Ashok Kharat : “जावई नाही आला तरी मुलगी घरी आली पाहिजे…; अशोक खरातच्या सासूने फोडला टाहो

Ashok Kharat Case : नाशिकचा भोंदूबाबा अशोक खरात प्रकरणी अशोक खरातची सासू आणि कल्पना खरातची आई पार्वती शिंदे यांनी माध्यमांशी संवाद साधून भावना व्यक्त केल्या आहेत.

• अशोक खरातची सासूने साधला माध्यमाशी संवाद
• पार्वती शिंदे यांनी मुलगी (कल्पना खरात) परत यावी अशी अपेक्षा व्यक्त
• रडावं का गुपचूप बसावं? – पार्वती शिंदे

Ashok Kharat Case :नाशिक : अंधश्रद्धेचा वापर करुन महिलांवर लैगिंक अत्याचार करणारा नाशिकचा भोंदूबाबा अशोक खरातची सर्व काळी प्रकरण समोर येत आहेत. अशोक खरात प्रकरणाची एसआयटी चौकशी सुरु असून ईडीने देखील खरातला रडारवर घेतले. अशोक खरात आणि त्याच्या पत्नीला अटक करण्यात आली आहे. दरम्यान, अशोक खरातची सासू आणि कल्पना खरातची आई पार्वती शिंदे यांनी माध्यमांशी संवाद साधून भावना व्यक्त केल्या आहेत.

काय म्हणाल्या पार्वती शिंदे?

अशोक खरातची सासू असलेल्या पार्वती शिंदे यांनी त्यांना या काळ्या कामांबद्दल काहीही माहिती नाही. मात्र मुलगी घरी यावी असे मत व्यक्त केले. त्या म्हणाल्या की, “मला काहीच कोणी सांगत नाही आणि मी विचारतही नाही. मला खूप वाटतं, का म्हणून त्यांना कोंडलं? माझ्या पूर्ण खानदानात कधी असं झालं नाही. ही घटना का आणि कशी घडली मला माहित नाही आणि ज्यांना माहीत आहे ते काही सांगतात का?रडावं का गुपचूप बसावं?” असा प्रश्न पार्वती शिंदे यांनी उपस्थित केला.

हे देखील वाचा : “खरातसोबत राजकीय लोकांचेही व्हिडीओ आहेत का? रोहित पवारांच्या प्रश्नांने उंचावल्या भुवया

पुढे त्या म्हणाल्या की, “माझी मुलगी तर एकदम साधी आहे, ती कधी कोणाला काही बोलली नाही, काही केलं नाही. पण तिच्या काय कर्माला आलं? कधी सुटते काय माहित? ती कुठे आहे काहीच माहीत नाही. वाटतं लवकर यावं पण येतील का? जावई नाही आले तरी चालेल पण माझी मुलगी आली पाहिजे,” असे मत पार्वती शिंदे यांनी व्यक्त केले आहे..

पुढे पार्वती शिंदे म्हणाल्या की, “इथे फक्त मुलगा, मुलगी आणि पाहुणे आहेत. मी एक महिन्यापासून इथे आली आहे. काय चौकशी होते आम्हाला काही माहिती नाही. कल्पना कुठे आहे मला माहिती नाही. तिच्याशी फोनवर बोलणे झाले नाही. हे कधी थांबेल सांगता येत नाही. आता हे कधी संपेल काय माहीत? आमची मुलगी फक्त घरी आली पाहिजे. घरात सर्वजण भेदरलेले आहेत. मी तरी कशीबशी बाहेर येते पण बाकी कोणी येत नाही, असे पार्वती शिंदे यांनी सांगितली आहे.

हे देखील वाचा : सुनेत्रा पवार मुख्यमंत्री होणार? अजित पवारांचं स्वप्न पूर्ण होणार? खासदारांच्या वक्तव्याने चर्चांना उधाण

महिला लैंगिक शोषणप्रकरणी पोलीस कोठडीत असणाऱ्या खरातविरोधात नाशिक आणि अहिल्यानगर जिल्ह्यात आतापर्यंत 13 हून अधिक गुन्हे दाखल झाले आहेत. यातील नऊ गुन्ह्यांचा तपास एसआयटी तर उर्वरित गुन्ह्यांचा तपास स्थानिक पोलिसांकडून सुरू आहे. लैंगिक शोषणप्रकरणी दाखल प्रत्येक गुन्ह्याचा तपास मुदतीत, पुरावे गोळा करून करण्याचा एसआयटी सर्वतोपरी प्रयत्न करत असल्याचं या पथकाच्या प्रमुख तेजस्वी सातपुते यांनी स्पष्ट सांगितले आहे.