Washim News: पिण्याच्या पाण्याचे काटेकोर नियोजन करा; संबंधित अधिकाऱ्यांना जिल्हाधिकारी कुंभेजकर यांचे निर्देश

Washim Drinking Water Management: वाशिम जिल्ह्यात संभाव्य पाणीटंचाईचा सामना करण्यासाठी जिल्हाधिकारी योगेश कुंभेजकर यांनी आतापासूनच पिण्याच्या पाण्याचे काटेकोर नियोजन करण्याचे निर्देश दिले.

• पाणीटंचाईचा सामना करण्यासाठी प्रशासन अलर्ट
• जिल्हाधिकारी कुंभेजकरांचे अधिकाऱ्यांना कडक निर्देश
• पाणीपुरवठा योजनांची नियमित तपासणी होणार

वाशिम: जिल्ह्यातील संभाव्य पाणीटंचाईच्या परिस्थितीचा सामना करण्यासाठी पिण्याच्या पाण्याचे नियोजन आतापासूनच काटेकोरपणे करावे. उपलब्ध पाणीसाठ्याचे योग्य नियोजन करून नागरिकांना पिण्याच्या पाण्याचा पुरवठा सुरळीत राहील, यासाठी आवश्यक त्या उपाययोजना वेळेत पूर्ण कराव्यात, असे निर्देश जिल्हाधिकारी योगेश कुंभेजकर यांनी दिले.

Washim: दुष्काळग्रस्त यादीत वाशिमचे सहाही तालुके समाविष्ट, पालकमंत्री दत्तात्रेय भरणे यांच्या पाठपुराव्याला यश

या बैठकीस मुख्य कार्यकारी अधिकारी अर्पित चौहान, निवासी उपजिल्हाधिकारी विश्वनाथ घुगे, ग्रामीण पाणी पुरवठा विभागाचे कार्यकारी अभियंता कानेरकर, महावितरणचे अधीक्षक अभियंता संदीप दरवडे, जिल्हा जलसंधारण अधिकारी हरेद्र वाघमारे, नगरपालिका प्रशासन सहआयुक्त डॉ. बाबुराव बिक्कड, जिल्हा आपत्ती व्यवस्थापन अधिकारी शाहू भगत, नगरपालिका मुख्याधिकारी अरविंद मुंढे यांच्यासह इतर वरिष्ठ अधिकारी उपस्थित होते.

ग्रामीण पाणीपुरवठा विभागाने प्रत्येक गावाचा स्वतंत्र आढावा घेऊन पिण्याच्या पाण्याची उपलब्धता ३१ ऑगस्ट २०२७ पर्यंत कायम राहील, यासाठी आवश्यक नियोजन करावे. यासाठी मुख्य कार्यकारी अधिकाऱ्यांनी गट विकास अधिकारी, ग्रामपंचायत अधिकारी, ग्रामीण पाणी पुरवठा विभागाचे उपअभियंता व शाखा अभियंता यांच्या पंचायत समितीनिहाय तातडीने आढावा बैठका घ्याव्यात. ग्रामीण पाणी पुरवठा योजनांच्या मुख्य व वितरण पाईपलाईनची दर १० दिवसांनी तपासणी करून गळती आढळल्यास तातडीने दुरुस्ती करावी, अशा सूचनाही जिल्हाधिकाऱ्यांनी दिल्या आहेत.

अवैध सिंचन पाणी उपसा रोखण्यासाठी प्रशासनाकडून विशेष लक्ष

जिल्ह्यातील प्रकल्प व तलावांमधून रात्रीच्यावेळी बेकायदेशीरपणे पाणी उपसा रोखण्यासाठी महावितरणने सजग रहावे, एकबुर्जी प्रकल्पातील अवैच सिंचन पाणी उपसा रोखण्यासाठी विशेष लक्ष देऊन तेथील बेकायदेशीर वीज जोडण्या तत्काळ खंडित कराव्यात, असे निर्देशही महावितरणच्या वरिष्ठ अधिका-यांना देण्यात आले. धरणे व तलावांवर अचानक रात्रपाळी पाहणी करण्यासाठी नगर परिषद, महावितरण, पाटबंधारे, लघु पाटबंधारे तसेच मृद व जलसंधारण विभागातील अधिकारी-कर्मचाऱ्याचा समावेश असलेली संयुक्त गस्ती पथके स्थापन करून संबंधित विभागांनी आपल्या प्रतिनिधीची नावे व मोबाइल क्रमांक जिलाधिकारी कार्यालयास तत्काळ सादर करावेत.

Buldhana: शेतात विहिरी झाल्या, मात्र अनुदान रखडले; पैशासाठी झिजवतात कार्यालयाचे उंबरठे, शेतकरी आर्थिक अडचणीत