Bhandara News:शेतकऱ्यांची फवारणीसाठी धावपळ; खरीप पिकांवर कीडरोगांचे आक्रमण!  वाढत्या खर्चामुळे शेतकरी हतबल

किडींच्या वाढत्या प्रादुर्भावामुळे फवारणीच्या फेऱ्या वाढत आहेत आणि त्याचा थेट परिणाम उत्पादन खर्चावर होत आहे. मात्र, सरसकट औषधफवारणीऐवजी नियमित पाहणी आणि एकात्मिक कीड व्यवस्थापनाचा वापर केल्यास अनावश्यक खर्च टाळता येऊ शकतो.

• अनियमित पाऊस आणि ढगाळ वातावरणामुळे खरीप पिकांवर किडी व रोगांचा प्रादुर्भाव वाढण्याची शक्यता निर्माण झाली आहे.
• फवारणीच्या वाढत्या फेऱ्यांमुळे कीटकनाशके, मजुरी आणि यंत्रसामग्रीचा खर्च वाढत असल्याने शेतकरी आर्थिक अडचणीत सापडले आहेत.
• सरसकट रासायनिक फवारणीऐवजी नियमित पाहणी आणि एकात्मिक कीड व्यवस्थापनाचा अवलंब करणे शेतकऱ्यांसाठी महत्त्वाचे ठरणार आहे.

यंदा पावसाने सुरुवातीपासूनच शेतकऱ्यांची परीक्षा घेतली. पावसाचे आगमन लांबल्याने खरीप पेरणीला विलंब झाला. त्यानंतरही पावसात मोठे खंड पडले. परिणामी सध्या शेतात उभ्या असलेल्या धान, तूर, मूग, उडीद, कपाशी आणि वातावरणातील बदलांचा परिणाम जाणवू लागला आहे. विशेषतः कपाशी पिकात रसशोषक किडींच्या प्रादुर्भावाची स्थिती चिंताजनक होत असून, पिके वाचविण्यासाठी शेतकऱ्यांची फवारणीची लगबग सुरू आहे. ऑगस्ट-सप्टेंबरमधील पावसाची उघडीप आणि ढगाळ वातावरण धानावरील तुडतुड्यांसारख्या किडींच्या वाढीस पोषक ठरू शकते. सरासरीपेक्षा कमी पाऊस झाला आहे. पावसाचा खंड, त्यानंतरचे ढगाळ वातावरण आणि काही ठिकाणी वाढलेली आर्द्रता यामुळे धानपिकांवर कीड व रोगांचा प्रादुर्भाव वाढण्यास पोषक वातावरण तयार झाले आहे.

Bhandara News: बनावट डिझेल एक्झॉस्ट फ्लूइड विक्रीचा पर्दाफाश! तब्बल ७६,९०० हजारांचा मुद्देमाल जप्त

सोयाबीन, तूर आणि अन्य पिकांवरही पावसातील अनियमिततेचा परिणाम सोयाबीन आणि कडधान्य पिकांवरही होत आहे. शेतकऱ्यांनी कीटकनाशकांच्या फवारणीवर भर न देता शेताची नियमित पाहणी, तण नियंत्रण, योग्य अन्नद्रव्य व्यवस्थापन आणि पीक संरक्षणाच्या उपाययोजना करण्याची आवश्यकता आहे.

फवारणीच्या फेऱ्या वाढल्या; खर्चाचा भार : किडीचा प्रादुर्भाव दिसताच अनेक शेतकरी कीटकनाशकांच्या फवारण्या करीत आहेत. काही शेतांमध्ये एकापेक्षा अधिक फेऱ्या झाल्याचे शेतकरी सांगतात. महागड्या कीटकनाशकांमुळे उत्पादन खर्च वाढत आहे.

Bhandara News: बाजारपेठेवर चढला जन्माष्टमीचा रंग! मूर्तिकारांची लगबग; पूजासाहित्य, सजावटीच्या वस्तूंनी बाजार फुलला

कपाशी आणि सोयाबीनसारख्या मोठ्या क्षेत्रावरील पिकांवर फवारणी करण्यासाठी मजूर मिळणेही शेतकऱ्यांसमोरचे मोठे आव्हान आहे. फवारणीच्या हंगामात एकाच वेळी अनेक शेतकऱ्यांना मजुरांची आवश्यकता भासत असल्याने उपलब्ध मजुरांवर ताण येतो. त्यामुळे काही भागांत ड्रोनद्वारे फवारणी करण्याकडे शेतकऱ्यांचा कल वाढत आहे.

८८ किडीचा प्रादुर्भाव दिसताच सरसकट रासायनिक फवारणी करण्याऐवजी एकात्मिक कीड व्यवस्थापनाचा अवलंब करण्याची गरज आहे. शेतकऱ्यांनी पिकाची नियमित पाहणी करावी, प्रादुर्भावाची तीव्रता तपासावी, अनावश्यक फवारण्या टाळाव्यात आणि शिफारशीत कीटकनाशकांचा योग्य मात्रेत वापर करावा.