बॉलीवुडच्या जेष्ठ गायिका आशा भोसले यांच्यावर शिवाजी पार्क येथे अंत्यसंस्कार केले जाणार आहे (फोटो - सोशल मीडिया)
Asha Bhosle Funeral : मुंबई : आवाज सुमधूर आवाजाने बॉलीवुडवर सात दशके राज्य करणाऱ्या जेष्ठ गायिका सूरसम्राज्ञी आशा भोसले यांचे निधन झाले. त्यांची काल (दि.12 एप्रिल) रोजी प्राणज्योत मालावली. 11 एप्रिल रोजी आशा ताईंना ह्रदयविकाराचा झटका आला होता. याच्या 93 व्या वर्षी त्यांनी अखेरचा श्वास घेतला. सूरसम्राज्ञी आशा भोसले यांच्या निधनामुळे बॉलीवुडवर (Bollywood News) शोककळा पसरली आहे.. मुंबईच्या ब्रीच कँडी रुग्णालयात त्यांचे निधन झाले. आशा भोसले यांच्यावर आज शिवाजी पार्क येथे अंत्यसंस्कार होणार आहेत.
सूरसम्राज्ञी आशा भोसले यांच्यावर सायंकाळी 4 वाजता शिवाजी पार्क येथे शासकीय इतमामात अंत्यसंस्कार होणार आहेत. त्यापूर्वी आशाताईंचे पार्थिव त्यांच्या निवासस्थानी कॅसा ग्रॅंडे येथील घरी ठेवण्यात आले आहे. आशा भोसले यांच्या अंतिम दर्शनासाठी मुख्यमंत्री देवेंद्र फडणवीस यांच्यासह सर्व क्षेत्रातील दिग्गज उपस्थित झाले आहेत. आशा भोसले यांनी आपल्या जादूई आवाजने सर्वांच्या मनावर राज्य केले. त्यांचे संगीतसृष्टी, सिनेसृष्टी, नाटकसृष्टी, राजकारण, समाजकारण आणि क्रीडा अशा सर्वच क्षेत्रातील दिग्गजांसोबत ऋणानुबंध होते. आज प्रत्येक क्षेत्रातील व्यक्ती आशाताईंना अखेरचा निरोप देण्यासाठी दाखल झाला आहे.
हे देखील वाचा : सांगलीच्या ‘आशा’ अन् ऋणानुबंध! जन्मभूमीतून सुरू झालेला सुरांचा प्रवास जगभर
12 हजारहून अधिक गाणी गायलेल्या आशा भोसले यांनी भावगीत, भक्तिगीत आणि लावणीसारख्या विविध संगीतप्रकारांना नवे आयाम दिले. शास्त्रीय संगीतासाठी साथ त्यांनी कधी सोडली नाही. आशा भोसले यांनी अनेकांशी मायेचा स्नेह कायम ठेवला होता. त्यामुळे त्यांच्या अंत्यदर्शनासाठी चाहत्यांची गर्दी उसळली आहे. आज सकाळी 11 ते दुपारी 3 पर्यंत अंत्यदर्शनाची वेळ ठेवण्यात आली असून त्यांच्या घराबाहेर चाहत्यांची रीघ लागलेली पहायला मिळत आहे
मुख्यमंत्री देवेंद्र फडणवीस यांनी आशाताईंचे अंतिम दर्शन घेतले. त्याचबरोबर पंतप्रधान नरेंद्र मोदी यांच्यावतीने पुष्पचक्र अर्पण केले. त्याचबरोबर आशिष शेलार, राज ठाकरे, रितेश देशमुख, ए. आर. रहमान यासारख्या अनेक बॉलिवूड क्षेत्रातील, संगीत क्षेत्रातील अनेक दिग्गज कलाकार, गायक, संगीतकार यांच्यासह राजकारण्यांनी अंतिम दर्शन घेतले आहे.
हे देखील वाचा : अपूर्ण राहिली एक इच्छा! ‘आशाताई आणि ते Guitar…’, Tabu ची ‘ती’ पोस्ट येतेय चर्चेत
राज्य सरकारच्या वतीने आशा भोसले शासकीय सन्मानाने अखेरचा निरोप दिला जाणार असून पोलिस बंदोबस्त कडक करण्यात आला आहे. तसेच त्यांना कॅबिनेटमध्ये देखील आशा भोसले यांना श्रद्धांजली वाहिली जाणार आहे. मुंबई महानगर पालिकेकडून आशाताईंच्या अंत्यविधीची तयारी झाली आहे. अंत्यविधीच्या ठिकाणी 500 पेक्षा अधिक अतिमहत्वाचे लोकांच्या आसनाची व्यवस्था करण्यात आली आहे. तसेच शिवाजी पार्क येथील भागोजी किर स्मशानभूमीच्या आजूबाजूला LED स्क्रीनची व्यवस्थाही करण्यात आली आहे. तेथे LED स्क्रीन आणि साउंडवर आशाताईंचे गाणी लावून आठवणींना उजाळा दिला जाणार आहे.
