Sunday Special : विकेंड स्पेशल नवी रेसिपी ट्राय करायचीये? मग घरी बनवा रेस्टाॅरंट स्टाईल ‘मटण चाॅप’

Mutton Chop Recipe : मासांहार लव्हर्ससाठी मटण चाॅप एक टेस्टी डिश आहे. यात मटणाच्या तुकड्यांना मसाल्यात मॅरिनेट करुन खमंग भाजले जाते. हा एक स्टाटर्सचा प्रकार असून अनेक रेस्टाॅरंटमध्ये याला फार मागणी असते.

(फोटो सौजन्य: Pinterest)

Follow Us:

Follow Us:

• मटण चाॅप हा एक स्टाटर्सचा प्रकार आहे.
• मटणाला मॅरिनेट करुन त्याला खमंग भाजून ही डिश तयार केली जाते.
• याची रेसिपी सोपी असून घरी तुम्ही सहज हा पदार्थ तयार करु शकता.

Vatpournima 2026 : उपवासाला घरी बनवा कुरकुरीत आणि खमंग चवीचे ‘साबुदाणा वडे’, रेसिपी नोट करा

साहित्य

• ८–१० मटण चॉप (सुमारे ७५० ग्रॅम)
• १/२ कप घट्ट दही
• २ टेबलस्पून आलं-लसूण पेस्ट
• १ टेबलस्पून लाल तिखट
• १ टेबलस्पून काश्मीरी लाल तिखट
• १ टीस्पून हळद
• १ टीस्पून धणेपूड
• १ टीस्पून जिरेपूड
• १ टीस्पून गरम मसाला
• १ टीस्पून काळी मिरी पूड
• १ टेबलस्पून लिंबाचा रस
• २ टेबलस्पून भाजलेले बेसन
• १ टेबलस्पून तांदळाचे पीठ किंवा कॉर्नफ्लोअर
• चवीनुसार मीठ
• २–३ टेबलस्पून तेल किंवा तूप
• सजावटीसाठी कांद्याच्या चकत्या
• लिंबाचे तुकडे
• बारीक चिरलेली कोथिंबीर
• हिरवी चटणी (सर्व्ह करण्यासाठी)

कृती

• मटण चॉप स्वच्छ धुऊन त्यावरील अतिरिक्त पाणी पूर्णपणे निथळून घ्या. चॉपवर हलके कट मारल्यास मसाला आतपर्यंत मुरतो.
• एका मोठ्या भांड्यात दही, आलं-लसूण पेस्ट, लाल तिखट, काश्मीरी तिखट, हळद, धणेपूड, जिरेपूड, गरम
• मसाला, काळी मिरी पूड, लिंबाचा रस, बेसन, तांदळाचे पीठ आणि मीठ एकत्र करून गुळगुळीत मॅरिनेशन तयार करा.
• हे मॅरिनेशन मटण चॉपला सर्व बाजूंनी नीट लावून किमान ४ तास किंवा शक्य असल्यास रात्रभर फ्रिजमध्ये मुरत ठेवा.
• मुरवलेले मटण प्रेशर कुकरमध्ये थोडे पाणी घालून ३ ते ४ शिट्ट्या होईपर्यंत शिजवा. मटण मऊ झाले पाहिजे,
• मात्र तुकडे तुटणार नाहीत याची काळजी घ्या.
• तवा गरम करून त्यावर तेल किंवा तूप घाला. शिजवलेले मटण चॉप मध्यम आचेवर दोन्ही बाजूंनी सोनेरी रंग येईपर्यंत आणि खरपूस होईपर्यंत भाजा.
• शेवटी वरून थोडे तूप किंवा बटर लावल्यास चव अधिक खुलते. इच्छेनुसार चिमूटभर चाट मसाला भुरभुरवा.
• हिरव्या चटणीसोबत तुम्ही मटण चाॅपला गरमागरम खाण्यासाठी सर्व्ह करु शकता.

Web Title: Sunday special make restaurant style mutton chops at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com