गोळीबार करण्याच्या आधी गायकवाड यांच्या मुलाला डिवचण्याचा प्रयत्न ?; दुसरा CCTV व्हायरल

पोलिस ठाण्यात भाजप आमदार गणपत गायकवाड यांच्याकडून गोळीबार केल्याच्या आधीच्या घटनेचा सीसीटीव्ही समोर आला आहे.

Follow Us:

Follow Us:

ठाणे : पोलिस ठाण्यात भाजप आमदार गणपत गायकवाड यांच्याकडून गोळीबार केल्याच्या आधीच्या घटनेचा सीसीटीव्ही समोर आला आहे. त्या सीसीटीव्ही फूटेजमध्ये आमदारांचा मुलगा वैभव गायकवाड हा वरिष्ठ पोलिस निरिक्षकांच्या केबीनमधून बाहेर पडताना दिसत आहे. शिवसेना शहर प्रमुख महेश गायकवाड यांचे कार्यकर्ते काही तरी बोलत आहेत. वैभव गायकवाडला डिवचण्याचा प्रयत्न करीत असल्याचे दिसून येत आहे.

उल्हासनगर हिल लाईन पोलिस ठाण्यात भाजप आमदार गायकवाड यानी शिवसेना शहर प्रमुख महेश गायकवाड यांच्यासह त्यांचा साथीदार राहूल पाटील यांच्यावर गोळीबार केला होता. हा धक्कादायक सीसीटीव्ही बाहेर आला होता आत्ता वरिष्ठ पोलिस निरिक्षक अनिल जगताप यांच्या केबीन बाहेरचा सीसीटीव्ही समाेर आला आहे.

यामध्ये वैभव गायकवाड हे केबीनच्या बाहेर पडतात. तेव्हा महेश गायकवाड यांच्या कार्यकर्त्याकडून काही तरी बोलले जाते. यानंतर वैभव गायकवाड पुन्हा मागे वळतात. ते ही काही शिवसेनेच्या कार्यकर्त्यांना बोलतात. या दरम्यान दोन्ही गटाकडून धक्काबूक्की सुरु होते. पोलिसांकडून मध्यस्थीचा प्रयत्न केला जातो. हा सीसीटीव्ही समोर आल्यानंतर गोळीबार करण्याच्या आधी गायकवाड यांच्या मुलाला डिवचण्याचा प्रयत्न झाला होता का ? असा प्रश्न उपस्थित झाला आहे.

Web Title: An attempt to dissuade gaikwads son before firing another cctv viral nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com