Poha Recipe: पोहे चिकट होतात? मग मऊ आणि मोकळे पोहे बनवण्यासाठी फॉलो करा ‘या’ सोप्या टिप्स, वाचा रेसिपी

Soft Poha Recipe: तुम्हालाही नाश्त्याला परफेक्ट मोकळे आणि मऊ पोहे बनवायचे असेल तर ही रेसिपी नक्की ट्राय करा.

• पोहे चिकट होतात?
• फॉलो करा ‘हे’ सोपे टिप्स
• पोहे होतील मोकळे अन् मऊ

महाराष्ट्रातील अनेक घरांमध्ये सकाळच्या नाश्त्यासाठी पोहे हा पदार्थ बनवला जातो. हलके, चविष्ट आणि पटकन तयार होणारे पोहे आरोग्यासाठीही फायदेशीर असतात. मात्र, अनेकदा पोहे बनवताना ते चिकट होतात किंवा कडक होतात. त्यामुळे पोह्यांचा स्वाद खराब होतो. जर तुम्हालाही मोकळा आणि मऊ पोहा बनवायचा असेल, तर काही सोप्या टिप्स फॉलो करणे गरजेचे आहे. सकाळच्या नाश्त्याला परफेक्ट पोहे बनवण्यासाठी ही रेसिपी नक्की ट्राय करा.

Weight Loss Tips: जिमशिवायही होईल वजन कमी! दररोजच्या ‘या’ हेल्दी सवयी ठरतील गेमचेंजर

पोहे बनवण्यासाठी लागणारे साहित्य

• २ कप जाड पोहे
• १ मोठा कांदा (बारीक चिरलेला)
• २ हिरव्या मिरच्या
• ८-१० शेंगदाणे
• १/२ चमचा मोहरी
• १/२ चमचा जिरे
• कढीपत्ता
• १/४ चमचा हळद
• चवीनुसार मीठ
• १ चमचा साखर
• १ चमचा लिंबाचा रस
• कोथिंबीर
• २ चमचे तेल

पोहे बनवण्याची कृती:

सर्वप्रथम पोहे चाळणीत घ्या आणि पाण्याखाली १-२ वेळा धुवा. पोहे जास्त वेळ पाण्यात भिजवू नका. अन्यथा ते चिकट होऊ शकतात. धुतल्यानंतर ५ मिनिटे तसेच ठेवा, जेणेकरून पोहे मऊ होतील. कढईत तेल गरम करा आणि शेंगदाणे कुरकुरीत होईपर्यंत भाजून घ्या. नंतर ते बाजूला काढून ठेवा. यामुळे पोह्यांना छान क्रंच येतो. त्याच तेलात मोहरी, जिरे, कढीपत्ता आणि हिरव्या मिरच्या टाका. मोहरी तडतडल्यावर त्यात कांदा घालून हलका गुलाबी होईपर्यंत परतून घ्या. आता यामध्ये हळद आणि मीठ घाला. त्यानंतर पोहे हलक्या हाताने मिसळा. जास्त ढवळू नका, अन्यथा पोहे तुटू शकतात आणि चिकट होतात. आता त्यात भाजलेले शेंगदाणे, साखर, लिंबाचा रस आणि कोथिंबीर घाला. झाकण ठेवून २ मिनिटे मंद आचेवर वाफ येऊ द्या. मग गरमागरम पोहे सर्व्ह करा.

परफेक्ट पोह्यासाठी खास टिप्स

नेहमी जाड पोहे वापरा. पातळ पोहे लवकर चिकट होतात.
पोहे धुतल्यानंतर लगेच शिजवू नका, थोडा वेळ मऊ होण्यासाठी ठेवा.
पोहे जास्त वेळ गॅसवर ठेवू नका.
शेवटी लिंबाचा रस घातल्याने चव अधिक वाढते.
पोहे ढवळताना हलक्या हाताने मिसळा.

Hair Care Tips: खाज, घाम आणि कोंडा… उन्हाळ्यातील केसांच्या समस्या होतील दूर, फक्त करा ‘हे’ सोपे उपाय