अशोक खरात एसआयटी चौकशी मध्ये महिलांवर लैंगिक अत्याचार नाही तर विधीचा एक भाग असल्याचे म्हटले (फोटो - सोशल मीडिया)
Ashok Kharat News : नाशिक : अंधश्रद्धेच्या नावाखाली महिलांचा लैंगिक छळ करणारा भोंदूबाबा अशोक खरातचे रोज नवे कारनामे समोर येत आहेत. त्याने महिलांना धमकी देऊन त्यांच्यावर अनेकदा लैंगिक अत्याचार केल्याचे समोर आले आहे. तसेच मधविक्री, जादूटोणामधून त्याने अनेक गैरप्रकार (Crime News) केले आहेत. याची तपासणी SIT मार्फत केली जात आहे. या तपासामधून धक्कादायक खुलासे समोर येत आहेत. मी महिलांवर अत्याचार केले नाही तर सहमतीने सर्व केले असल्याचे वक्तव्य अशोक खरातने (Ashok Kharat) केले आहे.
न्यायालयाने अशोक खरातला २९ मार्चपर्यंत पोलीस कोठडी सुनावली आहे. तपासात खरात याने १५० हून अधिक महिलांचे लैंगिक शोषण केले असल्याचे समोर आले आहे. यानंतर एसआयटीसमोर त्याने वक्तव्य करत आपला बचाव करण्याचा प्रयत्न केला. अशोक खरात म्हणाला की, माझ्या अंतर्मनाने मला धोका दिला. यापुढे मी फक्त माझ्या मेंदूचेच ऐकणार. मी यांचे भले केले तेच माझ्यावर उलटले. महिलांसोबत केलेली कृती हा विधीचाच एक भाग होता. मी कुणावरही जबरदस्ती केलेली नाही, असा खळबळजनक दावा अशोख खरातने केला आहे.
हे देखील वाचा : Ashok Kharat HIV Test: 150हून अधिक महिलांचे शोषण, अशोक खरातची HIV Test…; काय आहे रिपोर्टमध्ये
खरात याने १५० हून अधिक महिलांचे लैंगिक शोषण केल्याचे उघड झाल्यानंतर काल पोलीस कोठडीतच त्याची HIV टेस्ट करण्यात आली. रिपोर्टनुसार त्याची HIV टेस्ट निगेटिव्ह आली आहे. महिलांचे भविष्य सांगण्याच्या आणि त्यांच्या जीवनातील अडचणी सोडवण्याच्या बहाण्याने १५० हून अधिक महिलांवर अत्याचार केल्याचे तपासात उघड झाले. त्यानंतर नाशिक पोलीस ठाण्यात ८ पैकी सात गुन्हे महिला अत्यचाराअंतर्गत दाखल करण्यात आले आहेत. गंभीर बाब म्हणजे ज्या महिला गुन्हा दाखल करण्यासाठी पुढे आल्या, त्या महिला वगळता इतर कोणत्याही महिला तक्रार करण्यासाठी पुढे आल्या नाहीत.
हे देखील वाचा : Nashik News: “मंदिरात ऊर्जा नाही; रातोरात पाडून टाका…”, वैजेश्वर मंदिराबाबत कॅप्टन खरातचा अजब सल्ला
खरातचा शस्त्र परवाना आणि कोट्यवधींची मालमत्ता
भोंदूबाबा अशोक खरातला शस्त्र परवाना मिळाला असल्याचे देखील समोर आले आहे. त्याला नाशिक जिल्हा प्रशासनानेच जप्त बंदुकीचा परवाना दिल्याचे समोर आले आहे. 15 ऑक्टोबर 2012 रोजी शस्त्र परवाना मंजूर झाला होता. 1 जानेवारी 2024 रोजी परवान्याचे नूतनीकरण झाल्याची नोंद आहे. चौकशीत अशोक खरातच्या फार्महाऊसवरून 21 काडतुसे जप्त करण्यात आली आहे. त्यापैकी 5 काडतुसे वापरलेली, वापर कशासाठी केला याचा तपास सुरू आहे. तसेच शिवानिका संस्थांचे बँक अकाऊंट सील करण्यात आले आहे. त्याच्या आणि कुटुंबाच्या नावावर असलेली मालमत्ता जप्त करण्यात आली आहे. यामधून मोठी मालमत्ता समोर येणार असल्याचे दिसून येत आहे.
