वरुण धवनच्या दीड वर्षांच्या मुलीचं झालं ‘हिप डिस्प्लेसिया’चं ऑपरेशन, नक्की काय आहे हा आजार? जाणून घ्या

वरुण धवनने आपल्या मुलीला Hip Dysplasia हा आजार असल्याचा खुलासा केला असून या आजाराविषयी फारशी कुणाला माहिती नाही. हा आजार बहुतेकवेळी नवजात शिशुंंमध्ये आढळून येतो.

• अभिनेता वरुण धवनच्या मुलीला जन्मापासूनच हिप डिस्प्लेसियाचा आजार जडला होता.
• हिप डिस्प्लेसिया हा नितंबाच्या सांध्याचा आजार असून हाड नीट बसत नाही, त्यामुळे चालताना त्रास होतो.
• हा आजार बहुतेक जन्मतः किंवा अनुवांशिक कारणांमुळे होतो; मुलींमध्ये धोका जास्त असतो.

बाॅलिवूड अभिनेता वरुण धवन आपल्या चित्रपटांमुळे नेहमीच चर्चेत असतो. मागील वर्षीच वरुण बाबा झाला आणि त्याच्या घरी एक छोट्या चिमुकलीचे आगमन झाले. अशात अलिकडेच आपल्या मुलीविषयी वरुण एक धक्कादायक खुलासा केला आहे. त्याने स्पष्ट केलं की, त्याची मुलगी लारा ही हिप डिस्प्लेसिया नावाच्या आजाराने ग्रस्त आहे. एका पॉडकास्टमध्ये त्याने याविषयीची माहिती दिली.

बिंज इटिंग म्हणजे काय? सतत ‘खाण्याचा’ आजार शरीरासाठी ठरेल धोक्याचा, जाणून घ्या सविस्तर माहिती

वरुणने सांगितले की, लारा दिड वर्षांची असताना डाॅक्टरांनी तिला हिप डिस्प्लेसिया नावाचा आजार असल्याचे निदान केले. या आजारामुळे तिला चालण्यात आणि धावण्यात अडचण निर्माण होत होती. पण यात काळजी चांगली गोष्ट ही झाली की, या आजारापासून मुक्ती मिळवण्यासाठी तिची एक शस्त्रक्रिया आली जी पुढे यशस्वी झाली.ऑपरेशननंतर आता लाराची परिस्थिती हळूहळू ठिक होत आहे. दरम्यान आता हा आजार नक्की आहे तरी काय याविषयी अनेकांच्या प्रश्न निर्माण झाले आहेत. आपण या आजाराविषयीच सविस्तर माहिती या लेखात जाणून घेणार आहोत.

हिप डिस्प्लेसिया म्हणजे काय?

हिप डिस्प्लेसिया नितंबाच्या सांध्याची म्हणजेच हिप जाॅईंटची एक विकृती आहे ज्यात मांडीचे हाड आपले नितंब (हिप) बॉल आणि सॉकेटसारखे काम करतात, ज्यात मांडीचे हाड (फिमर) नितंबाच्या हाडात नीट बसते. पण हिप डिस्प्लेसिया मध्ये हे हाड नीट बसत नाही किंवा खाच उथळ असते. यालाच डेव्हलपमेंटल डिस्प्लेसिया म्हटले जाते. हा आजार सहस जन्मापासूनच येतो ज्यामुळे चालताना लंगडणे किंवा वेदना होऊ शकतात. हा आजार शस्त्रक्रियेने दूर केला जाऊ शकतो.

मुलांमध्ये याची प्रमुख लक्षणे काय?

चालताना किवां धावताना वेदना होणे ज्यामुळे मुलं लंगडत चालू लागतात.
दोन्ही पायांच्या लांबीत फरक असल्याचे दिसून येते. एक पाय लहान तर एक मोठा असतो.
खुब्याचा (सॉकेट) सांधा खूप सैल किंवा अस्थिर आहे.
नितंब किंवा मांडीच्या वरच्या भागात (कंबरेच्या पुढच्या भागात) वेदना होऊ लागतात.

आजाराचे मूळ कारण?

हा आजार बहुतेकवेळी जन्मापासूनच निर्माण होतो. कधीकधी गर्भाशयातील गर्भाच्या स्थितीमुळे त्याच्या नितंबांवर सतत दाब पडतो, ज्यामुळे हाडांचा योग्य विकास होत नाही. याव्यतिरिक्त हा आजार अनुवांशिक देखील असू शकतो. जर तुमच्या कुटुंबात एखाद्या व्यक्तीला पूर्वी हा आजार झाला असेल तर येणाऱ्या मुलावरही याचा परिणाम दिसून येण्याची शक्यता असते. हा आजार तसा कुणालाही होऊ शकतो पण मुलींमध्ये याचा जास्त धोका आढळून येतो. शिवाय उजव्या नितंबापेक्षा डाव्या नितंबावर परिणाम होण्याची शक्यता अधिक असते.

Recipe : लहान मुलं सारखी पिझ्झाचा हट्ट करतायेत? मग विकतचा नको, घरीच बनवा हेल्दी ‘रव्याचा पिझ्झा’

आजाराचा धोका केव्हा लक्षात येतो?

अनेक प्रकरणांमध्ये जन्मानतंरच्या पहिल्या सहा महिन्यांनंतर नियमित तपासणीदरण्यान डाॅक्चर या आजाराचे निदान करतात. पालकांना घरी बसून याची लक्षणे ओळखता येणे जर कठीण असते. तथापि, काही साैम्य प्रकरणांमध्ये हा आजार जन्मानंतर नाही तर पुढे जाऊन किंवा वृद्धत्वात देखील दिसून येऊ शकतो.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.