शुक्रवार, 30 ऑक्टोबर 2026
एसटी कर्मचाऱ्यांना मोठा दिलासा! थकीत देणी देण्यासाठी आवश्यक निधी उपलब्ध करून देणार
मुंबई : महाराष्ट्र राज्य मार्ग परिवहन महामंडळाच्या (एसटी) कर्मचाऱ्यांची थकीत देणी भागविण्यासाठी आवश्यक निधी उपलब्ध करून देण्याचे स्पष्ट आश्वासन मुख्यमंत्री देवेंद्र फडणवीस दिले असल्याची माहिती महाराष्ट्र एसटी कर्मचारी काँग्रेसचे सरचिटणीस श्रीरंग बरगे यांनी शुक्रवारी दिली.(ST Employees)
एसटी कर्मचाऱ्यांची वेतनविषयक देणी, भविष्य निर्वाह निधी (पीएफ), उपदान (ग्रॅच्युइटी) आणि अन्य थकबाकी प्रलंबित असताना दिवाळीपूर्वी आवश्यक निधी उपलब्ध करून देण्यात सरकारकडून विलंब होत असल्याचे निवेदन मुख्यंत्र्यांना देण्यात आल्याचे बरगे यांनी सांगितले. बरगे यांनी गुरुवारी (29 ऑक्टोबर 2026) रात्री दादर येथील कार्यक्रमा दरम्यान फडणवीस यांची भेट घेऊन एसटी कर्मचाऱ्यांच्या प्रलंबित देण्यांसंदर्भात व्यथा मांडली. त्यानंतर मुख्यमंत्र्यांनी आवश्यक निधी उपलब्ध करून देण्याचे स्पष्ट आश्वासन दिले असल्याचे श्रीरंग बरगे यांनी सांगितले.
ST Bus Employee: एसटी कर्मचाऱ्यांची दिवाळी गोड होणार! सरकारकडून ३९१ कोटींचा निधी मंजूर
एसटी महामंडळाने ऑक्टोबर महिन्याचे वेतन आणि अन्य थकीत देणी भागविण्यासाठी राज्य सरकारकडे १३५४. ५४ कोटी रुपयांची मागणी केली होती. मात्र, प्रत्यक्षात ३९१ कोटी रुपयेच उपलब्ध करून देण्यात आल्याने महामंडळाच्या आर्थिक अडचणी वाढल्याचा दावा बरगे यांनी केला. कर्मचाऱ्यांची गेल्या दोन ते तीन वर्षांतील ५,७४० कोटी रुपयांहून अधिक देणी प्रलंबित आहेत. यामध्ये भविष्य निर्वाह निधी आणि उपदानापोटी संबंधित विश्वस्त मंडळाकडे जमा न झालेल्या सुमारे ३,३५० कोटी रुपयांचा समावेश आहे, असे त्यांनी सांगितले.
वेतनवाढीच्या फरकापोटी सरकारने ५९७.१२ कोटी रुपये मंजूर केले असले, तरी ही रक्कम प्रत्यक्षात महामंडळाला मिळालेली नसल्याचे बरगे यांनी म्हटले आहे. एसटीचा संचित तोटा वाढत असताना अपेक्षित प्रवासी उत्पन्न मिळत नसल्याने महामंडळाला दैनंदिन आर्थिक व्यवहार सांभाळणे कठीण होत आहे. त्यातच कर्मचाऱ्यांची वेतनविषयक देणी, पीएफ, ग्रॅच्युइटी आणि अन्य देयकांची थकबाकी वाढत असल्याचे त्यांनी निवेदनात नमूद केले. या सर्व बाबींवर आवश्यक निधी उपलब्ध करून देण्यात येईल, असे मुख्यमंत्र्यांनी स्पष्टपणे आश्वासन दिल्याचे बरगे यांनी सांगितले. यावेळी राहुल माने, अमोल पोळ, अमृत पवार, औदुंबर कुंभारकर आदी उपस्थित होते.
या पार्श्वभूमीवर एसटी कर्मचाऱ्यांची थकीत देणी अदा करण्यासाठी आवश्यक निधी उपलब्ध करून देण्याचे मुख्यमंत्र्यांनी आश्वासन दिले आहे. त्यामुळे कर्मचाऱ्यांच्या आर्थिक अडचणी दूर करण्याच्या दृष्टीने सरकारकडून सकारात्मक पाऊल उचलले जाण्याची अपेक्षा आहे. दरम्यान, मुख्यमंत्र्यांनी दिलेल्या आश्वासनाची प्रत्यक्ष अंमलबजावणी कधी होणार आणि किती निधी उपलब्ध करून दिला जाणार, याकडे एसटी कर्मचाऱ्यांचे लक्ष लागले आहे.
Ans: एसटी कर्मचाऱ्यांची थकीत देणी भागविण्यासाठी आवश्यक निधी उपलब्ध करून देण्याचे आश्वासन मुख्यमंत्र्यांनी दिले आहे.
Ans: थकीत देणी मिळाल्यास एसटी कर्मचाऱ्यांना आर्थिक दिलासा मिळण्यास मदत होणार आहे.
Ans: थकीत देणी अदा करण्यासाठी आवश्यक निधी उपलब्ध करून देण्यात येणार असल्याचे मुख्यमंत्र्यांनी स्पष्ट केले आहे.
