऐवजी थेट डॉक्टरांचा सल्ला घेऊन उपचार करावेत. हायपरपिगमेंटेशन कमी करण्यासाठी सुरक्षित औषधोपचार आणि प्रगत प्रोसिजर्स बाजारात उपलब्ध आहेत. चुकीच्या प्रॉडक्टचा वापर केल्यामुळे त्वचा खूप जास्त खराब होण्याची शक्यता असते.
