पावसाळ्यात UTI आणि योनीमार्गाच्या संसर्गामध्ये वाढ, काय आहेत लक्षणे

UTI Infection in Monsoon: हवेतील ओलसरपणा आणि आर्द्रता जीवाणूंच्या वाढीसाठी अनुकूल वातावरण तयार करते, ज्यामुळे यूटीआय संसर्गाची शक्यता वाढते. याबाबत नक्की काय लक्षणे आहेत याचे स्पष्टीकरण डॉक्टरांनी दिले आहे.

पावसाळ्यातील UTI इन्फेक्शन (फोटो सौजन्य - iStock)

Follow Us:

Follow Us:

पावसाळ्यात मूत्रमार्गाचे संक्रमण (UTIs) आणि योनीमार्गाचे संक्रमणात वाढ होत असल्याचे दिसून येते. पावसाळ्यात केवळ जठरासंबंधी समस्याच उद्भवत नाहीत तर मूत्रमार्गाचे संक्रमण (यूटीआय) आणि योनीमार्गासंबंधीत संक्रमण देखील उद्भवते. 

हवेतील ओलसरपणा आणि आर्द्रता जीवाणूंच्या वाढीसाठी अनुकूल वातावरण तयार करते, ज्यामुळे यूटीआय संसर्गाची शक्यता वाढते. याबाबत डॉ. किरण कोएल्हो, वरीष्ठ स्त्रीरोग तज्ज्ञ, लीलावती हॉस्पिटल यांनी अधिक माहिती दिली आहे. 

UTI इन्फेक्शन म्हणजे काय?

युटीआय इन्फेक्शन म्हणजे नेमके काय (फोटो सौजन्य – iStock)

युरिनरी ट्रॅक्ट इन्फेक्शन किंवा युटीआय (UTI) अर्थात मूत्रमार्गाला होणारा विषाणू संसर्ग मूत्रमार्ग प्रणालीमधील मूत्रपिंड (किडनी), मूत्राशय (ब्लॅडर) आणि मूत्रमार्ग (युरेथ्रा) यापैकी कोणत्याही भागाला होऊ शकतो. लघवी सहसा निर्जंतुक असते. पण विषाणू मूत्रमार्गात प्रवेश करतात, तिथेच राहतात आणि वाढतात 

काय आहेत लक्षणे?

UTI ची लक्षणे कोणती (फोटो सौजन्य – iStock)

यामुळे वारंवार लघवी होणे, लघवी होताना वेदना होणे, तीव्र वास येणे, ताप, ओटीपोटात वेदना आणि काही दुर्मिळ केसेसमध्ये लघवीमध्ये रक्त येणे यासारखी लक्षणे दिसून येतात. पुरुषांच्या तुलनेत महिलांना या संसर्गाचा धोका अधिक असतो. मोठ्या संख्येने महिलांना वारंवार युटीआयचा त्रास होऊ शकतो ज्यामुळे त्यांची मानसिक शांतता हिरावली जाते. 

पावसाळ्यात अधिक त्रास 

पावसाळ्यामुळे महिलांमध्ये रोगप्रतिकारक शक्ती कमी होते आणि त्यांना यूटीआय संसर्ग होण्याची शक्यता अधिक असते. अस्वच्छता, घट्ट तसेच सिंथेटिक पॅंटीजचा वापर, रसायनांनीयुक्त उत्पादनांचा वापर करणे हे युटीआय समस्येला आमंत्रण देऊ शकते. शौचालयाचा वापर केल्यावर स्त्रिया मागून पुढच्या बाजूस पुसतात तेव्हा आतड्यातील जीवाणू मूत्रमार्गात पसरतात. पावसाळ्यात यूटीआय संसर्ग टाळण्यासाठी अत्यंत सावधगिरी बाळगणे आवश्यक असल्याची प्रतिक्रिया लीलावती हॉस्पिटलच्या वरीष्ठ स्त्रीरोगतज्ज्ञ डॉ. किरण कोएल्हो यांनी स्पष्ट केले.

कसा करावा बचाव?

UTI इन्फेक्शन टाळण्यासाठी काय काळजी घ्यावी (फोटो सौजन्य – iStock)

• युटीआय आणि इतर योनीमार्गाच्या संसर्गापासून बचाव करण्यासाठी पुरेसे पाणी पिऊन शरीर हायड्रेटेड राखणे तसेच लघवी रोखून न धरणे आणि मूत्राशय रिकामे करण्याचा प्रयत्न करा
• सैलसर आणि सुती अंतर्वस्त्र वापरा
• योनीमार्गाची चांगली स्वच्छता राखा
• डाऊचिंग किंवा मागून पुढच्या दिशेने पुसणे टाळा
• या नाजूक भागात रसायनिक उत्पादनांचा वापर टाळा
• प्रोबायोटिक्स खाऊ नका
• ओले किंवा घामाचे कपडे ताबडतोब बदला आणि सार्वजनिक स्वच्छतागृहे वापरताना काळजी घ्या
• प्रत्येक 4-5 तासांनंतर सॅनिटरी पॅड आणि टॅम्पन्स न चुकता बदला आणि योनिमार्गाची जागा धुतल्यानंतर ती कोरडी करायला विसरु नका
• आम्लयुक्त पदार्थ आणि पेयांचे सेवन टाळा जसे की चहा, कॉफी आणि सोडा ज्यामुळे मूत्राशयाची जळजळ होते
• पावसाळ्यात प्युबिक क्षेत्रावरील केस काढणे हेदेखील धोकादायक असू शकते कारण यामुळे एखाद्याला योनीमार्गाच्या संसर्गाचा त्रास होऊ शकतो 

Web Title: Uti due to infection in the rectum and vagina in monsoon what are the symptoms and how to prevent

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com