Jalgaon News: ठेचा-भाकरी घेऊन जिल्हाधिकारी कार्यालय गाठणार! गिरणेच्या पाण्यासाठी आंदोलनाचा इशारा

Jalgaon News: गिरणा धरणात ऑगस्टअखेर १०० टक्के पाणीसाठा होऊनही एरंडोल तालुक्यासह जळगाव जिल्ह्यातील अनेक भागांत पाणीटंचाई आणि पशुधनाच्या चाऱ्याची समस्या गंभीर बनली आहे. भूजल पातळी खालावल्याने विहिरी आणि कूपनलिका कोरड्या पडण्याची परिस्थिती निर्माण झाली आहे.

• ऑगस्टअखेर गिरणा धरण पूर्ण भरले असूनही परिसरात पाणीटंचाई
• विहिरी आणि कूपनलिकांनी तळ गाठल्याने पिण्याच्या पाण्याचा प्रश्न गंभीर
• गिरणा धरणाच्या पाटातून तातडीने पाण्याची तीन आवर्तने सोडण्याची मागणी

एरंडोल (वा.) ऑगस्ट अखेर गिरणा धरणात १०० टक्के पाणीसाठा होऊनही एरंडोल तालुक्यासह जिल्ह्यातील अनेक भागात पाण्याचा प्रश्न आणि पशुधनाच्या चाऱ्याची समस्या दिवसेंदिवस गंभीर बनत चालली आहे. या पार्श्वभूमीवर एरंडोल परिसराला दुष्काळमुक्त करण्यासाठी गिरणा धरणाच्या पाटातून पाण्याचे तीन आवर्तन तात्काळ सोडण्यात यावेत, या प्रमुख मागणीसाठी तालुक्यातील सर्वपक्षीया नेते व शेतकरी प्रतिनिधींनी आक्रमक भूमिका घेतली आहे. Jalgaon News:

कूपनलिकांनी तळ गाठला

यासंदर्भाता तहसीलदार गोपाळ पाटील यांच्यामार्फत जळगावच्या जिल्हाधिकाऱ्यांना नुकतेचा एक निवेदन सादर केले. तालुक्यातील भूजल पातळी अत्यंत खालच्या स्तरावर गेल्याने विहिरी व कूपनलिकांनी तळ गाठला आहे. परिणामी, शेतीसोबतच पिण्याच्या पाण्याचा प्रश्न आणि गुरांच्या चाऱ्याची भीषण टंचाई निर्माण झाली आहे. गिरणा धरणातून पाटाद्वारे पाण्याचे तीन आवर्तन सोडल्यास परिसरातील विहिरी व कूपनलिकांचे पुनर्भरण होऊन जलस्तर वाढण्यास मदत होईल.

Jalgaon News: ग्रामरोजगार सेवकांचा एल्गार! २४ महिन्यांचे थकीत …

प्रशासनाने समस्या न सोडविल्यास ‘ठेचा भाकरी’

प्रशासनाने या समस्येकडे त्वरित लक्ष न दिल्यास जिल्हाधिकारी कार्यालयासमोर ‘ठेचा भाकरी’ आंदोलन अधिक तीव्र करण्याचा इशारा सर्वपक्षीय नेत्यांनी दिला आहे. एरंडोल तहसिलदारांनी गिरणा पाटबंधारे विभागाच्या अधीक्षक अभियंत्यांशी तात्काळ संपर्क साधून शेतकरी प्रतिनिधींसोबत संयुक्त बैठक आयोजित करावी अशी एकमुखी मागणी यावेळी करण्यात आली.

Jalgaon News: रावेर तालुक्यात नेमकं चाललंय काय? ९ महिन्यांत ९५ …

जर या बैठकीतून पिण्याच्या पाण्याचा व चाऱ्याचा प्रश्न तात्काळ निकाली निघाला नाही, तर येत्या काही दिवसांत एरंडोल तालुक्यातील हजारो शेतकरी जिल्हाधिकारी कार्यालयावर धडक देऊन ‘ठेचा-भाकरी’ आंदोलन छेडतील, असा इशाराही

निवेदन देतेवेळी सर्वपक्षीय पदाधिकारी व शेतकऱ्यांनी केली एकजूट…

निवेदन देतेवेळी सर्वपक्षीय उपस्थित होते. गुलाबराव वाघ (शिवसेना उपनेते), विजय महाजन (उपाध्यक्ष, प्रदेश काँग्रेस), कल्पिता रमेश पाटील (जिल्हाध्यक्ष, महिला-श.प. राष्ट्रवादी), सुनील पाटील (तालुकाध्यक्ष, काँग्रेस), किशोर महाले (जिल्हाध्यक्ष, शिवसेना-उबाठा), सुनील पाटील (तालुकाध्यक्ष, प्रहार), उमेश पाटील (तालुकाध्यक्ष, श.प. राष्ट्रवादी), डॉ. राजेंद्र देसले, संजय पाटील (शहराध्यक्ष, काँग्रेस), अब्दुल हक इसाक (जिल्हाध्यक्ष, काँग्रेस), मदनलाल भावसार (खजिनदार, काँग्रेस), विशाल सोनार (तालुकाध्यक्ष, मनसे), तसेच जितेन्द्र तांदळे, लीलाधर पाटील, एन. डी. काळकर, सुरेश खैरनार, बापू पवार, दिलीप पाटील, रमेश जमादार, जयेश पिलोरे, दीपक पाटील, हरी राठी, हिंमतराव पाटील, जयेश दाभाडे, नंदू मराठे, शंकर क्षीरसागर, महेश शिंपी, डॉ. सय्यद अली अहमद अली, धनराज क्षीरसागर आदी उपस्थित होते.