‘संभाजी महाराजांना त्यांच्या…’, औरंगजेबाची स्तुती करणारे अबू आझमी आता छत्रपती महाराजांबद्दल काय म्हणाले?

Chhatrapati Sambhaji Maharaj Punyatithi: महाराष्ट्र समाजवादी पक्षाचे आमदार अबू आझमी यांनी आता छत्रपती संभाजी महाराजांना त्यांच्या पुण्यतिथीनिमित्त श्रद्धांजली वाहिली आहे.

वक्फ दुरुस्ती विधेयकावर समाजवादी पार्टीचे नेते अबू आझमी यांची पहिली प्रतिक्रिया (फोटो - सोशल मीडिया)

Follow Us:

Follow Us:

Chhatrapati Sambhaji Maharaj Punyatithi 2025 in marathi : महाराष्ट्रात समाजवादी पक्षाचे आमदार अबू आझमी यांनी मुघल शासक औरंगजेबाचे कौतुक केले, ज्यामुळे मोठा वाद निर्माण झाला. वाद वाढत गेल्याने त्यांना विधानसभेतूनही निलंबित करण्यात आले. दरम्यान आता अबू आझमी यांनी छत्रपती संभाजी महाराजांना त्यांच्या पुण्यतिथीनिमित्त श्रद्धांजली वाहिली आहे.

निधीवाटपातही शिंदेंसोबत दुजाभाव, भाजप, राष्ट्रवादीला जास्त तर शिवसेनेला कमी

अबू आझमी यांनी त्यांच्या सोशल मीडिया हँडल X वर ट्विट केले आणि मराठीत लिहिले, “स्वराज्याचे दुसरे छत्रपती, पराक्रमी योद्धा, धर्मवीर छत्रपती संभाजी महाराजांच्या शहादत दिनी त्यांना विनम्र श्रद्धांजली.”

यापूर्वी अबू आझमी यांनी औरंगजेबाचे वर्णन एक चांगला राजा असे केले होते, ज्यामुळे महाराष्ट्रात मोठा राजकीय गोंधळ निर्माण झाला होता. भाजप, शिवसेना (शिंदे गट) आणि महाराष्ट्र नवनिर्माण सेना (मनसे) यांनी आझमी यांच्या विधानावर जोरदार टीका केली आणि त्यांच्यावर संभाजी महाराजांचा अपमान केल्याचा आरोप केला.

अबू आझमी काय म्हणाले?

खरंतर सपा नेते अबू आझमी म्हणाले होते की मी औरंगजेबाला क्रूर शासक मानत नाही. त्या काळातील सत्ता संघर्ष धार्मिक नसून राजकीय होते. छत्रपती शिवाजी महाराजांच्या सैन्यात जसे अनेक मुस्लिम होते तसेच औरंगजेबाच्या सैन्यातही अनेक हिंदू होते. औरंगजेब क्रूर शासक नव्हता आणि त्याने अनेक मंदिरे बांधली. छत्रपती संभाजी महाराज आणि औरंगजेब यांच्यात हिंदू आणि मुस्लिमांमध्ये संघर्ष झाला असा दावा करणारे खोटे बोलत आहेत. या वादानंतर अबू आझमी यांनीही त्यांच्या विधानाबद्दल माफी मागितली. अबू आझमी यांनी स्पष्टीकरण देत म्हटले की, मी छत्रपती शिवाजी महाराज आणि संभाजी महाराजांविरुद्ध बोलण्याचा विचारही करू शकत नाही, मी तेवढा मोठा नाही, माझे शब्द विकृत केले गेले आहेत. औरंगजेब रहमतुल्लाह अलेह बद्दल, मी तेच म्हटले आहे जे इतिहासकार आणि लेखकांनी म्हटले आहे.

एकनाथ शिंदेंवर टीका

आमदार अबू आझमी यांनी औरंगजेब हा क्रूर प्रशासक नव्हता असं विधान केलं आहे. त्यांच्या या विधानानंतर अनेकांनी टीकेची झोड उठवली आहे. तसंच एकनाथ शिंदे यांनी अबू आझमी देशद्रोही असल्याचं म्हटलं आहे.एकनाथ शिंदे म्हणाले अबू आझमी यांचा निषेध करावा तेवढा थोडा आहे. अबू आझमी यांच्यावर देशद्रोहाचा गुन्हा दाखल केला पाहिजे. औरंगजेबाचं कौतुक करणं हे महापाप आहे असंही एकनाथ शिंदे यांनी म्हटलं आहे. याचदरम्यान आता अबू आझमी यांनी X वर ट्विट करत एकनाथ शिंदेंवर टीका केली आहे. “आम्हाला देशभक्ती व निष्ठा कोणीही शिकवू नये.. आम्ही न्यायसुद्धा छत्रपतींच्या नावाने आणि आदर्शांवर मागतो,आणि तुम्ही फक्त आज पर्यन्त छत्रपतींच्या नावावर राजकारण करतायेत!”, अशी टीका अबू आझमी यांनी उपमुख्यमंत्री एकनाथ शिंदे यांच्यावर केली आहे.

हिंदूंसाठी वेगळी मटणाची दुकानं? हलाल विरोधात भाजप मंत्र्यांची घोषणा, दिलं जाणार खास सर्टिफिकेट

Web Title: Chhatrapati sambhaji maharaj punyatithi death anniversary sp mla abu azmi reaction aurangzeb

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com