आतड्यांमध्ये चिकटून राहिलेला विषारी मल बाहेर पडून जात नाही? मग उपाशी पोटी नियमित खा ‘हे’ पदार्थ, बद्धकोष्ठता होईल मुळांपासून नष्ट

शर्लिन चोप्राने घेतला ब्रेस्ट इम्प्लांट काढून टाकण्याचा निर्णय! Breast Implants काढून टाकल्यानंतर शरीरात दिसून येतात ‘हे’ महाभयंकर

काहींना जेवल्यानंतर लगेच झोपण्याची सवय असते. पण ही सवय शरीरासाठी अतिशय घातक ठरते. लगेच झोपल्यामुळे शरीरात अन्न पचन होण्याऐवजी तसेच साचून राहते. अन्नाचे कण साचून राहिल्यामुळे पोटात वेदना होणे, अपचन आणि आंबट ढेकर येण्याची जास्त शक्यता असते. म्हणूनच आज आम्ही तुम्हाला आतड्यांमध्ये साचून राहिलेले विषारी घटक बाहेर काढून टाकण्यासाठी कोणत्या पदार्थांचे सेवन करावे, याबद्दल सविस्तर माहिती सांगणार आहोत. या पदार्थांमध्ये असलेल्या फायबरमुळे पचनक्रिया सुधारून आतड्यांची हालचाल कायमच सुलभ राहील. थंडीच्या दिवसांमध्ये शरीर निरोगी ठेवण्यासाठी घरगुती उपाय प्रभावी ठरतात.

पचनक्रिया सुधारण्यासाठी आहारात करा ‘या’ पदार्थांचे सेवन:

थंडीच्या दिवसांमध्ये सकाळी उठल्यानंतर उपाशी पोटी कोमट पाण्याचे सेवन करावे. कोमट पाण्याचे सेवन केल्यामुळे आतड्यांमध्ये साचून राहिलेली घाण बाहेर पडून जाण्यास मदत होईल. कोमट पाण्याच्ये सेवनामुळे आतड्यांची हालचाल वाढते आणि पोट मोकळे होऊन शरीरातील घाण बाहेर पडून जाते. थंडीच्या दिवसांमध्ये फायबर असलेल्या पदार्थांचे सेवन करावे. फायबर युक्त पदार्थ शरीरातील विषारी घटक बाहेर काढून टाकतात. ओट्स, मुगाची खिचडी, गाजर, बीट, सफरचंद, पपई, केळी, हिरव्या भाज्या आणि सूप इत्यादी पदार्थांचे सेवन केल्यास शरीर कायमच निरोगी राहील. रात्रीच्या जेवणात मसालेदार, तेलकट आणि पचनास जड असलेल्या पदार्थांचे अजिबात सेवन करू नये.

आतड्यांमध्ये साचून राहिलेले विषारी घटक बाहेर काढून टाकण्यासाठी आलं–जिरे–ओवा इत्यादी पदार्थांपासून बनवलेला काढा प्यावा. एका टोपात पाणी गरम करण्यासाठी ठेवा. त्यानंतर पाण्यात जिरं, ओवा आणि किसलेले आलं घालून पाणी उकळवून घ्या. १५ मिनिटं मंद आचेवर काढा शिजवून झाल्यानंतर गॅस बंद करा. तयार केलेला काढा गाळून सेवन करावे. उपाशी पोटी काढा प्यायल्यास आतड्यांमधील घाण बाहेर पडून जाईल. कोमट पाण्यातून जिरं आणि ओव्याचे सेवन केल्यास आतड्यांची हालचाल सुलभ राहील आणि शरीर डिटॉक्स होईल.

मासिक पाळी येण्याआधी सतत चिडचिड होऊन रडू येत? ‘या’ कारणांमुळे शरीरात दिसून येतात गंभीर बदल, वेळीच लक्षणे ओळखून घ्या काळजी

थंडीत शरीराची पचनक्रिया मंदावते. त्यामुळे नियमित सकाळी उठल्यानंतर १०–१५ मिनिटे चालणे, हलका स्ट्रेचिंग, पोटाभोवती मसाज करावा. यामुळे शरीरातील घाण बाहेर पडून जाण्यासोबतच वाढलेले वजन कमी होते. बद्धकोष्ठता, पोटदुखी आणि शौचास जोर लावण्याच्या सर्वच समस्यांपासून आराम मिळवण्यासाठी घरगुती पदार्थांचे सेवन करावे. पोट व्यवस्थित स्वच्छ झाल्यास संपूर्ण दिवस आनंदात जाईल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या