सहकारमंत्री बाळासाहेब पाटील यांची पाथर्डीला भेट; काँग्रेस पदाधिकाऱ्यांशी चर्चा

राज्याचे सहकारमंत्री बाळासाहेब पाटील यांनी अचानक पाथर्डीला भेट देऊन शहरातील काँग्रेसच्या पदाधिकाऱ्यांसोबत स्थानिक पक्षीय व तालुक्यातील विविध प्रश्नांवर चर्चा केली.

Follow Us:

Follow Us:

पाथर्डी : राज्याचे सहकारमंत्री बाळासाहेब पाटील यांनी अचानक पाथर्डीला भेट देऊन शहरातील काँग्रेसच्या पदाधिकाऱ्यांसोबत स्थानिक पक्षीय व तालुक्यातील विविध प्रश्नांवर चर्चा केली. यावेळी पाटील यांचे काँग्रेस पदाधिकाऱ्यांनी शासकीय विश्रामगृह येथे स्वागत करुन सत्कार केला.

यावेळी काँग्रेसचे तालुकाध्यक्ष तथा जिल्हा अल्पसंख्याक विभाग कार्याध्यक्ष नासीर शेख, तालुका उपाध्यक्ष रवी पालवे, किशोर डांगे, नवाब शेख, आनंद सानप, गणेश दिनकर, सुभाष भाबड, ज्ञानेश्वर भाबड, अनिल साबळे, दत्ता पाठक, महेश दौंड, महाराष्ट्र नवनिर्माण सेना सामाजिक न्याय विभाग जिल्हाध्यक्ष प्रवीण वाघमारे आदी उपस्थित होते.

यावेळी नासीर शेख म्हणाले की, पाटील यांच्याशी तालुक्यातील विविध प्रश्नावर चर्चा करण्यात आली. तालुक्यातील अतिरिक्त उसाचा मोठा प्रश्न आहे. शिल्लक उसाला अनुदान मिळावे. शेतीपूरक सहकारी उद्योग व्यवसायासाठी शेतकऱ्यांना मार्गदर्शन व मदत मिळावी. सहकारी सोसायट्यांमधून शेतकऱ्यांना बिगरव्याजी कर्ज मिळावे अथवा व्याजाचे अनुदान मिळावे.

कृत्रिम खत तुटवडा, बनावट व निकृष्ट दर्जाचे बियाणे यावर सरकारने अंकुश ठेवावा. अशा विविध मागण्या मंत्री पाटील यांच्यासमोर मांडल्या. यावर पाटील म्हणाले की, सर्व मागण्यांचा सरकार सकारात्मक विचार करून निर्णय घेवू. यावर्षी चांगला पाऊस झाल्याने अतिरिक्त उसाचा मोठा प्रश्न राज्यभरात आहे. यामधून मार्ग काढू, असा विश्वास दिला. यावेळी कोल्हापूर येथील महाविकास आघाडीचा उमेदवार विजयी झाल्याबद्दल पेढे वाटून आनंद साजरा करण्यात आला.

Web Title: Co operation minister balasaheb patil visit to pathardi discussion with congress office bearers nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com