Washim News: कर्जमुक्तीचा दुसरा टप्पा; तब्बल १७ हजार शेतकऱ्यांना मिळाला १५० कोटींचा लाभ, ७, ४०४ आधार प्रमाणीकरण बाकी

Washim Farmer Loan Waiver: वाशिम जिल्ह्यात ‘पुण्यश्लोक अहिल्यादेवी होळकर शेतकरी कर्जमुक्ती योजना २०२६’च्या दुसऱ्या टप्प्यात १७ हजार ३२७ पात्र शेतकऱ्यांच्या खात्यात १५०.०५ कोटी रुपये जमा करण्यात आले आहेत. पहिल्या आणि दुसऱ्या टप्प्यात आतापर्यंत ४३ हजार ६६० शेतकऱ्यांना एकूण ३७४.९१ कोटी रुपयांचा कर्जमुक्तीचा लाभ मिळाला आहे.

• कर्जमुक्तीचा दुसरा टप्पा
• १७ हजार शेतकऱ्यांना मिळाला १५० कोटींचा लाभ
• ४६ हजार ६९८ शेतकऱ्यांचे आधार प्रमाणीकरण पूर्ण

वाशिम: राज्य शासनाच्या ‘पुण्यश्लोक अहिल्यादेवी होळकर शेतकरी कर्जमुक्ती योजना २०२६’ अंतर्गत दुसऱ्या टप्प्यात वाशिम जिल्ह्यातील १७ हजार ३२७ पात्र शेतकऱ्यांच्या खात्यात १५०.०५ कोटी रुपयांची रक्कम जमा करण्यात आली आहे. पहिल्या आणि दुसऱ्या टप्प्यात आतापर्यंत जिल्ह्यातील ४३ हजार ६६० पात्र शेतकऱ्यांच्या खात्यात एकूण ३७४.९१ कोटी रुपये करण्यात वर्ग आल्याची माहिती प्रशासनाने दिली. राज्य शासनाने २ जून रोजी ‘पुण्यश्लोक अहिल्यादेवी होळकर शेतकरी कर्जमुक्ती योजना २०२६ जाहीर केली होती. वाशिम जिल्ह्यातील ६९४ गावांमधील सेवा सहकारी संस्था (जिल्हा मध्यवर्ती बँक), राष्ट्रीयकृत, ग्रामीण तसेच खासगी बँकांमधील एकूण ५४ हजार १०२ पात्र लाभार्थी शेतकऱ्यांची यादी प्रसिद्ध करण्यात आली. शासनाने सोमवारी दुसऱ्या टप्प्यातील निधीचा तपशील जाहीर केला. या टप्प्यात आधार प्रमाणीकरण पूर्ण झालेल्या १७ हजार ३२७ पात्र शेतकऱ्यांना कर्जमुक्तीचा लाभ देण्यात आला. यामध्ये जिल्हा मध्यवर्ती सहकारी बँकेच्या ७ हजार ९१ शेतकऱ्यांना ५६.४३ कोटी रुपये, तर राष्ट्रीयकृत बँकांच्या १० हजार २३६ शेतकऱ्यांना ९३.६२ कोटी रुपये वितरित करण्यात आले.

तळेगाव-चाकण-शिक्रापूर मार्गाच्या दुरुस्तीला वेग; कामे दोन दिवसांत पूर्ण करण्याचे नियोजन

अॅग्रीस्टॅक पोर्टलवर शेतकऱ्यांची नोंदणी बंधनकारक

योजनेअंतर्गत अद्याप ७ हजार ४०४ पात्र लाभार्थी शेतकऱ्यांचे आधार प्रमाणीकरण बाकी आहे. अॅग्रीस्टैंक फार्मर आयडीची नोंदणी नसल्याने प्रमाणीकरण प्रलंबित आहे. योजनेचा लाभमिळविण्यासाठी अॅग्रीस्टैंक पोर्टलवर शेतकऱ्यांची नोंदणी असणे बंधनकारक आहे. प्रमाणीकरण बाकी असलेल्या शेतकऱ्यांनी आपला विशिष्ट क्रमांक आणि आधार क्रमांक घेऊन नजीकच्या ‘आपले सरकार सेवा केंद्रा’ला भेट द्यावी. अॅग्रीस्टैंक फार्मर आयडीची नोंदणी करून लवकरात लवकर आधार प्रमाणीकरण पूर्ण करावे, असे आवाहन जिल्हाधिकारी योगेश कुंभेजकर आणि जिल्हा उपनिबंधक माणिकराव लटपटे यांनी केले.

४६ हजार ६९८ शेतकऱ्यांचे आधार प्रमाणीकरण पूर्ण

वाशिम जिल्ह्यात आतापर्यंत ४६ हजार ६९८ शेतक-यांचे आधार प्रमाणीकरण पूर्ण झाले आहे, त्यापैकी ४३ हजार ६६० पात्र लाभाष्यांच्या खात्यात पहिल्या आणि दुसऱ्या टप्प्यात मिळून ३७४.९१ कोटी रुपये जमा झाले आहेत. यामध्ये सेवा सहकारी संस्थाच्या (जिल्हा मध्यवर्ती बैंक) २५ हजार २०५ सभासदांना २००.२३ कोटी रुपये, तर राष्ट्रीयकृत बैंकांच्या १८ हजार ४५५ सभासदांना १७४ ६८ कोटी रुपयांचा लाभ मिळाला आहे.

दुसरा टप्पा : एक नजर

• पात्र लाभार्थी: १७,३२७ शेतकरी
• जिल्हा मध्यवर्ती सहकारी बँक: ७.०९१ शेतकरी
• राष्ट्रीयकृत बँका: १०,२३६ शेतकरी
• एकूण वितरित निधी : १५०.०५ कोटी रुपये
• जिल्हा मध्यवर्ती बँक: ५६.४३ कोटी रुपये
• राष्ट्रीयकृत बँका: ९३.६२ कोटी रुपये

Buldhana News: एसटी बस-टिप्परच्या धडकेत १ ठार ६ जण जखमी; चिखली-खामगाव महामार्गावर घडला अपघात