महाराष्ट्राचा पारंपरिक नाश्ता, झटपट घरी बनवा खरपूस भाजलेलं धिरडं; चवीसह आरोग्यासाठीही फायदेशीर आहे ही रेसिपी

"धिरड" हे चवदार, पौष्टिक आणि कमी वेळात तयार होणारा महाराष्ट्रीयन पारंपरिक नाश्ता आहे. मऊ आणि खरपूस भाजून तयार केलेलं धिरडं सकाळच्या नाश्त्यासाठी एक उत्तम पर्याय आहे.

(फोटो सौजन्य: Youtube)

Follow Us:

Follow Us:

नवनवीन रेसिपीजच्या शोधात आज आम्ही तुमच्यासाठी महाराष्ट्राच्या पारंपारिक नाश्त्याची रेसिपी घेऊन आलो आहोत ज्याचे नाव आहे धिरडं. हा एक झटपट तयार होणारा पदार्थ आहे जो सकाळच्या नाश्त्यासाठी एक उत्तम पर्याय ठरतो. धिरड म्हणजे साधारणतः पातळसर थालीपीठासारखं असतं, जे भाजणी, तांदळाचं पीठ, किंवा गव्हाच्या पिठातून बनवलं जातं. सकाळचा नाश्ता किंवा हलकंफुलकं रात्रीचं जेवण म्हणून धिरडी खूपच लोकप्रिय आहेत. ह्यात वेगवेगळ्या भाज्या, मसाले घालून चवीनुसार बदल करता येतो.

लहान मुलांच्या डब्यासाठी झटपट बनवा भाजलेल्या शिमला मिरचीची चटणी, नोट करून घ्या पदार्थ

अनेकदा आपण हेल्दी पदार्थांच्या नादात सँडविच, सॅलड अशा पाश्चात्य पदार्थांकडे वळतो पण आपले महाराष्ट्रीयन पदार्थच इतके पौष्टिक असतात ज्याकडे आपले लक्षच जात नाही. धिरडे देखील एक असाच पौष्टीक नाश्ता आहे ज्याचा तुम्ही आपल्या आहारात समावेश करू शकता. खरपूस भाजलेल्या या धिरड्यांची चव तुम्हाला हे खाण्यापासून रोखू शकणार नाही, इतकी चविष्ट हिची चव लागते. चला जाणून घेऊया यासाठी लागणारे साहित्य आणि कृती.

साहित्य

• भाजणी पीठ / नाचणी पीठ / गहू पीठ – १ कप
• कांदा – १ (बारीक चिरलेला)
• हिरवी मिरची – १-२ (बारीक चिरून)
• कोथिंबीर – २ टेबलस्पून (बारीक चिरलेली)
• हळद – ¼ टीस्पून
• जिरे – ½ टीस्पून
• मीठ – चवीनुसार
• पाणी – लागेल तसं (बॅटरसाठी)
• तेल – शेकण्यासाठी

कृती:

• धिरडं बनवण्यासाठी सर्वप्रथम एका बाउलमध्ये भाजणी/पीठ, हळद, मीठ, जिरे, मिरची, कांदा, कोथिंबीर घालून सगळं एकत्र करा.
• यांनतर त्यात थोडं थोडं पाणी घालून मध्यम पातळसर बॅटर बनवा वा गरम करून त्यावर थोडं तेल टाका.
• एक लाडूभर बॅटर तव्यावर ओता आणि गोलसर पसरवा (डोश्यासारखं).
• मध्यम आचेवर झाकण ठेवून १-२ मिनिटं शिजवा. नंतर उलटवून दुसऱ्या बाजूनेही खरपूस भाजा.
• दोन्ही बाजूने तेल लावून खरपूस भाजा.
•  गरम गरम धिरडी लोणचं, चटणी किंवा ताकासोबत खाण्यासाठी सर्व्ह करा .
• अधिक पौष्टिक बनवण्यासाठी बारीक चिरलेली मेथी, पालक, कोबीसुद्धा घालू शकता.
• झटपट नाश्त्यासाठी हा एकदम उत्तम पर्याय आहे, या पारंपरिक नाश्त्याने तुम्ही तुमच्या सकाळची सुरुवात करू शकता.

Web Title: Traditional breakfast of maharashtra know how to make tasty dhirde at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com